Համաձայն Կարլ Յունգի, անձի տեսակը որոշվում է հոգեբանական կարգավորման (էքստրավերտ թե ինտրովերտ), նաև հոգեբանական ֆունկցիաների (մտածողություն, զգացմունք, տպավորություն և ինտուիցիա) գերակայության հիման վրա։

Այդ կատեգորիաների տարատեսակ համադրությունների հիման վրա հետագայում առանձնացրել են անձի 16 տեսակ (անձի տիպոլոգիա Մայերս-Բրիգս)։ Եվ ամենահազվագյուտ տեսակներից է՝ INFJ-ը (ինտրովերսիա, ինտուիցիա, զգացմունք, դատողություն)։

Ցանկանո՞ւմ եք իմանալ, արդյո՞ք պատկանում եք INFJ անձի տեսակին։ Ահա 12 յուրահատկություն, որոնք բնորոշ են այդ տեսակին.

1. Նրանք ուշադրություն են դարձնում միայն այն բաներին, որոնք իրոք նշանակություն ունեն

INFJ տեսակի մարդիկ ուշադրություն են դարձնում միայն այն բաներին, ինչն իրոք կարևոր է և չեն շեղվում մանրուքներից։

Ինչ դժվարություններ էլ ի հայտ գան նրանց ճանապարհին, նրանք ունակ են բավական սառնասրտորեն դրանք հաղթահարել։ Ընդորում նրանք իրոք գործում են վստահորեն։

Եթե ինչ-որ բան այնպես չի գնում և նրանց չի հաջողվում կյանքի կոչել իրենց պլանները, նրանք ուղղակի գտնում են մեկ այլ տարբերակ դրված նպատակներին հասնելու համար։

2. Նրանք հստակ գիտեն թե ինչու են անում այս կամ այն աշխատանքը

INFJ տեսակի մարդիկ՝ շատ պատասխանատու աշխատողներ են։

Նրանք երբեք չեն անում իրենց աշխատանքը միայն «պտիչկա» ստանալու համար։ Միշտ ներդնում են բոլոր ջանքերը, որպեսզի որքան հնարավոր է լավ կատարեն դրված խնդիրը։

Նրանք հստակ տեսնում են նպատակը և ջանադրաբար աշխատում են, որպեսզի հասնեն դրան։

3. Նրանք օժտված են զարգացած ինտուիցիայով, զգում են, երբ ինչ-որ բան պետք է տեղի ունենա

Այդ շնորհը տրված է նրանց ի ծնե։ Դա նրանց բնույթն է։

Նրանք կարող են զգալ, որ ինչ-որ բան այնպես չէ։ Այդպիսի դեպքերում նրանք սկսում են առանց վարանելու գործել, ընդորում ամբողջովին հիմնվելով սեփական ինտուիցիայի վրա։ Նրանք լավ գիտեն, որ ինտուիցիան նրանց հազվադեպ է խաբում։

Նրանց ինտուիցիան այնքան զարգացած է, որ նրանք կարող են զգալ, որ իրենց կյանքում շուտով ինչ-որ բան պետք է տեղի ունենա։ Դա կարող էլ լինել ինչպես վատ, այնպես էլ լավ բան։

4. Նրանք անում են ամեն ինչ, որպեսզի հասնեն ճշմարտությանը

Այս տեսակի մարդկանց համար քիչ է գիտելիքների և համընդհանուր ընդունված փաստերի ստանդարտ բազան։ Նրանք ջանասիրաբար փորձում են ամեն գնով հասնել ճշմարտությանը։ Նրանք տարբերակներ են գտնում, որպեսզի իմանան աշխարհաստեղծման և ամբողջ Տիեզերքի գաղտնիքները։

Նրանք սիրում են նայել աստղազարդ երկնքին։

Տիեզերքը ձգում է նրանց, որովհետև այնտեղ այնքան գաղտնիքներ կան։

5. Նրանք քիչ ընկերներ ունեն

INFJ տեսակի մարդիկ ընկեր են ընտրում իմաստուն կերպով։

Այդպիսի մարդիկ ժամանակ են անցկացնում այն մարդկանց շրջանակում, որոնց իրենք են ընտրել։ Նրանց, ովքեր կիսում են իրենց կյանքի արժենքները և հասկանում են, որ երբեմն INFJ տեսակի մարդկանց ուղղակի անհրաժեշտ է միայնակ մնալ։

Նրանք ընկերների մեծ խմբերով չեն հաճախում բարեր և ռեստորաններ, այլ գերադասում են հանգստանալ տանը, միայնակ։ հենց այդ պատճառով էլ նրանք շատ ընկերներ չունեն։

Նրանք ունեն մի քանի, բայց իրոք հավատարիմ և մոտ ընկեր։

6. Նրանք օժտված են էմպատիայի շնորհով

INFJ տեսակի մարդիկ անկեղծ են և զգայուն։ Քանի որ նրանք առատաձեռն են և սիրում են հոգ տանել մարդկանց մասին, նրանց հեշտ է տրվում շրջապատին օգնելը։

Նրանք զգում են այն ամենը, ինչ շրջապատող մարդիկ։ Այդ պատճառով մարդկանց մեծ խմբի հետ շփումը կարող է հոգնեցնել նրանց։ Երբ դա տեղի է ունենում, նրանք ցանկություն են ունենում առանձնանալ։ Դա նրանց լիցքավորվելու տարբերակն է։

7. Նրանք կարողանում են հեշտությամբ կարդալ շրջապատող մարդկանց

Քանի որ INFJ տեսակի մարդիկ օժտված են էմպատիայի շնորհով, նրանք ունակ են զգալ ուրիշների էմոցիաները։ Որքան էլ որ մարդը փորձի թաքցնել իր իրական մտադրությունները, նրանք միշտ ունակ են հասկանալ, որ մարդը ստում է։

INFJ տեսակի մարդկանց սուտը ճանաչելու ունակությունը թույլ է տալիս նրանց պաշտպանվել բոլոր նրանցից, որոնք ցանկանում են վնասել իրեն կամ վատ մոտիվներով են առաջնորդվում։

Նրանց հաջողությամբ հաջողվում է բացառել այդպիսի մարդկանց իրենց նեղ շրջանակից՝ նախքան վերջիններս կհասցնեն ինչ-որ բան անել։

8. Նրանք շատ են սիրում ժամանակ անցկացնել միայնության մեջ

INFJ տեսակի մարդկանց համար շատ կարևոր է հնարավորություն ունենալ որոշ ժամանակ անցկացնել միայնության մեջ։

Նրանց անհրաժեշտ է այդ ժամանակը, որպեսզի կարողանան ամեն ինչ մի լավ մտածել և լիցքավորվել։ Նրանց ներքին աշխարհը հսկայական է։ Հենց այդ պատճառով նրանց համար ձանձրալի չէ միայնության մեջ։

Զբոսնելով փողոցում կամ ընթրելով ռեստորանում, նրանք միայնակ իրենց բավական հարմարավետ են զգում։

9. Նրանք անկանխատեսելի են

Նրանց տրամադրությունը կարող է վայրկենապես փոխվել։ Նրանք կարող են տխրել, բայց մեկ րոպեից արդեն անկեղծ ուրախանալ։

Այդպիսի մարդիկ այնքան անկանխատեսելի են, որ դուք ուղղակի չեք կարող կանխագուշակել, թե ինչ տեղի կունենա նրանց հետ հաջորդ վայրկյանին։

10. Նրանք միշտ ամբողջությամբ ներդնում են իրենց ջանքերը

Եթե INFJ տեսակի մարդը ինչ-որ բան է խոսք տվել, ապա եղեք վստահ՝ նա կանի ամեն հնարավորը։

Այդպիսի մարդիկ իմաստ չեն տեսնում կես ուժով աշխատելու մեջ։ Նրանք միշտ 100%-ով ներդնում են իրենց ջանքերը։

Այս մարդկանց համար կատարված աշխատանքի որակը մեծ դեր է խաղում։ Նրանց կյանքի կարգախոսը մոտավորապես այսպես է հնչում. «Կամ ամեն ինչ, կամ ոչինչ»։

11. Նրանք հեշտ են գտնում պրոբլեմներին լուծումներ

INFJ տեսակի մարդիկ հեշտությամբ են պրոբլեմներին լուծում գտնում, որովհետև նրանք միշտ իրավիճակին նայում են կոմպլեքսային։

Շնորհիվ կարևոր դետալները բաց չթողնելու իրենց ունակության, նրանք հեշտությամբ կարող են պարզել թե ինչն այնպես չէ, և գտնել դրա լուծումը։

Ուղղակի որպեսզի իմանաք. այդպիսի մարդիկ հազվադեպ են սխալվում։

12. Նրանք շատ են սիրում մտքերն ու զգացմունքներն արտահայտել գրավոր տեսքով

INFJ տեսակի մարդիկ չեն սիրում շատ խոսել, նրանք գերադասում են արտահայտվել գրավոր։

Որքան շատ է հնարավորությունը արտահայտվել նման կերպով, այնքան լավ։ Այդպես նրանք ձեռք են բերում ներքին հանգստություն և ներդաշնակություն։