Հանրահայտ ինտերնետ հսկա Google-ը այսօր դարձավ 14 տարեկան:

Մի փոքրիկ անդրադարձ կատարեմ այդքան հսկա, բայց և այդքան երիտասարդ այս կորպորացիայի հիմնման ակունքներին.

Լարի Փեյջն ու Սերգեյ Բրինը 1995թ. իրար հետ ծանոթացել են Սթենֆորդի համալսարանում: 1996թ. Լարին ու Սերգեյը համատեղ ձեռնամուխ են լինում BackRub անվանումով որոնողական համակարգի ստեղծմանը:

Մեկ տարուց ավել  BackRub համակարգը աշխատում էր Սթենֆորդի սեռվերների վրա և արդյունքում նրա թրաֆիկը գերազանցեց համալսարանի սեռվերի թողունակությանը: Եվ ընկերները հանգում են այն մտքին, որ որոնողական համակարգին նոր անուն է հարկավոր և նրանց ընտրությունը կանգ է առնում «Google» անվան վրա: 1998թ. սեպտեմբերի 4-ին ստանալով 100 հազար դոլարի չեկ նրանք «Google» ընկերության գրանցման հայտ են ներկայացնում Կալիֆոռնիյա նահանգ: Եվ այդպես սկսում է գուգլի պատմությունը…

Ես էլ իմ կողմից եմ ուզում շնորհավորել Google-ին: Google-ի շնորհիվ այսօր մեր կյանքում բավական օգտակար օգնականներ են հայտնվել՝ ինչպիսիք են գուգլի որոնման համակարգը, gmail էլեկտրոնային փոստը, գուգլի ամպային ծառայություն՝ Google Drive-ը և այլն և այլն, դրանք տասնյակներով են:

Շնորհավոր ծնունդդ Google!!!