fbpx
Գլխավոր ՏՏ ԵՎ ԲԱՐՁՐ ՏԵԽՆՈԼՈԳԻԱՆԵՐ Բոլոր կայքատերերն ու խմբագիրները պարտավոր են սա անգիր իմանալ

Բոլոր կայքատերերն ու խմբագիրները պարտավոր են սա անգիր իմանալ

Օր-օրի և ժամ առ ժամ բացվում են նորանոր կայքեր։ Ցավոք այդ կայքերից շատշատերի տերերը կամ դրանց վրա աշխատող խմբագիրները տարրական պատկերացում չունեն օրենքի մասին, որ գործում է կայքերի վրա։

Ներկայացնում ենք Ձեզ ՀՀ ՕՐԵՆՔԸ «ՀԵՂԻՆԱԿԱՅԻՆ ԻՐԱՎՈՒՆՔԻ ԵՎ ՀԱՐԱԿԻՑ ԻՐԱՎՈՒՆՔՆԵՐԻ ՄԱՍԻՆ»։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2013 թվականի սեպտեմբերի 30-ին

 

«ՀԵՂԻՆԱԿԱՅԻՆ ԻՐԱՎՈՒՆՔԻ ԵՎ ՀԱՐԱԿԻՑ ԻՐԱՎՈՒՆՔՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Հոդված 1. «Հեղինակային իրավունքի և հարակից իրավունքների մասին» Հայաստանի Հանրապետության 2006 թվականի հունիսի 15-ի ՀՕ-142-Ն օրենքի (այսուհետ՝ Օրենք) 4-րդ հոդվածի 1-ին մասի «բ» կետը «տեղեկատվությունը» բառից հետո լրացնել հետևյալ բովանդակությամբ նոր նախադասությունով. «: Օրվա նորությունների կամ ընթացիկ իրադարձությունների և փաստերի մասին տեղեկատվությունը հանդիսանում է հեղինակային իրավունքի օբյեկտ, եթե օրվա նորությունների կամ ընթացիկ իրադարձությունների և փաստերի արտահայտման ձևը ստեղծագործական աշխատանքի արդյունք է»:

 

Հոդված 2. Օրենքը լրացնել հետևյալ բովանդակությամբ 22.1-ին հոդվածով.

 

«Հոդված 22.1. Լրատվական նյութի օգտագործման պայմանները

 

1. Տպագիր լրատվական միջոցների, էլեկտրոնային կայքերի (ցանցային լրատվության միջոց) լրատվական նյութերից քաղվածքների վերարտադրումը այլ տպագիր լրատվական միջոցներում, ինտերնետային կայքերում թույլատրվում է իրականացնել միայն մեջբերման նպատակն արդարացնող ծավալով՝ առանց հեղինակի (հեղինակային իրավունքի իրավատիրոջ) համաձայնության և վարձատրության վճարման: Անկախ վերարտադրման ծավալից՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Վերարտադրումը պետք է բացառի լրատվական նյութի սկզբնաղբյուրի հնարավոր ընթերցողների քանակի և լրատվական նյութի օգտագործման ծավալների վրա բացասական ազդեցությունը: Լրատվական նյութի ամբողջական վերարտադրումը կարող է իրականացվել միայն հեղինակի (հեղինակային իրավունքի իրավատիրոջ) համաձայնության դեպքում: Լրատվական նյութի ամբողջական վերարտադրման կարգն ու պայմանները սահմանվում են կողմերի միջև կնքված պայմանագրով:

2. Տպագիր լրատվական միջոցներում, էլեկտրոնային կայքերում այլ տպագիր լրատվական միջոցների, էլեկտրոնային կայքերի լրատվական նյութերից քաղվածքներ վերարտադրելիս պետք է հղում կատարել լրատվական նյութի սկզբնաղբյուրին: Էլեկտրոնային կայքում տպագիր լրատվական միջոցների կայքերի լրատվական նյութերից քաղվածքներ վերարտադրելիս քաղվածքի վերնագրում տպագիր լրատվական միջոցի անվանման նշումը պարտադիր է, եթե քաղվածքի նպատակը միայն սկզբնաղբյուր լրատվական նյութի վերարտադրությունն է: Էլեկտրոնային կայքերի լրատվական նյութերից քաղվածքներ վերարտադրելիս էլեկտրոնային կայքի ակտիվ հղումի տեղադրումը, ինչպես նաև քաղվածքի վերնագրում էլեկտրոնային կայքի տիրույթային անվանման (դոմեյնի) նշելը պարտադիր են, եթե քաղվածքի նպատակը միայն սկզբնաղբյուր լրատվական նյութի վերարտադրությունն է:

3. Հեռարձակող կազմակերպության այն հաղորդումները, որոնք իրենց բնույթով ուղղված են մամուլի տեսության ներկայացմանը, պարտավոր են պահպանել սույն հոդվածով նախատեսված դրույթները:

4. Սույն հոդվածով նախատեսված դրույթները չեն տարածվում հերքման և (կամ) պատասխանի իրավունքի իրականացման վրա:»:

 

Հոդված 3. Օրենքի 66-րդ հոդվածի 2-րդ մասի «դ» կետը «օրենքով սահմանված կարգով» բառերից հետո լրացնել հետևյալ բովանդակությամբ նոր նախադասությունով. «: Սույն օրենքի 22.1-ին հոդվածի խախտման դեպքում վնասի հատուցումը կազմում է սահմանված նվազագույն աշխատավարձի հարյուրապատիկից երկուհարյուրապատիկը»:

 

Հոդված 4. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Հայաստանի Հանրապետության
Նախագահ

Ս. Սարգսյան

2013 թ. հոկտեմբերի 23

Երևան

ՀՕ-106-Ն

կարդացեք նաև

ԹԵՍՏ․ Կկարողանա՞ք փայլել աշխարհագրական գիտելիքներով

Ի՞նչ եք կարծում, կկարողանա՞ք փայլել աշխարհագրական գիտելիքներով, անցնելով մեր այս հետաքրքրաշարժ աշխարհագրական թեստը: Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Գրանցվիր մեր Telegram ալիքին։ Ուղարկում ենք...

Հանճարեղ քանդակագործներ, որոնք քարը վերածել են մետաքսի

Սա ուղղակի ապշեցուցիչ է: Մենք հիանում ենք քանդակագործներով, որոնք մեզ ստիպում են չհավատալ մեր աչքերին: Քանդակը արվեստի ամենազգացմունքային ձևերից մեկն է: Բայց երբեմն վարպետների հանճարը գերազանցում...

Կենդանակերպի այս երեք նշանների ներկայացուցիչներին սիրում են բոլորը

Նրանք հմայիչ և գրավիչ մարդիկ են, և նրանցից յուրաքանչյուրն ունի իր «համն ու հոտը» ... Նրանք հմայիչ և գրավիչ մարդիկ են: Նրանք երբեք ձանձրալի չեն,...

Ի՞նչ գաղտնիքներ ունեն կենդանակերպի նշանների ներկայացուցիչները

Խոյ Խոյերն իրենց դիրքավորում են՝ որպես ուժեղ անհատականություններ, դրա համար էլ հակված են իրենց շրջապատողներից թաքցնել իրենց բարդույթները, որոնցից նրանք, եթե անկեղծ խոսենք, շատ ունեն։...

ԹԵՍՏ․ Փայլեք ինտելեկտով

Իսկական ինտելեկտուալը գիտի աշխարհում գրեթե ամեն ինչ: Ստուգեք Ձեր բազմագիտակությունը և առանց սխալվելու պատասխանեք բոլոր հարցերին: Կարո՞ղ եք: Վերջում չմոռանաք սոցիալական ցանցերում արդյունքներով կիսվել Ձեր...