Կանայք միշտ մանրակրկիտ հետևում են իրենց արտաքինին: Եվ դա եկել է դարերով: Մարդկության կանացի կեսը միշտ մտահոգված է հագուստի ընտրությամբ, դիմահարդարմամբ, սանրվածքով: Եվ իհարկե, առաջին հերթին նա դա անում է իր համար, որպեսզի իրեն ավելի ինքնավստահ, գեղեցիկ, ժամանակակից զգա: Սակայն յուրաքանչյուր աղջիկ դեմ չէ հիացնել տղամարդուն, գրավել նրա սիրտը և նրա աչքերում լինել ամենագեղեցիկը: Սակայն կարծիք է ձևավորվել, որ տղամարդիկ դրան ոչ մի ուշադրություն չեն դարձնում: Հնարավոր է, որ նրանք նույնիսկ չկռահեն էլ, որ դուք նոր զգեստ եք գնել կամ նոր սանրվածք եք արել: Բայց իրո՞ք դա այդպես է:

Երբեմն արտաքինի հետ փոփոխությունները դուրս են գալիս խելամտության բոլոր սահմաններից: Կանայք վեր են ածվում անհասկանալի ինչ-որ արարածների: Դա կնկատի նույնիսկ ամենասովորական տղամարդը: Սակայն այդպիսի վերափոխմամբ կարող ես միայն ծիծաղ առաջացնել: Աղջիկները պետք է հիշեն ամենակարևոր օրենքը՝ տղամարդկանց դուր է գալիս բնականությունն ու իրական գեղեցկությունը: