Յուրաքանչյուր մարդ էլ ցանկանում է լինել հաջողակ, բայց ցավոք, ոչ բոլորն են պրոբլեմները իրենց մեջ տեսնում: Ինչպե՞ս լինել հաջողակ, եթե դու ինքդ չես հավատում քո հնարավորություններին և անընդհատ հույսդ դնում ես բախտի վրա: Գոյություն ունեն հիմնական սովորություններ, որոնք կօգնեն դառնալ հաջողակ:

Սովորություններ, որոնք կփոխեն ձեր կյանքը

1. Առաջին սովորությունը. ազատվեք նեգատիվ մտքերից: Մտքերը՝ արարքների սկիզբն են: Հետևեք ձեր մտքի ընթացքին: Երբ մարդը կենտրոնանում է բացառապես բացասականի վրա՝ հենց դա էլ սովորաբար նրա մոտ կատարվում է: Փորձեք հեռացնել ձեզնից բացասական մտքերը: Սկզբից դա բավական դժվար կլինի: Եվ դա նորմալ է, չէ՞ որ այն ձեզ մոտ սովորություն է դարձել: Սակայն այն պետք է 100%-ով արմատախիլ անել: Զբաղվեք մեդիտացիայով՝ դա կօգնի մաքրել օրվա ընթացքում ծանրաբեռնված գլուխը:

2. Երկրորդ սովորությունը. կարդացեք ոչ միայն «խելացի», այլ նաև օգտակար գրականություն: Բավարար չէ սահմանափակվել, օրինակ, կարդալով հայ դասականների գործերը: Փորձեք զարգանալ այլ ուղղությամբ: Կարդացեք մենեջմենթին, բիզնեսին, բիզնես սովորույթներին, թայմ մենեջմենթին վերաբերող գրականություն: Կարդացեք զրոյից հարստացած հարուստ մարդկանց մասին հոդվածներ: Այդպիսի գրականությունը ամենից լավ կօգնի ձեզ դառնալ հաջողակ: Այն կուղորդի ձեզ դեպի ճիշտ ճանապարհ:

3. Երրորդ սովորությունը. սահմանափակեք ինտերնետ սերֆինգի և հեռուստացույց դիտելու ժամանակը: Հաջողակ մարդիկ հեռուստացույց բոլորովին չեն դիտում: Ոչ այդքան այն պատճառով, որ նրանք հեռուստացույց դիտելու ժամանակ չունեն, այլ ավելի շատ այն պատճառով, որ հեռուստացույցով դիտելու ոչինչ չկա: Բոլոր կարևոր ինֆորմացիան դուք ինքներդ կարող եք գտնել ինտերնետում կամ գրքերում: Հեռուստացույցով ցուցադրում են հաղորդումներ և սերիալներ այն մարդկանց համար, ովքեր բավական շատ ազատ ժամանակ ունեն: Իսկ հաջողակ մարդիկ իրենց ազատ ժամանակը ծախսում են իրենց ունակությունների և հմտությունների կատարելագործման, նոր նպատակների, ժամանակի պլանավորման, հարազատների և ընկերների հետ հանդիպման վրա:

4. Չորորդ սովորությունը. հաջողակ դառնալու համար փոխեք շփման շրջանակը: Ուշադիր ուսումնասիրեք այն շրջապատը, որում գտնվում եք: Շրջապատեք ձեզ մարդկանցով, ովքեր ձեր կյանք են բերում միայն լուսավորն ու լավը: Որքան հնարավոր է հաճախ կենդանի շփվեք մարդկանց հետ, ովքեր կյանքի տվյալ հատվածում հաջողակ են: Եվ ընդհանրապես աշխատեք մարդկանց հետ կենդանի շփվել: Առցանց շփումները կարելի է օգտագործել միայն հազվադեպ դեպքերում՝ երբ տվյալ մարդը գտնվում է այլ երկրում կամ ժամանակի տնտեսման համար՝ առցանց կոնֆերանսների դեպքում:

5. Հինգերորդ սովորությունը, գուցե և հիմնականը. ձեռք բերեք նոթատետր, որում պետք է գրանցեք բոլոր այն պլանները, որոնք վերաբերում են ոչ միայն հեռավոր ապագային, այլ նաև յուրաքանչյուր հաջորդ օրվան: Պլանների կազմումը՝ չի նշանակում այլ մարդկանցից կամ պրոցեսներից կախում: Պլանը՝ հնարավորություն է ոչնչից չուշանալ, ոչինչ չխառնել և ամեն ինչ հանձնել ժամանակին:

Այսպիսի սովորությունների օգնությամբ դուք կկարողանաք փոխել ձեր կյանքի ընթացքը: Եվ շատ շուտով, դուք ինքներդ, ձեր աչքերով դա կտեսնեք: Միայն թե սկսեք՝ դա այն ամենն է, ինչ ձեզանից պահանջվում է: