Համացանցում սկսել են «գլուխ կոտրել» մի հետաքրքիր հանելուկի վրա.

«Ռեստորանում ընթրում էին երեք ընկեր։ Երբ նրանց ընթրիքը ավարտվեց, մատուցողուհին բերեց հաշիվը։ Այն կազմում էր 30 դոլար։ Ընկերներից ամենը մեկը տվեց 10 դոլար։ Մատուցողուհին վերցրեց հաշիվն ու գումարը և ճանապարհին հանկարծ հասկացավ, որ սխալ է հաշվել։ Իրականում ընկերների ընթրիքի գումարը կազմում էր 25 դոլար։ Ի՞նչ է անում մատուցողուհին։ Նա ընկերներից ամեն մեկին վերադարձնում է մեկական դոլար, իսկ 2 դոլար պահում իրեն, որպես թեյավճար։ Այդպիսով, ամեն մեկը ընթիքի համար վճարում է 9 դոլար։ Գումարը ստացվում է 27 դոլար։ Եվս 2 դոլարը մատուցողուհու մոտ է։ Ստացվեց 29 դոլար։ Եվ այսպես, ո՞ւր անհետացավ մեկ դոլարը»։

Այս հանելուկը ծնվել է 1930թ. և մինչև այսօր ստիպում է մոլորակի շատ բնակիչներին «որտե՞ղ է անհետացել մեկ դոլարը» հարցի շուրջ «գլուխ կոտրել»։

[accordion title=’Պատասխան’]

Իրականում պատասխանը թաքնված է հարցի ձևակերպման մեջ։ Հանելուկի հեղինակը պնդում է, որ մենք պետք է գումարենք այն, ինչ իբր վճարել են ընկերները (9 х 3 = 27) և այն, ինչ մատուցողուհին վերցրել է որպես թեյավճար։ Բայց դա հանելուկի լուծման սխալ ճանապարհ է։ Իրականում ընկերներից ամեն մեկը ավելի շատ է վճարել։ Չէ՞ որ այն մասը որ վերցրել է մատուցողուհին՝ նույնպես ընկերների փողից է։

Իրականում պետք է հաշվել այսպես. 25 (այն մասը, որը հայտնվել է ռեստորանի դրամարկղում) + 3 (այն, ինչ վերադարձրել են ընկերներին) + 2 (մատուցողուհու թեյավճար) = 30 դոլար։

Ինչպես տեսնում եք, ամեն ինչ շատ ավելի պարզ է։

[/accordion]

^{Աղբյուրը՝ marketium.ru}