fbpx
Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Յուրաքանչյուր Կենդանակերպի նշանի լուսավոր ու մութ կողմերը

Յուրաքանչյուր Կենդանակերպի նշանի լուսավոր ու մութ կողմերը

Այս հոդվածում կնկարագրվեն յուրաքանչյուր կենդանակերպի նշանի երկու կողմերը՝ լուսավոր և մութ: Հուսով ենք որևէ նոր բան կիմանաք Ձեր Կենանակերպի նշանի մասին և կկարողանաք ստացված ինֆորմացիան օգտագործել ի օգուտ Ձեզ:

Խոյ

Խոյերն առանձնանում են ապրելու անհագ ցանկությամբ: Նրանք լի են էներգիայով, ամբիցիոզ են, նպատակասլաց ու կրքոտ: Խոյերը կարծես լույսով են լցնում վայրը, ուր գտնվում են: Նրանք ինքնավստահ են, խիզախ, վճռական, պատրաստ պաշտպանել իրենց, չեն վախենում դժվարություններից:

Մյուս կողմից՝ կենդանակերպի այս նշանի ներկայացուցիչներն արագ են նյարդայնանում, հաճախ տրամադրության անկումներ ունենում և ագրեսիվանում: Եթե որևէ բան չի ընթանում Խոյերի պլանների համաձայն, նրանք զայրանում են: Բնավորության մութ կողմերը վերահսկելու դեպքում խոյերը կարող են ի նպաստ իրենց՝ օգտագործել ներքին կրակը:

Ցուլ

Ցուլերը շատ են աշխատում կայունության հասնելու համար` սկսած աշխատանքից մինչև անձնական հարաբերություններ: Նրանք նվիրված են զուգընկերոջը, սիրում են լավագույնը և դրան հասնելու համար պատրաստ են օր ու գիշեր աշխատել: Ցուլերը հավատարիմ են, հուսալի, պարզ:

Միևնույն ժամանակ՝ Ցուլերը հաճախ կամակոր, դաժան և անզիջում են լինում: Նրանք սեփականատեր են:

Երկվորյակ

Երկվորյակները հրաշալի օրինակ են, թե որքան երկակի կարող է լինել մարդու բնավորությունը: Միևնույն մարմնում ապրում են իրար հակադիր երկու մարդիկ: Մի կողմից՝ Երկվորյակներն ընկերասեր են, սիրում են շփվել, երբեք չեն տրտնջում: Նրանք որևէ բանի թույլ չեն տալիս հուսահատության մատնել իրեն, շատ ընկերներ ունեն, սիրում են արկածներ:

Մյուս կողմից՝ Երկվորյակները հաճախ են կորցնում հանգստությունը և հակված են իմպուլսիվ որոշումների կայացման: Նրանք ցույց են տալիս բնավորության մութ կողմերը, երբ սթրես կամ դեպրեսիա են ապրում: Երկվորյակները հաճախ են անհանգստության զգացում ունենում միմյանցից այդքան տարբեր անձանց ներքին կոնֆլիկտի պատճառով:

Խեցգետին

Կենդանակերպի այս նշանի ներկայացուցիչները բազմաթիվ դրական հատկություններ ունեն` չնայած հաճախ են մոռանում այդ մասին՝ ցածր ինքնագնահատականի պատճառով: Նրանք հոգատար են, հավատարիմ, նվիրված, խորը: Խեցգետինները կարողանում են լսել և չեն մերժի օգնել նույնիսկ նրանց, ում կարճ ժամանակ են ճանաչում: Խեցգետինների համար դժվար է անկեղծանալ մարդկանց առաջ, բայց եթե խնդիրներ ունենաք, նրանք կթողնեն բոլոր գործերը` ձեզ լսելու և օգնելու համար: Կենդանակերպի այս նշանի ներկայացուցիչները նաև ստեղծագործ են, բարի, զգացմունքային, ինչը շատերն են ի շահ իրենց օգտագործում:

Մյուս կողմից՝ Խեցգետինները պայքար են մղում ներքին «սատանաների» դեմ, ինչի մասին քչերը գիտեն: Նրանք ամեն բան սրտին մոտ են ընդունում, այդ պատճառով էլ հակված են դեպրեսիայի, անհանգստության, հոգեբանական այլ խնդիրների: Խեցգետինները հաճախ են զգացում ունենում, թե իրենց ոչ ոք չի հասկանում, ինչը հանգեցնում է ինքնամեկուսացման և ինքնախարազանման: Մարդիկ հաճախ համարում են, որ Խեցգետինը կլանված է ինքն իրենով, ինչը մասնակիորեն համապատասխանում է իրականությանը: Կենդանակերպի այս նշանի ներկայացուցիչները հաճախ են մտածմունքների մեջ ընկնում, չափազանց պահանջկոտ են իրենց հանդեպ, բայց մեծամիտ չեն:

