Ամենապարզ հարցերի պատասխանները կարող են շատ բան պատմել  մարդու մասին և թե ինչ է կատարվում նրա գլխում: Ամբողջ աշխարհի հոգեբանները օգտագործում են այս մեթոդը, որպեսզի հասկանան՝ տվյալ մարդը հանճա՞ր է, թե նրան բուժում է հարկավոր:

Mediamag.am-ը առաջարկում է 3 հարց, որոնք կօգնեն պարզել, թե ո՞վ է նստած ձեր գլխում՝ խելագար մե՞կը, թե՞ Սալվադոր Դալին:

1. Ի՞նչ ընդհանուր բան ունեն թեյնիկն ու շոգենավը

[accordion title=’Սեղմեք՝ պատասխանը իմանալու համար’]Գոլորշին[/accordion]

2. Ի՞նչ ընդհանուր բան կա մրցավազքային բոլիդի և տորնադոյի միջև

[accordion title=’Սեղմեք՝ պատասխանը իմանալու համար’]Երկուսն էլ շարժվում են շրջաններով[/accordion]

3. Ի՞նչ ընդհանուր բան կա ճտքավոր կոշիկի և մատիտի միջև

[accordion title=’Սեղմեք՝ պատասխանը իմանալու համար’]Երկուսն էլ հետք են թողնում[/accordion]

Իսկ հիմա ամենահետաքրքիրը: Եվ այսպես, ո՞վ եք դուք

Եթե դուք չկարողացաք պատասխանել այս հարցերին՝ մի վշտացեք: Դուք ունեք միանգամայն առողջ մտածելակերպ: Դե իսկ եթե այս հարցերին պատասխանելը ձեզ համար չափից ավելի հեշտ էր՝ նշանակում է դուք հոգեկան հիվանդության հակումներ ունեք, և հնարավոր է, որ պետք է դիմել կոմպետենտ մասնագետի:

Այս թեստը կոչվում է «Հակադրումների մեթոդ» և օգտագործվում է ընդլայնված գիտակցության բացահայտման համար: Եթե սովորական մարդուն հարցնեն. «ի՞նչ ընդհանուր բան կա ագռավի և գրասեղանի միջև», նա կպատասխանի. «ոչ մի»: Եվ որոշ առումներով ճիշտ կլինի: Ընդհանուր առմամբ սրանք բոլորովին անհամադրելի բաներ են: Իսկ շիզոֆրենիայով տառապողները անմիջապես փնտրում են ավելի մանր և խորը տարբերակներ՝ նրանք միանգամից կարող են ասել, որ գրասեղանի վրա նամակ են գրում, իսկ ագռավը ունի փետուր, որով կարելի է գրել:

Բայց ինչպե՞ս տարբերել շիզոֆրենիկին հանճարից: Տարբերությունը նրանում է, որ առաջինները պատասխանում են մի անգամից, իսկ հանճարները պետք է լարվեն, բացառեն անմիջական և անհետաքրքիր տարբերակները և տան իրապես յուրահատուկ պատասխան:

^{Աղբյուրը՝ adme.ru}