Նկարիչ և հետազոտող Նիկոլայ Լամը վերջերս թողարկել է լուսանկարների շարք, որում ցուցադրվում է թե ինչպիսի տեսք կունենա մարդը 20 000, 60 000 և 100 000 տարուց:
Մենք ընդհանրապես նման չենք մեր նախնիներին, որոնք մամոնտներ էին որսում: Այսպես օրինակ, կլիմայի փոփոխությունը, որը տեղի է ունեցել 800 և 200 000 տարի առաջ, համընկել է մարդու ուղեղի չափսերի մեծացման հետ, ինչի հետևանքով շտկվել է դեմքը:
Հենց այդ պատճառով մեծ է հավանականությունը, որ մեր ապագա սերունդները նույնպես նման չեն լինի մեզ:
Լամը համատեղ Վաշինգտոնի համալսարանի գենետիկ, դոկտոր Ալան Կվանի հետ իրենց հաշվարկներում հաշվի են առել այն, թե ինչպիսին կլինի կյանքի պայմանները ապագայում, նաև կլիմայի փոփոխությունը և տեխնոլոգիաների զարգացումը:
Ինչպիսի՞ տեսք կունենա ապագայի մարդը
![2a425853e4dda9ba7b3469e0961b83a0](https://mediamag.am/wp-content/uploads/2013/06/2a425853e4dda9ba7b3469e0961b83a0.jpg)
Մեծ և լայն ճակատ
Մարդու հետ կատարվելիք փոփոխություններից ամենաակնհայտը կլինի ճակատի մեծացումն ու լայնացումը: Համաձայն գենետիկի, այդ հատկանիշը արդեն իսկ սկսել է ընդգծվել սկսած 14-16 դարերից: Համեմատական հետազոտությունները ցույց են տվել, որ ժամանակակից մարդկանց մոտ դիմագծերը դարձել են ավելի քիչ ընդգծված, իսկ ճակատը դարձել է ավելի լայն: Ապագայում այն կլինի ավելի մեծ, որպեսզի տեղավորի մեծ ուղեղը:
![8c912a5a2f86c49182ba78d1bd5ba49b](https://mediamag.am/wp-content/uploads/2013/06/8c912a5a2f86c49182ba78d1bd5ba49b.jpg)
Մեծ աչքեր
Աչքերը նույնպես ավելի կմեծանան արեգակնային համակարգը և դրանից դուրս մարդկանց կողմից գաղութացվելու, բնակեցվելու հետևանքով, ապրելով ավելի խավար միջավայրում՝ հեռու արեգակից:
Մաշկի պիգմենտացում
Մաշկը կդառնա ավելի պիգմենտացված, որպեսզի փոքրանա վնասակար ուլտրամանուշակագույն ճառագայթների ազդեցությունը՝ հեռու երկրի պաշտպանիչ օզոնային շերտից:
![ea04da0f9df58a183480f444d958d234](https://mediamag.am/wp-content/uploads/2013/06/ea04da0f9df58a183480f444d958d234.jpg)
Հաստ ունքեր
Հետազոտողները նաև ենթադրում են, որ մարդկանց մոտ կլինեն ավելի հաստ ունքեր և ավելի ընդգծված ծնոտ, որպեսզի կոմպենսացվի թույլ գրավիտացիան:
![](https://mediamag.am/wp-content/uploads/2013/06/53e49403e7b33aa56533223977f8260a.jpg)
աղբյուրը՝ Forbes.com
Կարդացեք նաև՝ Ի՞նչ տեսք կունենան մարդիկ 1000 տարի հետո