Առյուծ

Առյուծները լիդեր են, սիրում են ամեն ինչում առաջինը լինել: Նրանք նաև ամբիցիոզ են, ուրախ, ինքնավստահ:

Միևնույն ժամանակ՝ կենդանակերպի այս նշանի ներկայացուցիչները հաճախ են կենտրոնանում միայն իրենց վրա, սնափառ են, չափազանց դրամատիկ: Չնայած նրանք ընկերասեր են` կարող են նաև մակերեսային ու թեթևամիտ լինել:

Կույս

Կույսերն ուշադրություն են դարձնում նույնիսկ ամենափոքր դետալներին և կարող են ժամերով մտածել` ճիշտ որոշում գտնելու համար: Նրանք կազմակերպված են, տրամաբանական մտածողություն ունեն, երկաթյա համբերություն: Կարող են լուծել ցանկացած խնդիր, կարողանում են լսել:

Սակայն Կյույսերն ամեն ինչ չափազանց լուրջ են ընդունում, ինչը հաճախ բարդացնում է նրանց կյանքը: Կույսերը միշտ պետք է ծրագիր ունենան, որպեսզի կայունություն զգան: Ավելին, նրանք կարող են դաժան, սառը և անտարբեր թվալ, քանի որ հաճախ են ինքնամփոփ դառնում: Կենդանակերպի այս նշանի ներկայացուցիչները հակված են քննադատել՝ ինչպես իրենց, այնպես էլ՝ մյուսներին:

Կշեռք

Կշեռքները խաղաղասեր են, մարդկանց նկատմամբ հարգալից և բարի վերաբերմունք են դրսևորում: Սիրում են օգնել մարդկանց, աշխատում են ցանկացած գնով կյանքում հավասարակշռություն պահպանել:

Սակայն կենդանակերպի այս նշանի ներկայացուցիչների պահվածքը հաճախ պրակտիկ չէ, քանի որ նրանք խաղաղասեր են և միշտ փորձում են խուսափել կոնֆլիկտներից: Սա, իհարկե, դրական հատկություն է, սակայն կյանքում իրավիճակներ են լինում, երբ հարկավոր է դիմակայել մարդկանց և պաշտպանել ինքդ քեզ: Կշեռքները երբեմն վճռական չեն լինում, դառնում են ինքնամփոփ, ինչի հետևանքով նրանց ճանաչելը կարող է անհնար թվալ:

Կարիճ

Կենդանակերպի այս նշանի ներկայացուցիչները սրամիտ են, նրանց բնորոշ է սարկազմը: Կարիճները նաև շատ զգացմունքային են, հաճախ թաքցնում են իրենց զգացմունքները, որպեսզի մարդիկ չկարողանան օգտվել դրանից: Կրքոտ են, կազմակերպված, անկախ և հավատարիմ:

Մյուս կողմից՝ Կարիճները կարող են հիշաչար, վրեժխնդիր լինել, սիրում են մանիպուլյացիայի ենթարկել մարդկանց: Տանել չեն կարողանում, երբ դավաճանում են իրենց, և զայրանալու, բղավելու փոխարեն՝ հանգիստ վրեժի ծրագիր են մշակում: Զգույշ եղեք, մի կտրեք Կարիճների ճանապարհը, քանի որ դա կարող է ձեր դեմ շրջվել:

Աղեղնավոր

Կենդանակերպի այս նշանի ներկայացուցիչներն իրենց են ձգում մարդկանց: Լավատես են, սիրում են արկածներ:

Սակայն Աղեղնավորների համար դժվար է կենտրոնանալ մի բանի վրա, նրանք մի գործից անցնում են մյուսին` առանց հստակ ծրագրի: Առանձնանում են բռնկուն բնավորությամբ, հեշտ են նյարդայանում: Աղեղնավորներն արագ ձանձրանում են, երբ հստակ նպատակ չունեն: Նրանք կարող են դժվարանալ վերահսկել իրենց, հատկապես, երբ անհանգստացած են: Այդ պատճառով էլ հնարավոր չէ կանխատեսել` ինչ սպասել Աղեղնավորներից:

