90-ականներին Նաոմի Քեմբել անունը չէր իջնում ամսագրերի էջերից։ «Սև հովազը» զարդարում էր գրեթե բոլոր փայլուն ամսագրերի՝ այդ թվում Vogue-ի և Elle-ի շապիկները և նույնիսկ հայտնվել է Times-ի շապիկին։

Նաոմին պոդիումում հայտնվել է 15 տարեկանից։ 20 տարեկանում ըստ People-ի նա արդեն 50 ամենագեղեցիկ կանանց շարքում էր։

«Սև հովազն» ուղղակի ստեղծված էր պոդիումի համար։ Նա օժտված էր գրեթե իդեալական պարամետրերով՝ 86-61-86, կատարյալ ոտքերով և բացարձակ հեզաճկունությամբ։ Հանդիսատեսն ուղղակի պաշտում էր նրան՝ իր բնական գեղեցկության, ոչ սովորական արտաքինի և խառնվածքի համար։ Ի դեպ, նրան հովազ անվանել են հենց բնավորության համար։ Միլիոնավոր մարդկանց սիրելին հաճախ հայտնվում էր դատական գործընթացներում վիրավորանք կամ մարմնական վնասվածքներ հասցնելու մեղադրանքներով։