Կյանքը միշտ չէ, որ լի է հաճելի պահերով։ Որքան էլ դաժան հնչի, մենք պետք է հաշտվենք այն փաստի հետ, որ մեր կյանքում ամեն ինչ չի ստացվի այնպես, ինչպես մենք կցանկանայինք։ Ահա թե ինչու շատ կարևոր է ընդունել կյանքի մասին որոշ ճշմարտություններ, որպեսզի այն մեզ հնարավորինս շատ փորձ և իմաստություն բերի:
Որքան շատ ենք ինքներս մեզ հարցնում «ինչու», այնքան ավելի ենք մոլորվում, ընկճվում և սուզվում բացասականության անդունդը: Հաջողության և խաղաղության բանալին մեր ձեռքերում է, և միայն մենք կարող ենք ավելի լավը դարձնել մեր կյանքը:
Ստորև թվարկված են կյանքի մասին 15 դաժան ճշմարտություններ: Եվ որքան շուտ ընդունեք դրանք, այնքան լավ ձեզ համար:
1. Դուք դանդաղ մահանում եք
Դուք ծերանում եք, և ձեզ հատկացված ժամանակը հետզհետե սպառվում է։ Մի օր դուք կմահանաք։ Եվ որքան էլ փող ծախսեք՝ դա չեք կարող փոխել։
2. Ձեր շրջապատում բոլորը նույնպես մի օր կմահանան
Այն մարդիկ, ում մենք սիրում ենք, կմահանան՝ հնազանդվելով բնության օրենքին: Պարզապես ընդունեք այն փաստը, որ նրանք պետք է հեռանան:
3. Ոչինչ հավերժ չէ
Սա մարդկային կյանքի ամենակարևոր ճշմարտություններից մեկն է։ Փոփոխությունը միակ հաստատունն է մեր աշխարհում: Ամեն ինչ վաղ թե ուշ ավարտվում է՝ ձեր հարաբերությունները, ունեցվածքը, երջանիկ պահերը և սոցիալական կարգավիճակը:
4. Հնարավոր չէ բոլորին միանգամից գոհացնել
Դուք չեք կարող ստիպել այլ մարդկանց սիրել ձեզ: Միշտ կգտնվեն ձեզ ատողներ։ Եվ դուք չեք կարող վերահսկել դա: Դադարեք ապրել ձեր կյանքը հանուն ուրիշների: Եթե նրանք ձեզ չեն սիրում, դա իրենց խնդիրն է, ոչ թե ձեր:
5. Մարդկանց չի հետաքրքրում ձեր կյանքը
Այո, ճիշտ եք կարդացել: Մարդիկ կարող են կարեկցել ձեզ, բայց նրանք ունեն իրենց խնդիրները: Ոչ մեկին չի հետաքրքրում, թե որքան դժվար է ձեր կյանքը: Ուստի կարիք չկա նրանց ստիպել հավատալ, որ ձեր կյանքն ավելի դժվար է, քան իրենցը։
6. Դադարեք հույս ունենալ, որ ինչ-որ մեկը կփրկի ձեզ
Մի սպասեք, որ հարաբերությունները ձեզ երջանիկ կդարձնեն: Դարձեք ձեր սեփական հերոսը և սկսեք ներդրումներ կատարել ձեր մեջ: Ինչ վերաբերում է փրկությանը, ապա միայն դուք կարող եք ձեզ փրկել, ոչ թե մեկ ուրիշը:
7. Երջանկությունը ընտրություն է։ Միայն դուք կարող եք որոշում կայացնել և երջանիկ լինել
Դուք կամ ընտրում եք երջանիկ լինել, կամ չեք ընտրում: Ամեն ինչ կախված է նրանից, թե ինչպես եք նայում կյանքին: Շատ փողը ձեզ չի ուրախացնի, երբ տրամադրությունը բարելավելու համար ձեզ անհրաժեշտ է միայն մեկ բաժակ տաք սուրճ:
8. Երջանկության ձգտումը ձեզ դժբախտ կդարձնի
Երջանկությունը միշտ ընդունման մեջ է` ընդունելով «իրականությունը» այնպիսին, ինչպես որ կա: Որքան շատ փորձեք երջանիկ լինել, այնքան քիչ երջանիկ կլինեք:
9. Փողով չի կարելի երջանկություն գնել: Դադարեք վազել դրանց ետևից
Հարստությունը կարող է ձեզ շքեղ կյանք պարգևել, բայց դա ձեզ երջանկություն չի բերի։ Դուք կարող եք աներևակայելի հարուստ լինել, բայց հոգու խորքում ձեզ կկրծի տխրությունը:
10. Կատարյալ մարդիկ չկան
Կատարելությունը հորինվածք է։ Մենք նույնիսկ չգիտենք, թե ինչ տեսք ունեն կատարյալ իրերը: Այսպիսով, ի՞նչ իմաստ ունի հետապնդել այն, ինչ ոչ ոք երբևէ չի տեսել:
11. Ընդունեք ձեր թերությունները
Մեզանից յուրաքանչյուրն ունի իր թերությունները. Եվ դուք պետք է ընդունեք դրանք, այլ ոչ թե անտեսեք կամ թաքնվեք ուրիշներից: Կատարյալ մարդիկ չկան։ Փորձելով ինչ-որ մեկին շտկել՝ դուք ձեզ զրկում եք հոգեկան հանգստությունից։ Ձեր թերություններն են, որ ձեզ դարձնում են այնպիսին, ինչպիսին կաք: Հիշեք դրանց մասին, ճանաչեք և ընդունեք դրանք:
12. Ներկա պահն այն ամենն է, ինչ դուք ունեք
Մի կառչեք անցյալից կամ ապագայից: Միայն ներկան է կարևոր: Մարդու ապագան անկանխատեսելի է. Երբեք չգիտես, թե ինչ կարող է լինել, և ապագան միշտ չէ, որ մեր ձեռքերում է: Կառչելով անցյալից կամ փորձելով վերահսկել մեր ապագան, մենք հաճախ բաց ենք թողնում այն ողջ ուրախությունը, որ բերում է ներկան: Հետևաբար, մտածեք ներկայի մասին և լիարժեք ապրեք ձեզ հատկացված յուրաքանչյուր պահը։
13. Ձեր կյանքում անհաջողություններ կլինեն։ Եվ ոչ միայն մեկ, այլ հարյուրավոր
Այն լի է լինելու վերելքներով ու վայրէջքներով։ Գլխավորը ոչ թե արձագանքելն է, այլ պատասխանելը դրանց։
14. Դադարեք ուրիշներին մեղադրել և պատասխանատվություն ստանձնեք
Դուք պետք է վերահսկեք ձեր կյանքը: Դադարեք հույսը դնել այլ մարդկանց վրա և պատասխանատվությունը վերցրեք ձեզ վրա:
15. Դադարեք երազել և սկսեք աշխատել
Փոփոխությունն ինքնին չի լինում։ Դուք եք ձեր կյանքի փոփոխություններ մտցնողը։
Գրանցվիր մեր 