Այծեղջյուր

Կենդանակերպի նշանների շարքում ամենաաշխատասերն են: Նրանց շարժիչ ուժը հարստությունն ու հաջողությունն են, և Այծեղջյուրները ցանկանում են կյանքում լավագույնի հասնել: Նրանք նպատակասլաց են, իմաստուն, պրակտիկ, կազմակերպված, լավ լիդեր են, քանի որ կարողանում են տեսնել ընդհանուր պատկերը և միշտ իրականացնում են խոստումները: Աշխատանքը մեծ տեղ ունի Այծեղջյուրների կյանքում:

Միևնույն ժամանակ՝ Այծեղջյուրները շատ կամակոր են, սնափառ, անզիջում: Նրանց համար դժվար է լսել մարդկանց: Բարդ բնավորություն ունեն, ինչը հաճախ նյարդայնացնում է:

Ջրհոս

Ջրհոսը ամենահետաքրքրաշարժն է բոլոր Կենդանակերպի նշաններից: Կենդանակերպի այս նշանի ներկայացուցիչները սիրում են ճանապարհորդել, ծանոթանալ այլ մշակույթների և նոր մարդկանց հետ: Նրանք կարող են ժամերով խոսել, քանի որ հետաքրքրությունների լայն շրջանակ ունեն, սիրում են միշտ որևէ նոր բան փորձել: Ջրհոսներն առանձնանում են սրամտությամբ, լավ լիդեր են դառնում:

Միևնույն ժամանակ՝ կենդանակերպի այս նշանի ներկայացուցիչները կարող են փակ, փոփոխական և ոչ զգացմունքային թվալ: Նրանք պրակտիկ են, բայց եթե չկարողանան ղեկավարել զգացմունքները, կարող են հարաբերություններում խնդիրներ ունենալ:

Ձկներ

Ձկներն, ինչպես խեցգետինները՝ զգացմունքային են, դյուրազգաց, հոգատար, կրեատիվ: Այս հատկությունների շնորհիվ նրանք հրաշալի ընկերներ են դառնում: Նրանք հավատարիմ են, սիրող, մտերիմների համար շատ բանի են պատրաստ:

Ամեն դեպքում կենդանակերպի այս նշանի ներկայացուցիչները դժվարությամբ են համակերպվում իրականության հետ, այդ պատճառով էլ կարող են խուսափել դրանից: Ձկները սիրում են միայնակ մնալ, նրանց ժամանակ է հարկավոր:

կարդացեք նաև

Պավել Գլոբան նշել է Կենդանակերպի 3 նշանին, որոնց համար տիեզերքը 20.02.2020-ին «կանաչ լույս» կվառի

Աստղաբան Պավել Գլոբան նշել է Կենդանակերպի մի քանի նշանների, որոնց համար փետրվարի 20-ը նշանակալից օր է: Այս օրվանից նրանց համար կսկսվի կյանքի նոր փուլ,...

Յուրաքանչյուր Կենդանակերպի նշանի սրտին տանող ճանապարհը

Յուրաքանչյուր մարդու պետք է յուրովի մոտեցում ցուցաբերել: Իմանալով Կենդանակերպի նշանի նախապատվություններն ու յուրահատկությունները, դուք կկարողանաք գրավել Կենդանակերպի յուրաքանչյուր նշանի ներկայացուցչի սիրտը: Սերն ունի մաքուր էներգետիկական...

Հոգեբանական ԹԵՍՏ․ Ինքնավստա՞հ եք արդյոք

Այս հոգեբանական թեստը կօգնի պատասխանել հարցին, թե արդյո՞ք իրոք ինքնավստահ մարդ եք, թե՞ ընդամենը այդպիսի տպավորություն եք թողնում․․․ Գրանցվիր մեր Telegram ալիքին։ Ուղարկում ենք միայն պոպուլյար հոդվածները...

Կնոջը պետք է սիրել, այլ ոչ թե հասկանալ․ Օշոի սիրո մասին 10 մեջբերումները

«Կինը, որպես օրենք, սկսում է տղամարդուն դիմադրելով, իսկ հետո չի թողնում, որ նա հեռանա: Եթե ցանկանում եք փոխել կնոջ կարծիքը, համաձայնվեք նրա հետ: Եթե...

ԹԵՍՏ․ Աշխարհի մայրաքաղաքներ

Անվանեք աշխարհի մայրաքաղաքները: Զիմբաբվե, Մալթա, Կոմբոջա․․․՝ համոզվեք, որ լավ եք հիշում ոչ այդքան հայտնի պետությունների մայրաքաղաքները: Գրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն...