Քեմբրիջի համալսարանի կայքում հաղորդում են, որ համալսարանի գիտնականներին հաջողվել է նախագծել լազերային մի տեխնոլոգիա, որի շնորհիվ հնարավոր է թղթի վրայից ամբողջությամբ մաքրել թանաքը: Թուղթը այդ ընթացքում ամենևին չի վնասվում և հետևաբար հնարավոր է անընդհատ տպել այդ նույն թղթի վրա:
Հետազոտության ընթացքում փորձարկվել են տարբեր հզորությունների և իմպուլսի երկարության 10 տարբեր լազերային հարմարանք (ուլտրամանուշակագույն, ինֆրակարմիր և այլն): Ընտրությունը կանգ առավ ընդամենը մի քանի նանո վայրկյան իմպուլսի երկարություն ունեցող կանաչ լազերի վրա, որը բավական էֆեկտիվ է թղթի վրա տաքացնում համապատասխան մասերը:
Ջերմաստիճանի ազդեցության տակ տոները (թանաքը) ջնջվում է, իսկ լազերը անցնելով թղթում ցելյուլոզային հյուսվածքների արանքով՝ չի վնասում թուղթը: Գիտնականների այս մեթոդը հաջողությամբ փորձարկվել է Canon թղթով և սև թանաքով HP Laserjet տպիչով, որոնք տարածված են ամբողջ աշխարհի գրասենյակներում:
Հետազոտողների խոսքով. այս մեթոդի շնորհիվ հնարավոր կլինի կրկնակի անգամ կրճատել դեպի մթնոլորտ վնասակար արտանետումները, որոնք առաջանում են թղթի ստացման և վերամշակման ժամանակ:
Գրանցվիր մեր 
