Փորձեք պատկերացնել թարմ պատրաստված սուրճի բույրը՝ խոսքերը չեն հերիքի այս հրաշաբույր ըմպելիքը նկարագրելու համար: Աշխարհի միլիոնավոր մարդկանց առավոտը սկսում է մեկ գավաթ սուրճից: Եվ ամեն երկիր ունի սուրճի պատրաստման իր գաղտնիքը:

Եկեք ծանոթանանք տարբեր երկրներում սուրճի պատրաստման մի քանի գաղտնիքների հետ.

Ձվով սուրճ (Վիետնամ)

Բաղադրության մեջ են մտնում՝ ձվի դեղնուց, խտացրած կաթ և տաք սուրճ:

Լապլանդական սուրճ (Ֆինլանդիա)

Գավաթի մեջ սկզբից դրվում է լապլանդական պանիր, իսկ հետո դրա վրա է լցվում սուրճը:

Հռոմեական Էսպրեսսո (Իտալիա)

Էսպրեսսո կիտրոնի կտորով, ընդ որում, ըմպելուց առաջ, կիտրոնը պետք է ճզմել՝ գդալով սեղմելով այն բաժակի պատերին կամ հատակին:

Լագրիմա (Արգենտինա)

Կաթի փրփուրին ավելացվում է ընդամենը մի քանի կաթիլ թունդ սուրճ: Ավելի պարզ ասած, սա ավելի շուտ սուրճով կաթ է:

Բոնբոն (Իսպանիա)

Սա Էսպրեսսո է խտացրած կաթով:

Համեմունքներով սուրճ (Մարոկկո)

Քնջութի սերմերի, սև պղպեղի և մշկընկույզի խառնուրդով համեմունքը խառնվում է սուրճի հատիկների հետ և աղացվում… ստացվում է իրոք շատ թունդ ընպելիք:

Թեյով սուրճ (Հոնգկոնգ)

Թեյի և սուրճի կաթով միքսը ապշեցնում է առաջին իսկ ումպից:

Ֆրապե (Հունաստան)

Սուրճ, պաղպաղակ, խտացրած կաթ և սառցե ջուր՝ ահա համեղ frappé-ի բաղադրությունը:

Ֆարիսեյ (Գերմանիա)

Այս ըմպելիքը հորինվել է Գերմանիայում այն նպատակով, որպեսզի քողարկվի ալկոհոլի պարունակությունը ընտանեկան  խնջույքներում: Սերուցքի լիառատ գլխարկի տակ թաքնված է բավական մեծ չափաբաժնով սուրճով ռոմ:

Տոուբա (Սենեգալ)

Սուրճի բովման ժամանակ ավելացվում է գվինեյական պղպեղի հատիկներ: Ըմպելիքը պատրաստվում է ինչպես սովորական արևելյան սուրճը:

Սխտորով և մեղրով սուրճ (Թուրքիա)

Սա բավական պոպուլյար ըմպելիք է Թուրքիայում և ամենայն հավանականությամբ հենց այս պատճառով է վերագրվում հենց թուրքիային, չնայած շատ աղբյուրներ էլ նշում են արաբական ծագման մասին: Այս սուրճը նաև անվանում են. «ծեր մավրի բաղադրատոմս»:

Նարինջով սուրճ (Ջամայկա)

Ջամայկան առաջին հերթին ասոցացվում է ռոմի հետ: Եվ զարմանալի չէ, որ ավանդական ջամայկական սուրճը պատրաստվում է հենց այս թունդ խմիչքով: