Գաղտնիք չէ, թե որքան օգտակար ու բուժիչ ազդեցություն կարող է ունենալ ծիծաղը մարդու օրգանիզմի վրա: Այսպես, ստորև թվարկված է մի քանի օգտակար հատկություն, որոնցով «օժտված» է ծիծաղը:

Ծիծաղն օգտակար է շաքարախտի դեպքում

Ծիծաղն օգտակար է բոլոր մարդկանց, հատկապես՝ շաքարախտով հիվանդների համար. այն օգնում է նվազեցնել արյան մեջ գլյուկոզայի մակարդակը: Սա ապացուցելու համար ճապոնացի գիտնականները հետազոտություն են անցկացրել շաքարախտով հիվանդ երկու խումբ կամավորականների հետ:

Մի խումբը կատակերգական շոու է դիտել, մյուսը՝ շաքարախտի մասին դասախոսություն լսել: Նրանց մոտ, ովքեր կատակերգական շոու են դիտել ու, բնականաբար, նաև ծիծաղել, արյան մեջ շաքարի մակարդակը շատ ավելի ցածր է եղել:

Ծիծաղն օգնում է ասթմայի և բրոնխիտի դեպքում

Ծիծաղը նպաստում է նաև ասթմայի և բրոնխիտի բուժմանը: Ծիծաղելիս օդը թոքերից դուրս է գալիս 100 կմ/ժ արագությամբ՝ ազատելով բրոնխները դրանցում կուտակված լորձից, նաև թեթևացնում է շնչառությունը բորբոքային պրոցեսների դեպքում:

Ծիծաղն օգնում է նիհարել

Մեկ ժամ անդադար ծիծաղի դեպքում մարդը կարող է նիհարել 0.5 կգ-ով: Ճիշտ է, քչերը կարող են մեկ ժամ շարունակ ծիծաղել, այնուամենայնիվ 10-15 րոպե լիաթոք ծիծաղը բավական է մեկ միջին չափի շոկոլադե սալիկին համարժեք կալորիաներ այրելու համար:

Ըստ Վանդերբիլտի համալսարանի գիտնականների՝ այն մարդիկ, որոնք ծիծաղում են օրական 15 րոպե, կարող են տարեկան մինչեւ 2 կգ ճարպ այրել:

Ծիծաղն օգտակար է սրտի համար

Ծիծաղն ու հումորի լավ զգացողությունը կարող են օգնել կանխել սրտի հիվանդությունները: Այսպես, սթրեսի ժամանակ ադրենալին է արտանետվում, ինչի պատճառով անոթները նեղանում են, առիթմիայի և միոկարդի ինֆարկտի զարգացման վտանգը բարձրանում է:

Նման դեպքերում ծիծաղը կրճատում է սթրեսի հորմոնների քանակը, նվազեցնում անոթների սպազմը, լայնացնում է դրանք ու լավացնում արյան շրջանառությունը: Հետաքրքիր է նաև, որ սրտի հիվանդություններով մարդիկ 40 տոկոսով հազվադեպ են ծիծաղում, քան առողջ սրտով մարդիկ:

Հումորի զգացումն ու ինտելեկտը կապակցված են

Կատակելու կարողությունը բխում է մտավոր ունակություններից: Էվոլյուցիոն կենսաբան Ջեֆրի Միլերը 2000 թվականին ապացուցել է դա մի հետաքրքիր փորձի միջոցով:

Մի քանի մարդ Ռավենի թեստն է անցել (հարցաթերթիկ, որի օգնությամբ կարելի է պարզել ինտելեկտի զարգացման մակարդակը): Նրանց խնդրել են ծիծաղելի պատկերներ նկարել և հումորով մոտենալ հարցերը պատասխանելուն: Պարզվել է, որ ամենախելացիներն ավելի շատ են օժտված եղել հումորի զգացումով:

Հրապարակման ներկայացրեց՝ Ջուլիետտա Մանուկյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]