Այո, մեր մոլորակի վրա դեռ շատ առեղծվածներ չեն բացահայտվել, բացահայտումներ չեն արվել և հետազոտություններ չեն իրականացվել։ Բայց ինչ-որ բան արդեն հայտնի է որոշ բաների մասին, և դա ապշեցնում է ոչ պակաս, քան ինչ-որ անհայտ խորություններն ու չուսումնասիրված հեռավորությունները։

Չմոռանաք բաժանորդագրվել մեր Telegram ալիքին:

Ինչ-որ պատճառով, ավելի ու ավելի մեծ ուշադրություն են գրավում անկասկած խելացի դելֆինները, հսկա կետերը, բայց կաշալոտ կետերը զրկված են հատուկ ուշադրությունից, չնայած նրանք հպարտանալու բան ունեն: Հավատացեք՝ դուք կզարմանաք:

Գիտե՞ք, որ կետը կարող է ջրի տակ մնալ մոտ 30 րոպե (50 րոպե ծայրահեղ պայմաններում, ինչպիսին է կետորսների հետապնդումը) և այնքան էլ խորը չի սուզվում: Բայց կաշալոտը կարող է ջրի տակ լինել ավելի քան մեկ ժամ և սուզվել ավելի քան մեկ կիլոմետր խորության վրա:

Որոշ հետազոտողներ պնդում են, որ կաշալոտները սուզվում են մոտ 3000 մետր խորության վրա, որտեղ հսկա ճնշումը պետք է պարզապես կտորների վերածեր նրանց, իսկ հսկայական թոքերը, նման ծավալի թթվածնի համար, ուղղակի պայթեին: Բայց ոչ: Այդպիսի բան տեղի չի ունենում Ինչո՞ւ։

Կաշալոտի թոքերը երկու անգամ փոքր են կետերի թոքերից: Իսկ դա այն պատճառով, որ նա ունի մարմնի մկաններում կուտակված օդի պաշար և մեկ քթանցքում: Նա ունի քթանցքեր, մեկը ձախ, իսկ մյուսը՝ աջը, որը վաղուց արդեն աճել է ու դարձել օդը պահելու առանձին «տարրա»։

Կաշալոտի մոտ չի հանդիպում կեսոնային հիվանդություն (երբ ազոտը ներթափանցում է արյան մեջ)՝ մեծ խորքերից արագ բարձրանալու շնորհիվ: Նա բառացիորեն դուրս է թռչում, ինչպես խցանը շամպայնի շշից, և նրան ընդհանրապես ոչինչ չի պատահում: Հետազոտողները դեռևս գլուխ են կոտրում այս հարցի շուրջ, բայց ենթադրվում է, որ կաշալոտի արյան պլազման ունի ազոտը լուծելու ավելի մեծ կարողություն՝ կանխելով այս գազի միկրոպղպջակների ձևավորումը:

Կաշալոտն ունի աշխարհի ամենաերկար աղիքները, թեև մսակերները հակված են ավելի կարճ աղիքներ ունենալ, քան բուսակերները: Բայց կաշալոտն այդպիսին չէ՝ նա իր աղիքները հասցրել է մինչև 160 մետր, և ոչ ոք չգիտի, թե ինչի համար է դա իրեն պետք։

Ի դեպ, կաշալոտի աղիներում ապրում են 30 մետր երկարությամբ երիզորդներ։

Նաև նա իր աղիքներում կրում է «թանկարժեք քար»՝ դա համպարն է, որի որսի են դուրս գալիս աշխարհի բոլոր պարֆյումերները։ Ամենատարածված տարբերակներից մեկում համպարն արտազատվում է աղիների լորձաթաղանթի գրգռման հետևանքով, որն առաջանում է կաղամարների եղջյուրավոր կտուցների պատճառով, որոնց կուլ են տվել կաշալոտները, ամեն դեպքում, համպարի կտորներում միշտ կարելի է գտնել բազմաթիվ չմարսված գլխոտանիների կտուցներ:
Եվ, ի դեպ, համպարն հանդիպում է բացառապես արուների աղիքներում, իսկ ահա բանավեճն այն մասին, թե ինչպես է այն դուրս գալիս այնտեղից՝ բնական ճանապարհով, թե փսխման միջոցով՝ դեռ շարունակվում է:

Կաշալոտն ունի նաև սպերմացետներ: Ոչ, դա այն չէ, ինչ դուք մտածեցիք, դա հավաքված հեղուկ է գլխում, որը հայտնի է իր անհավանական վերականգնող հատկությամբ՝ բուժում է ցանկացած վերք և օգտագործվում է այրման դեմ քսուքներ պատրաստելու համար:

Իսկ կաշալոտի ինչի՞ն է պետք այդ հեղուկը իր առանց այդ էլ անկոտրուն գլխում: Գիտնականները կարծում են, որ ձայնային ալիքներին էխոլոկացիայի ժամանակ ուղղություն տալու, ինչպես նաև հարվածների կլանման համար։ Բայց այս մարմինը ակնհայտորեն ունի այլ գործառույթներ: Երբեմն կարծում են, որ սպերմացետային օրգանը կարող է ծառայել սառեցման, այսինքն՝ կաշալոտի մարմնից ջերմության մի մասի հեռացման համար։

Նաև, կաշալոտի յուրաքանչյուր ատամ, որը գտնվում է միայն ստորին ծնոտի վրա, կշռում է մոտ 3 կիլոգրամ՝ այս ծնոտներով նրանք հեշտությամբ կարող են կոտրել մի ամբողջ նավակ։ Պատահել են դեպքեր, երբ զայրացած կաշալոտը խորտակել է ձկնորսական նավակներ։ Իսկ կաշալոտը ամենադաժան ու վտանգավոր կենդանիներից է:

Կաշալոտը կարող է ամբողջությամբ կուլ տալ մարդուն (ի դեպ, կետերը նույնպես), բայց կա դեպք, երբ կուլ տված մարդը կենդանի է մնացել կաշալոտի ստամոքսում: Որսացել են, բացել որովայնը, իսկ մարդն այնտեղ քնած է:

Տես նաև՝ Սարսափելի պատմություն՝ երջանիկ ավարտով: Ամերիկացի ջրասուզակը ողջ է մնացել այն բանից հետո, երբ կետը կուլ է տվել նրան

Իսկ ահա այսպես կաշալոտները քնում են

10-15 մետր խորության վրա նրանք ուղղահայաց լողում են երամի մեջ։ Նրանց անհրաժեշտ է ընդամենը 15 րոպե քնել օրական մի քանի անգամ, և նրանք պատրաստ են նորից ակտիվանալ։ Ի դեպ, անհրաժեշտության դեպքում նրանք կարող են չքնել մոտ երեք ամիս անընդմեջ։

Ենթադրվում է, որ ամենահաստ և անթափանց կաշիներից մեկը կետանման շնաձկան կաշին է, որի հաստությունը 15 սմ է, իսկ կաշալոտի կաշվի հաստությունը 35 սմ է։ Եվ սա բացարձակ ռեկորդ է աշխարհում։

Նաև կաշալոտները կաթնասունների մեջ ամենամեծ ուղեղն ունեն՝ այն կշռում է 8 կիլոգրամ:

Բայց ամենահետաքրքիրն այն է, որ կաշալոտը սնվում է բացառապես կաղամարներով և ոչ թե հասարակ, այլ հսկաներով, որոնց համար սուզվում է նման խորությամբ։ Հայտնի է դեպք, երբ կաղամարը պարզապես չի տեղավորվել կաշալոտի ստամոքսի մեջ և խճճել է նրան բերանից դուրս ցցված շոշափուկներով։ Թեև կաշալոտի ստամոքսը պարունակում է 500 լիտր հեղուկ։ Այդ կաղամարի քաշը 200 կիլոգրամ էր։

Նաև հանդիպում են կաշալոտներ՝ հսկա կաղամարների հետ կռվի սպիերով: Այսպես, մեզ հայտնի կաղամարների ամենամեծ շոշափուկը 5 սմ տրամագիծ ունի, իսկ կաշալոտի սպիերը ավելի քան 20 սմ տրամագծով են: Պատկերացրեք այս ընթրիքի ափսեն, իսկ հիմա պատկերացրեք դրանցից 100-150-ը միայն շոշափուկների վրա և կհասկանաք, թե ինչ «զոհերի» հետ գործ ունի կաշալոտը։ Նա պարզապես հրեշ է: Օվկիանոսների անհաղթ ու խորհրդավոր տիրակալը…