Մարդկանց 9 տեսակների շատ հետաքրքիր դասակարգում: Իսկ դուք կգտնե՞ք Ձեզ այստեղ, իսկ Ձեր ընկերների՞ն.

1. Կան՝ քամի մարդիկ

Այսօր այստեղ, վաղը այնտեղ, ոչինչ չկա հաստատուն և կայուն: Նախասիրությունները անընդհատ փոփոխվում են, ոչնչի վրա երկար կանգ չեն առնում:

2. Կան՝ ծաղիկ մարդիկ

Նրանց հետ պետք է զգույշ լինել, պաշտպանել «վատ եղանակից», քանի որ նրանք փխրուն և շուտ վիրավորվող են: Բայց այդ փխրունության մեջ էլ կա իր գեղեցկությունն ու գրավչությունը՝ նրանք թույլ են տալիս հոգ տանել իրենց մասին և ուժեղ զգալ քեզ:

3. Կան՝ գրադարան մարդիկ

Նրանցից միշտ կարող ես ինչ-որ բան սովորել, բացահայտել գիտելիքների նոր հորիզոններ:

4. Կան՝ լաբիրինթ մարդիկ

Նրանք անկանխատեսելի են, երբեք չես կռահի ո՞ւր կտանեն հարաբերությունները: Բայց որքան բարդ է հանելուկը, այնքան հետաքրքիր է դառնում այն լուծելը:

5. Կան՝ կանաչ հովիտ մարդիկ

Նրանց հետ հեշտ է և անվրդով: Նրանց հետ մի կողմ ես թողնում բոլոր պրոբլեմներն ու հոգսերը: Հաջողվում է թուլանալ և հանգստանալ, թեկուզ մեկ րոպեյով մոռանալով, որ պատուհանից դուրս անձրև և մառախուղ է, իսկ լվացարանում չլվացված ամաններ կան:

6. Կան՝ հրավառություն մարդիկ

Նրանք պայթուցիկ խառնվածք ունեն: Նրանք նվիրում են տոնական, լիարժեք կյանքի տպավորություններ, որքան որ ուժերը կների:

7. Կան՝ գրանիտ մարդիկ

Նրանց հետ միշտ կարելի է վստահ լինել, որ ոչինչ չի պատահի, և նրանց հետ միշտ պաշտպանված ես քեզ զգում: Կա մեկը, ում վրա կարող ես հույս դնել և հիմնվել:

8. Կան՝ անդունդ մարդիկ

Գիտես, որ ամեն ինչ վատ ավարտ է ունենալու, սակայն այն քեզ ձգում է՝ ձգում է դեպի անդունդի եզրը, ուզում ես ձեռքով դիպչել անհայտին…

9. Իսկ կան՝ ադամանդ մարդիկ

Դու նայում ես նրան: Եվ ամեն անգամ բացահայտում ես այդ մարդու նոր երեսակը (առանձնահատկությունները)՝ դրական, թե բացասական, կարևո՞ր է արդյոք: Ուղղակի ուսումնասիրում ես ու հիանում: