Գլխավոր ՇՓՈՒՄ ԳԵՂԵՑԻԿԻ ՀԵՏ ԴԻԶԱՅՆ, ՈՃ և ԼՈՒՍԱՆԿԱՐՉՈՒԹՅՈՒՆ Կանացի արտաքին տեսքի 9 գիծ, որ գրավում են բոլոր տղամարդկանց՝ առանց բացառության

Կանացի արտաքին տեսքի 9 գիծ, որ գրավում են բոլոր տղամարդկանց՝ առանց բացառության

Դժվար թե գտնվի մի կին, ով չուզենա լինել ավելի գեղեցիկ: Սակայն ինչպես հայտնի է՝ գեղեցկությունը չափազանց հարաբերական հասկացություն է, իսկ քանի որ կանայք գրավիչ հիմնականում ուզում են լինել հատկապես տղամարդկանց համար՝ ուրեմն եկեք մանրակրկիտ տեսնենք, թե ինչ է իրենից ներկայացնում կանացի գեղեցկությունը ուժեղ սեռի աչքերով:

Հոգեբանները պնդում են, որ սիրատածելու ընթացքում տղամարդիկ ենթագիտակցորեն կնոջ մեջ տեսնում են երեխայի, ում մասին ուզում ես հոգ տանել: Այդ պատճառով, եթե մենք խոսում ենք գեղեցկության մասին, իդեալական գեղեցկության կինը պետք է ընդհանրություններ ունենա երեխայի հետ: Ամեն ինչի մասին հերթով:

1. Աչք և քիթ

Հիշեք նորածին երեխայի դեմքը՝ հսկա աչքեր և փոքրիկ, կճատ քիթ: Հենց այդ պատճառով են կանայք տարբեր հնարքներ գործադրում, որպեսզի վիզուալ փոքրացնեն քիթը և մեծացնեն աչքերը: Իսկ ահա տղամարդկանց՝ մեծ քիթը ամենևին չի տգեղացնում:

2. Ունքեր

Եթե խոսենք ունքերի մասին, ապա դրանք պետք է լինեն բավական մուգ, խիտ, բայց ոչ լայն: Գծիկ ունքերը նույնպես «պիտանի» չեն: Իդեալական է, երբ ունքերը գտնվում են բավական բարձրության վրա, քանի որ այդ դեպքում աչքերը՝ վիզուալ ավելի մեծ կերևան:

3. Ճակատ

Ոչ բոլոր կանայք գիտեն, որ բարձր ճակատը գեղեցկացնում է տղամարդուն, բայց ոչ մի կերպ գեղեցիկ սեռի ներկայացուցչին: Եթե բնությունը ձեզ օժտել է բարձր ճակատով՝ ապա ելք կա: Դա ճակատի հերափունջն է (челка), որը, ի ուրախություն, բազմաթիվ տարբերակներ ունի: Եթե հետևել գեղեցկության կանոններին՝ ապա ճակատի իդեալական բարձրությունը հավասար է քթարմատից մինչև քթի ծայր հեռավորությանը:

4. Ականջներ

Մեծ ականջները դժվար թե գրավեն տղամարդուն: Սակայն եթե բնությունից օժտված եք ոչ փոքր ականջներով՝ ապա դրանք հեշտությամբ կարելի է թաքցնել, ընտրելով ճիշտ սանրվածք: իսկ ահա մեծ ականջողներից՝ ավելի լավ է հրաժարվել:

5. Մատներ

Եթե ձեռքի մատները հեռու են իդեալականից, ապա մեծ զարդերից՝ մատանիներից, ապարանջաններից ավելի լավ է հրաժարվել: Դրանք ավելորդ ուշադրություն կգրավեն:

Խնամված և գեղեցիկ մատնահարդարմամբ ձեռքերը դուր են գալիս գրեթե բոլոր տղամարդկանց: Մատները վիզուալ երկարեցնելու համար՝ եղունգներին կարելի է տալ օվալաձև տեսք:

6. Կրծքեր

Մարդկությունը դեռևս շարունակում է վիճել, թե ինչպիսի կրծքեր են դուր գալիս տղամարդկանց՝ մե՞ծ, թե՞ այն, որ տեղավորվում է ափի մեջ: Ամեն դեպքում, բոլորին, առանց բացառության դուր են գալիս ձգված կրծքերը (կեցցէ ճիշտ ներքնազգեստը) և իդեալական կեցվածքը: Այդ դեպքում դուք հաստատ աննկատ չեք մնա:

7. Ոտքեր

Շատ տղամարդկանց դուր են գալիս բարձրակրունկներով կանայք: Դա պայմանավորված է մի քանի ֆակտորով: Նախ՝ բարձրակրունկները վիզուալ երկարեցնում  են ուրվագիծը և կանացի համամասնությունները մոտեցնում իդեալականին: Երկրորդ՝ բարձրակրունկներով սրնքամկանները (икры) լարված են, որի հաշվին ստեղծվում է ոտքերի գեղեցիկ ֆորմա: Եվ երրորդ՝ ոտքերը նավականման կոշիկներում վիզուալ ավելի փոքր են թվում և նույնիսկ 41 համար կրողի ոտքերը կարող են մատնաչափիկի ոտքեր թվալ:

8. Մազեր

Մազերը՝ կնոջ բնական զարդն են: Հազվադեպ տղամարդկանց դուր չեն գալիս բաց թողնված մազերով կանայք: Ենթագիտակցական մակարդակում այդ հաղորդագրությունը տղամարդիկ կարդում են այսպես՝ բաց է թողել մազերը, նշանակում է ուզում է դուր գալ տղամարդկանց, նշանակում է պատրաստ է ծանոթության: Գեղեցիկ սանրվածքը ավելի շատ ուշադրություն է գրավում, քան փարթամ կուրծքը կամ երկար ոտքերը:

9. Հրաշալի ճաշակ

Տղամարդուն գրավում է այն ամենը՝ ինչ նոր է: Եթե ձեզ թվում է, որ նա կնկատի ձեր 15 սմ-անոց բարակ բարձրակրունկները, վանդակավոր զուգագուլպաները կամ կարճ կիսաշրջազգեստը և դրանից հետո նա կհայտնվի ձեր ոտքերի տակ՝ դուք չարաչար սխալվում եք: Տղամարդուն ավելի շուտ կգրավի որևէ անսովոր, չկրկնվող և յուրահատուկ բան: Նրա աչքերը վայրկենապես կգտնեն ձեզ ամբոխում, եթե դուք հագնված եք ոչ ճչացող, բայց ճաշակով:

Անխոս՝ տարբեր տղամարդկանց դուր են գալիս տարբեր տիպի և գեղեցկության կանայք: Սակայն նրանց նախապատվությունների մեջ կարելի է շատ ընդհանրություններ գտնել: Իսկ ըստ ձեզ, արտաքինի ուրիշ ի՞նչ գծեր կարող են գրավել տղամարդկանց:


Загрузка…

կարդացեք նաև

ԹԵՍՏ․ Ստուգեք Ձեր բազմակողմանի զարգացվածությունը

Mediamag-ը սիրով իր ընթերցողների համար պատրաստել է ընդհանուր գիտելիքները ստուգող հերթական ինտելեկտուալ թեստը: Ի՞նչ եք կարծում, կկարողանա՞ք պատասխանել բոլոր հարցերին․ Գրանցվիր մեր Telegram ալիքին։ Ուղարկում ենք միայն...

Հմայիչ լինելու հնարքներ, որ պետք է իմանան բոլոր կանայք

Կանայք ամեն բան անում են գեղեցիկ ու հմայիչ լինելու համար, երբեմն, նույնիսկ չափն անցնում են։ Այս խորհուրդները կօգնեն մշտապես խնամված ու գրավիչ տեսք ունենալ և...

10 անցք, որոնցով արտահոսում են Ձեր ուժերը

Արևելյան բժշկության մեջ մեծ ուշադրություն են դարձնում ոչ միայն ֆիզիկական, այլև հոգևոր առողջությանը։ Վերջինս մի շարք հիվանդությունների պատճառ կարող է դառնալ։ Ուստի, հոգևոր առողջության...

3 Կենդանակերպի նշան, որոնց սիրահարվում են բոլոր տղամարդիկ՝ առանց բացառության

Կան կանայք, որոնց համար խելագարվում են գրեթե բոլոր տղամարդիկ: Հանուն նրանց տղամարդիկ պատրաստ են փոխվել, սարեր շուռ տալ և կատարել նրանց բոլոր ցանկությունները: Հոգեբանները...