Կան մարդիկ, որոնք բացասական հույզեր, տարաձայնություններ, խառնաշփոթություն և հոգնածություն են բերում մեր կյանք: Նրանք կարող են դա անել բավական գիտակցված, և դուք նման շփումից ոչ մի լավ բան չեք ստանա: Հետևաբար, օգտակար է հեռու պահել ձեզանից որոշակի տիպի մարդկանց՝ առողջությունն ու հոգեբանական հարմարավետությունը պահպանելու համար:
Ձեր սոցիալական շրջանակում օգտակար է պարբերաբար «մաքրություն» կատարել, օտարելով թունավոր մարդկանց: Ի վերջո, նրանք հաջողությամբ արժեզրկում են մեր նվաճումները, խաթարում են ինքնավստահությունը, զրպարտում են, նախանձում և ծառայում են որպես բացասականության աղբյուր: Անհնար է ապրել տոտալ մեկուսացման պայմաններում, քանի որ մենք բոլորս սոցիալական էակներ ենք: Մենք կարեկցանքի, հասկացվածության և խթանման կարիք ունենք:
Ահա 10 տեսակի թունավոր մարդիկ, որոնց պետք է հեռացնեք ձեր շրջապատից:
1. Նրանք, ովքեր «ծծում են» ձեր ժամանակը
Նրանց մեջ կարելի է ներառել ընտանիքի անդամներին, ընկերներին, գործընկերներին, ովքեր գողանում են մեր ժամանակը: Նրանք չեն ցանկանում դրա դիմաց ինչ-որ բան տալ. Նրանք բողոքում են, բամբասում, պահանջում են չափազանց մեծ ուշադրություն: Հենց պարզվի, որ նրանք չեն ցանկանում աջակցել ձեզ, ապա, ամենայն հավանականությամբ, ժամանակն է վերջ դնել այդպիսի շփումներին: Բայց չէ՞ որ, օրինակ, հնարավոր չէ ազատվել հարազատներից: Կարելի է կիրառել այնպիսի ռազմավարություն, ինչպիսին է. անջատել սմարթֆոնը որոշակի ժամանակով կամ խնդրել զանգահարել միայն անհրաժեշտության դեպքում:
2. Նրանք, ովքեր պարբերաբար քննադատում են ձեզ
Քննադատությունը օգտակար է և անհրաժեշտ: Բայց երբ բանը հասնում է այն գիտակցմանը, որ ինչ-որ մեկը չափազանց հաճախ է հարձակվում ձեզ վրա, դա արդեն տագնապալի ազդանշան է: Եթե քննադատությունը կառուցողական չէ, կարող եք հրավիրել մարդուն անկեղծորեն խոսել և պարզել բոլոր հարցերը:
3. Քրոնիկ զոհեր
Նրանք մեղադրելու վիրտուոզներ են: Նրանք պատասխանատվություն չեն ստանձնում անձնական թերությունների և սխալ հաշվարկների համար: Նրանք քրոնիկ զոհեր են: Աշխատակիցները, ծնողները, ծանոթները, դաստիարակությունը, երկիրը, կյանքի պայմանները մեղավոր են ամեն ինչի համար: Եթե դուք չեք ցանկանում ընկղմվել նրանց մեղադրանքների հորձանուտում, խուսափեք այս մարդկանցից:
4. Բացասական մտածողություն ունեցող մարդիկ
Դրանք բացասական ինդուկտորներ են և վարակում են իրենց շուրջ եղած ամեն ինչ: Նրանք սուբյեկտներ են, որոնք անընդհատ անհանգստացած են, դժգոհ, ընկճված, նեղված: Եթե դուք չեք ցանկանում վարվելակերպի նման մոդել փոխառել և թունավորել ձեր կյանքը, հեռացրեք այդ մարդկանց:
5. Նրանք, ովքեր իրենց չեն վերահսկում և սնվում են ձեր էներգիայից
Յուրաքանչյուրի մոտ էլ լինում են դժվար ժամանակաշրջաններ, բայց կարևոր է, որ կարողանաս ինքդ քեզ վերահսկել: Որոշ պահերի մեզ անհրաժեշտ է դուրս թողնել բարկությունը, բայց ինչու՞ պետք է դիմանանք այլ մարդկանց բացասական հույզերի ցանկացած հարձակման և պոռթկման:
6. Նրանք, ովքեր ի վիճակի չեն կարեկցել
Ինչու՞ շփվել մարդու հետ, եթե նա ի վիճակի չէ կարեկցել, երբ մենք դրա կարիքը շատ ունենք: Նա կարող է լինել ինքնասիրահարված, եսասեր անձնավորություն կամ նույնիսկ սոցիոպատ: Նման սուբյեկտից ակնկալել աջակցություն, ջերմություն և հոգատարություն՝ ուղղակի անիմաստ է:
7. Նրանք, ովքեր ստում են
Անազնիվ մարդը կարող է վնասել ձեզ՝ վճռական պահին անհարմար դրության մեջ դնելով կամ պարզապես սասանել ձեր վստահելիությունը: Նման մարդիկ հարմար չեն բարեկամության համար, քանի որ անկեղծությունն ու ազնվությունն անհրաժեշտ են ցանկացած շփման մեջ:
8. Տարբեր տեսակի մանիպուլյատորներ
Ինչ-որ մեկը հարաբերություններ է սկսում և պահպանում բացառապես շահի համար: Նման մարդիկ չեն խուսափում ամենակեղտոտ հնարքներից: Նրանք օգտագործում են ձեր թույլ կողմերը, նրանք գիտեն ինչպես հնազանդեցնել և հմայել: Եվ ամեն ինչ սեփական շահի համար:
9. Նրանք, ովքեր նպատակաուղղված ցավ են պատճառում
Վնասելու բազմաթիվ եղանակներ կան: Օրինակ՝ նվաստացնել, վիրավորել, արժեզրկել հաջողությունները: Կան մարդիկ, ովքեր «վարպետ» են ուրիշներին ցավեցնելու մեջ: Այսպիսով, նրանք թաքցնում են իրենց սեփական անկատարությունը, ցուցաբերում բացասական վերաբերմունք և նույնիսկ ստանում հոգեբանական հաճույք: Ինչու՞ շփվել այդպիսի մարդկանց հետ:
10. Նրանք, ովքեր սթրեսի մեջ են
Սթրեսը վարակիչ է: Մենք ընկալում ենք ուրիշների անհանգստությունը, բացասականությունը, վատ էներգիան: Ուստի կարևոր է պաշտպանվել այդպիսի ազդեցությունից և պահպանել նյարդերն ու առողջությունը:
Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:
