Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Կոնֆուցիոսի ուսմունքը: Բարոյականություն և ճշմարիտ վարքագիծ

Կոնֆուցիոսի ուսմունքը: Բարոյականություն և ճշմարիտ վարքագիծ

Կոնֆուցիոսը համարվում է չինացի առաջին փիլիսոփան և կոնֆուցիականության հիմնադիրը։ Նրա հիմնած դպրոցում սովորում էին տասնյակ աշակերտներ, ովքեր գրի էին առնում Ուսուցիչ Կունի մտքերն ու դատողությունները։ Կոնֆուցիոսի գլխավոր աշխատությունը կոչվում է «Լուն Յու» («Զրույցներ և դատողություններ»)։ Կոնֆուցիոսը հիմնականում ուշադրություն է դարձնում մարդու, նրա բնության ու էության, բարոյական ինքնակատարելագործման, դաստիարակության, ինչպես նաև հասարակության կառավարմանը վերաբերող հարցերին։

Ստորև ներկայացնում եմ ասույթներ, դատողություններ` վերցված իմաստուն փիլիսոփայի վերոհիշյալ աշխատությունից:

1. Շատ լսիր, խուսափիր այն գործերից, որոնց հանդեպ կասկածներ ունես, զգույշ եղիր բառերիդ ընտրության մեջ և կարժանանաս քիչ պարսավանքների: Շուրջդ նայիր, խուսափիր այն ամենից, ինչը վտանգավոր է և եղիր խոհեմ ու խելացի: Այդ դեպքում չես զղջա:

2. Կյանքը գեղեցիկ է այն գյուղում, որտեղ իշխում է սերը:

3. Եթե բոլորը ձգտեին բարուն,ապա չարը ոչինչ չէր ունենա անելու:

4. Հարստություն և պատիվ` ահա թե ինչի են մշտապես ձգտում մարդիկ: Բայց եթե չեն կարող հասնել դրանց վայելուչ ճանապարհով, ապա չպետք է տանջել իրեն ոչ մեկի, ոչ էլ մյուսի համար:

5. Բարոյական վարքը մարդկանց սիրելն է: Լինել իմաստուն, նշանակում է  ճանաչել մարդկանց:

6. Ուղիղը պիտի դրվի թեքի կողքին, որպեսզի թեքը նույնպես ուղիղ դառնա:

7. Բարոյական պահվածք`
Երբ մարդ հաղթահարում է ինքն իրեն, սանձում իր ցանկություններն ու կրքերը, ղեկավարվում վայելչության, քաղաքավարության և բարության օրենքներով: Ճշմարիտ արարք կատարելը կախված է հենց մեզնից: Ուրիշների վրա չպետք է հույս դնել:

8. Ցզի-գունը հարցրեց`
– Ազնվականը նու՞յնպես ատում է:
– Այո, ատում է: Նա ատում է բոլոր նրանց ովքեր գիշեր-ցերեկ խոսում են ուրիշների կատարած սխալների մասին, նրանց, ովքեր ներքևում լինելով` զրպարտում են վերևում եղողներին: Այն խիզախներին, ովքեր չեն ճանաչում ոչ մի պատշաճություն, ովքեր անպայման ուզում են առաջ տանել իրենց տեսակետը, բայց ուրիշներինը չլսել:
– Իսկ դու ու՞մ ես ատում:
– Նրանց, ովքեր ուրիշի իմաստությունն իրենցն են համարում, ովքեր ինքնահավան են ու այդ պատճառով իրենց խիզախի տեղ են դնում, ովքեր շատ են խոսում մտերմությունից և դրանով կարծում են, որ շատ քաղաքավարի ու համեստ են:

9. Սովորելը նման է հողը մի տեղ կուտակելուն: Երբ բլուրն արդեն պատրաստ է, բացի մի զամբյուղ հողից, զարմանքով տեսնում են, որ պակասողը հենց այն տեղի հողն է, որտես դու` մեղավորդ, կանգնած ես: Եվ որպեսզի այդ մի զամբյուղ հողը տեղ հասցնես, քայլ ես անում մի կողմ: Իսկ դա հենց առաջընթացն է: Չէ՞ որ դու ինքդ քեզ ես առաջ տանում:

10. Պատկառանք ծնողների հանդեպ և սեր եղբայրների նկատմամբ՝ սրանք են բարոյականության արմատները:

Հրապարակման ներկայացրեց՝ Տաթևիկ Դավթյանը

Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք հետևյալ հղումով.

Դարձի՛ր հեղինակ, ստեղծի՛ր քո հաջողակ նյութը

Загрузка…

կարդացեք նաև

Կենդանակերպի նշանների 10 սկզբունքները

Բնավորությունների տեսակների բազմազանության հետ մեկտեղ, յուրաքանչյուր Կենդանակերպի նշան ունի իր չբարձրաձայնվող օրենքների և սկզբունքների հավաքածուն։ Ընդհանրացված և հումորային տարբերակով դրանք այսպիսի տեսք ունեն. Խոյ 1․Ավելի լավ...

Համաշխարհային ճանաչում ձեռք բերած հնդիկ մոդելների և դերասանուհիների ԹՈՓ-5

Հնդկուհիները օժտված են յուրահատուկ և վառ արտաքինով։ Հենց այդ պատճառով էլ շատ աղջիկներ ընտրում են նորաձևության և կինոյի աշխարհը։ Նրանք դառնում են բազմատեսակ գեղեցկության...

Թեստ-կանխատեսում։ Ի՞նչ կսովորեցնի ձեզ կյանքը

Ինչ-որ ունակություններ մեզ ժառանգաբար են փոխանցվում, որոշ բաներ էլ մենք ինքներս ենք սովորում։ Կան որակներ, որոնք մենք ձեռք ենք բերում՝ շնորհիվ մեր կենսափորձի։ Թե ի՞նչ...

«Աստվածային նախախնամություն». Եռացող յուղով լի կաթսայում մեդիատացիա անող վանականը պայթեցրել է համացանցը

Թայան վանականը որոշել է ապացուցել իր հավատքի ուժը և ցույց տալ Աստվածային նախախնամությունը։ Նա աղոթում էր՝ նստած եռացող յուղի մեջ։ Վանականի արարքը բուռն քննարկման...

Ինչո՞ւ են մուսուլմանուհիները դիմահարդարվում միայն տանը: Իսկ դուք գիտեի՞ք

Գրավիչ և խնամված տեսք՝ յուրաքանչյուր կնոջ բնական պահանջն է: Բոլոր կանայք էլ ցանկանում են իրենց գեղեցկուհի զգալ՝ անկախ տարիքից և կարգավիճակից: Եվ ժամանակակից կոսմետիկ...