Այդ սարսափելի օրը, որից դուք միշտ վախեցել եք, և գուցե նույնիսկ կանխատեսել կամ սպասել եք, վերջապես եկավ: Եվ չնայած հոգու խորքում դուք նույնիսկ ներքուստ պատրաստ էիք դրան, դուք միևնույնն է չգիտեք, թե ինչպես վարվել դրա հետ:

Դուք լցված եք հուսահատությամբ: Զգում եք, որ ոչինչ չեք կարողանում անել, չեք կարողանում որևէ բանի մասին մտածել, բացի այն, թե որքան սարսափելի է ամեն ինչ: Դուք ցանկանում եք թաքնվել ծածկոցի տակ, ինչպես մանկության տարիներին, որպեսզի գոյատևեք այդ օրը, բայց չէ՞ որ կա աշխատանք, շատ պարտականություններ… Այդ սարսափելի օրը պարուրում է ձեզ, և դուք կարծես չեք կարողանում դուրս պրծնել այդ հուսահատության չարագուշակ ամպից: Հուսահատություն, որի մեջ դուք ամուր խրված եք:

Չմոռանաք բաժանորդագրվել մեր Telegram ալիքին:

Բոլորի մոտ է պատահում այդպիսի օրեր: Եվ դրանց հնարավոր չէ պատրաստ լինել: Նման օրերին շատ դժվար է կատարել պարտականությունները կամ ռացիոնալ որոշումներ կայացնել։ Անհանգստություն՝ ահա թե ինչն է պատում և կաթվածահար անում նման պահերին:

Բայց իրականում դուք գիտեք, որ ամեն ինչ կարելի է փոխել։ Այո, վատ օրերն իսկապես սարսափելի են, իսկ անհանգստությունից ազատվելն այնքան էլ հեշտ չէ։ Այնուամենայնիվ, դուք կարող եք փորձել օգնել ինքներդ ձեզ: Ձեր միտքը հանգստացնելու և մի փոքր թուլանալու համար բավականին պարզ և զվարճալի եղանակներ կան։

Ձեր խնդիրն է շեղել ինքներդ ձեզ մտածելուց, թե որքան սարսափելի է այդ օրը, որից բոլորն այդքան վախենում են: Ձեզ անհրաժեշտ է մի բան, որը միաժամանակ կշեղի ձեզ խնդրից և կպարգևի դրականի և ուրախության զգացում: Որոշ մարդիկ ունեն իրենց ապացուցված ուղիներն ու բաղադրատոմսերը, բայց շատերը գաղափար չունեն, թե ինչպես օգնել իրենց:

Բնականաբար, օրվա «սարսափը» նույնպես տարբեր է բոլորի համար: Երբեմն պատահում են այնպիսի բաներ, որոնք դուք չեք կարող վերահսկել կամ դադարեցնել: Այնուամենայնիվ, նույնիսկ այս դեպքում կարևոր է գոնե ժպտալու բան գտնել, որքան էլ որ ամեն ինչ տխուր կամ անհույս լինի։

Եթե ​​դուք վճռական եք ուրախություն բերել ձեր վատ օրվան, կարդացեք այս մեջբերումները: Հնարավոր է, որ դրանցից մեկը ժպիտ առաջացնի, իսկ մյուսն ընդհանրապես օգնի բոլորովին այլ կերպ նայել իրավիճակին ու հանգստանալ։

1. Լույս ճառագեք, և դուք կանցնեք ամենամութ օրերի միջով։

«Աստղերը չեն կարող փայլել առանց խավարի»:

2. Լավ ժամանակներին հասնելու համար պետք է վատ ժամանակների միջով անցնես:

«Դա հաճախ է պատահում նեոնային ձողիկների դեպքում. երբեմն պետք է ճկել, որպեսզի դրանք կարողանան լույս տալ»:

3. Թույլ մի տվեք, որ այլ մարդիկ և իրերը ազդեն ձեր երջանկության վրա:

«Երջանիկ լինելը ձեր ներքին զգացողությունն է, և դա իրականում ոչ մեկի հետ կապ չունի»:

4. Մտածեք ինչ-որ լավ բանի մասին, նույնիսկ երբ դա դժվար է:

«Եթե ձեր մտքերը լավն են, ապա դրանք կփայլեն ձեր դեմքին, ինչպես արևի ճառագայթները: Սա նշանակում է, որ դուք միշտ գեղեցիկ տեսք կունենաք: – Ռոալդ Դալ:

5. Պոզիտիվ եղեք, այդ դեպքում հաղթանակը ձերը կլինի։

«Նա հիշեց, թե ով է, և խաղը փոխվեց», – Լալա Դելիա

6. Քշեք ձեր գլխից բացասական մտքերը։

«Մի եղիր սեփական մտքերի ստրուկը: Վերահսկիր դրանք»:

7. Փորձեք ինչ-որ լավ բան գտնել նույնիսկ ամենավատ իրավիճակում։

«Երբ անձրև է գալիս, փնտրեք ծիածան: Երբ մութն ընկնի, փնտրեք աստղեր»։

8. Այսօր դուք լավագույն մարզավիճակում չեք, բայց դա նորմալ է: Դա է կյանքը: Պարզապես շարունակեք առաջ գնալ:

«Մտածեք, թե որքան հեռու եք դուք արդեն հասել, այլ ոչ թե որքան հեռու պետք է գնաք: Դուք դեռ այնտեղ չեք, որտեղ ցանկանում եք լինել, բայց այնտեղ էլ չեք, որտեղ նախկինում էիք»:

9. Երբեմն ամեն ինչ վատանում է, նախքան լավանալը:

«Երբեմն, երբ թվում է, թե ամեն ինչ քանդվում է, իրականում ամեն ինչ իր տեղն է ընկնում»:

10. Արեք ամեն ինչ, ինչ ձեզնից է կախված, նույնիսկ վատ օրը:

«Ամեն ինչ միշտ արեք սիրով, և այդ դեպքում երբեք չեք ցանկանա դա անել այլ կերպ»:

Կարդացեք նաև՝ Զիգմունդ Ֆրեյդի մեջբերումները, որոնք կօգնեն Ձեզ կյանքի դժվար պահերին

11. Դա հեշտ չէ, բայց աշխատեք խուսափել այնպիսի բաներից, որոնք ձեր օրը դարձնում են ավելի վատը, քան կար:

«Ինչ էլ որ որոշեք անել, արեք այնպես, որ դա գոնե մի փոքր ուրախություն բերի»:

12. Դուք չեք կարող ուրիշին ստիպել, որ ձեզ երջանկացնի, բայց երջանկացնել ինքդ քեզ՝ հնարավոր է:

«Երջանկությունը ներքին աշխատանք է: Ոչ մեկին իշխանություն մի տվեք ձեր սեփական կյանքի վրա»:

13. Ծիծաղը լավագույն դեղամիջոցն է։

«Կյանքն ավելի լավն է, երբ ծիծաղում ես»։

14. Փոքր բաների մեջ դրականը փնտրեք:

«Ամեն օր կարող է այնքան էլ լավ չլինել, բայց ամեն օրվա մեջ ինչ-որ լավ բան կա»:

15. Դուք ավելի ուժեղ և լավն եք, քան վատ օրերին։

«Երբ վատ օր ես ունենում, փորձիր աշխարհին վերաբերվել ավելի լավ, քան նա է քեզ վերաբերվում», – Պատրիկ Ստամպ

16. Պարզապես գոյատևիր սարսափելի օրը՝ վաղվա օրվա հույսով:

«Ուղղակի դժվար օրեր պատահում են: Բայց միշտ վաղվա օրվա հույս կա»։

17. Ձեր կյանքին վերաբերվեք ինչպես արձակուրդին: Այդ դեպքում ամենամեծ խոչընդոտը կլինի միայն ձեր կոշիկների ավազը։

«Կյանքը լողափ է, վայելիր ալիքները»:

18. Վատ օրը սովորեցնում է իսկապես գնահատել լավ օրերը:

«Վատ օրերն ավելի լավ օրեր են ստեղծում»:

19. Ամեն օրն այնքան էլ վատ չէ, որքան ձեր ամենավատ օրը:

«Շնչիր: Դա ուղղակի վատ օր է, ոչ թե վատ կյանք»:

20. Օգտագործեք այդ սարսափելի օրը որպես դաս։

«Օգտագործեք այն, ինչի միջով անցնում եք, ձեր սեփական աճի համար»: