Փետրվարին բոլորը խոսում են սիրո մասին, բայց ճշմարտությունն այն է, որ յուրաքանչյուրն այդ սիրո մեջ փնտրում է իրենը։ Մեկին պետք է հենարան-մարդ, մեկին՝ կայծ և ազարտ, իսկ մյուսին՝ զուգընկեր, ում հետ կարելի է կյանք կառուցել առանց թատրոնի և ավելորդ կանոնների։ Ահա կարճ, ջերմ ուղեցույց՝ ըստ ծննդյան ամիսների. թե ինչպիսի «Վալենտին» է ձեզ հիմա ամենից շատ համապատասխանում։
Չմոռանաք բաժանորդագրվել մեր Telegram ալիքին:
Հունվար
Ձեզ հարկավոր է մարդ, ով չի վախենում լրջությունից։ Ոչ թե «տեսնենք՝ ինչպես կստացվի», այլ «արի՛ կառուցենք»։ Դուք գնահատում եք նպատակները, պատասխանատվությունը և հստակ մտադրությունները, և ուզում եք զուգընկեր, ում հետ կարելի է բռնել աշխարհի ձեռքը և միասին առաջ գնալ։
Փետրվար
Ձեզ հարկավոր է զուգընկեր, ով պատրաստ է կոտրել կարծրատիպերը։ Ձեզ նյարդայնացնում են ռոմանտիկայի հնացած սցենարները, դուք կողմ եք հավասարությանը և սիրո մեջ՝ ընկերությանը։ Իդեալական Վալենտինը հասուն է, ինքնաճանաչող, առանց պատրանքների, բայց հարգանքով է վերաբերվում ձեր ազատությանը։ Նրա հետ հեշտ է շնչվում։
Մարտ
Ձեզ հարկավոր է «խարիսխ-մարդ»՝ հենարան առանց ճնշման։ Նա, ով հողեղեն է դարձնում ձեր երազանքները՝ առանց թևերը կտրելու։ Զուգընկեր, ով օգնում է գաղափարներին դառնալ իրականություն. կաջակցի նախագծին, կոգեշնչի բիզնեսում, կհավատա ձեր մտահղացմանը և ձեզ հետ միասին այն կհասցնի արդյունքի։
Ապրիլ
Ձեզ հարկավոր է «ձեր մակարդակի» մարդ, ում չի վախեցնի ձեր էներգիան։ Դուք ուզում եք սրամիտ մտքերի փոխանակում, կիրք, թեթև մրցակցություն և «մենք հավասար ենք խաղում» զգացողություն։ Ձեզ համար լավագույն ժամադրություններն այնտեղ են, որտեղ մարտահրավեր կա՝ պարեր, ակտիվություն, նոր գործ, որտեղ քիմիան միանգամից դրսևորվում է։
Մայիս
Ձեզ հարկավոր է ճաշակով զուգընկեր՝ թե՛ կյանքի, թե՛ հարաբերությունների հանդեպ։ Դուք ընտրում եք որակը, այլ ոչ թե ցուցադրականը, գնահատում եք ոճը, մակարդակը և իսկական արժեքի զգացողություն։ Ընդ որում, դուք պատրաստ եք ներդրում անել. ձեզ համար կարևոր են այն մարդիկ, ովքեր հասկանում են, որ կյանքի լավագույն բաները երկնքից չեն ընկնում՝ դրանք ստեղծում են։
Հունիս
Ձեզ հարկավոր է բազմակողմանի մարդ՝ և՛ հետաքրքիր, և՛ ջերմ։ Զուգընկեր՝ իր սեփական նախասիրություններով ու աշխարհով, ով չի լուծվում ձեր մեջ, բայց կարողանում է լինել կողքիդ՝ իսկական։ Ձեզ համար կարևոր է հերթագայությունը՝ մեկ խթան ու զրույց, մեկ հարմարավետություն ու վերալիցքավորում։
Հուլիս
Ձեզ հարկավոր է նա, ով կարողանում է չշտապել։ Դուք «առաջին հայացքից սիրո» մասին չեք, դուք այն մտերմության մասին եք, որը ձևավորվում է ժամանակի ընթացքում, երբ ձեզ տեսնում են իրական՝ առանց ֆանտազիաների ու կրքի մշուշի։ Ձեզ համար կարևոր են իրատեսությունը, հուսալիությունը և «ես ապահով եմ» հանգիստ զգացողությունը։
Տես նաև՝ Կենդանակերպի նշանների 6 զույգ, ովքեր իդեալական համապատասխանում են մեկմեկու
Օգոստոս
Ձեզ հարկավոր է զուգընկեր, ով կարողանում է հիանալ։ Դուք ուզում եք, որ ձեզ հասնեն և ընտրեն գիտակցաբար՝ ոչ թե «մի քանի ժամադրության համար», այլ մտադրությամբ։ Անհասանելիության խաղը ձեզ համար քմահաճույք չէ, այլ ստուգում. ընդունա՞կ է արդյոք մարդը նվիրվածության և հաստատակամության։
Սեպտեմբեր
Ձեզ հարկավոր է մարդ, ով հարգում է ձեր կարգուկանոնն ու կանոնները։ Այո՛, դուք հենց այն մարդն եք, ով սիրում է, երբ ամեն ինչ իր տեղում է, և միայն այդ ժամանակ է հոգում լռություն տիրում և հնարավոր է դառնում բացվել։ Ձեր իդեալական Վալենտինը չի կոտրում ձեր համակարգը, այլ ընդունում է այն, և հենց դա է ձեզ նրբության համար տարածություն տալիս։
Հոկտեմբեր
Ձեզ հարկավոր է «հավասարակշռող» զուգընկեր՝ լրացում, այլ ոչ թե պատճեն։ Նա, ով ձեզ դուրս է բերում հարմարավետության գոտուց և միաժամանակ գնահատում է ձեր ուժեղ կողմերը։ Եթե դուք պլանավորում եք՝ թող նա ավելացնի ինքնաբուխություն։ Եթե դուք շփվող եք՝ թող կողքիդ լինի մեկը, ում հետ հաճելի է լռել։ Գլխավորը՝ միասին աճելն է։
Նոյեմբեր
Ձեզ հարկավոր է նա, ում ցանկանում եք հմայել, և ով պատասխանում է նույնով։ Ձեզ համար կարևոր է շոշափելի կայծը՝ ֆիզիկական, էմոցիոնալ, մտավոր։ Բայց բանալին ոչ թե «հաղթանակն» է, այլ ճանաչված լինելու խորը զգացումը. երբ ձեզ տեսնում են, ընտրում և հաստատում են ձեր արժեքը։ Եվ այո՛, երբեմն օգտակար է թույլ տալ ձեզ լինել նա, ում սիրում են, այլ ոչ թե նա, ով անընդհատ «տալիս է»։
Դեկտեմբեր
Ձեզ հարկավոր է զուգընկեր, ում հետ սերը արկած է։ Ոչ թե «ինչպես բոլորի մոտ», այլ ինչպես լավ պատմության մեջ՝ երազանքով, կրքով, շարժումով, ընդհանուր լեգենդով։ Դուք չեք հանդուրժում ձանձրույթն ու ինքնագոհությունը. ձեզ հարկավոր է մարդ, ով կարողանում է թեժ պահել քիմիան և պլանները վերածել գեղեցիկ իրականության։
Գրանցվիր մեր 
