ԿԵՆԴԱՆԱԿԵՐՊԻ յուրաքանչյուր նշանի գլխավոր «կարմիր դրոշակը». բացահայտի՛ր քոնը (և դիմացինինը)

♈ Խոյ – Իմպուլսիվություն և պայթյունավտանգ խառնվածք

Խոյի հետ երբեք ձանձրալի չէ, բայց նրա էմոցիաներն ավելի արագ են գործի անցնում, քան բանականությունը։ Նա նախ անում է, հետո՝ մտածում, իսկ երբեմն էլ՝ ընդհանրապես հետ չի նայում։

♉ Ցուլ – Համառություն մինչև վերջին շունչը

Եթե Ցուլը որևէ բան է որոշել, նրան հետ պահելը գրեթե անհնար է։ Փոխզիջումների գնալը նրանց համար իսկական տանջանք է, իսկ փոփոխություններն ընդունում են միայն այն դեպքում, երբ այլևս այլ ելք չկա։

♊ Երկվորյակներ – Անկայունություն և «երկակի խաղ»

Այսօր՝ ոգևորություն և անվերջ զրույցներ, վաղը՝ սառնություն և օտարացում։ Երկվորյակների պարագայում մարդիկ հաճախ են իրենց հարց տալիս. «Մենք ընդհանրապես նու՞յն ալիքի վրա ենք, թե՞ ոչ»։

♋ Խեցգետին – Հուզական մանիպուլյացիաներ

Խեցգետինները սիրում են խորը, բայց երբեմն կարող են ճնշել դիմացինին՝ շահարկելով մեղքի զգացումը։ Լռությունը, նեղացկոտությունը և պասիվ ագրեսիան նրանց համար դառնում են ավելին ասելու միջոց, քան բառերը։

♌ Առյուծ – Էգոն՝ ամենից վեր

Առյուծը պաշտում է ուշադրությունն ու ճանաչումը։ Բայց եթե դա չի բավականացնում, դրաման երաշխավորված է։ Քննադատությունը շատ ծանր է տանում և հազվադեպ է անմիջապես ընդունում սեփական սխալները։

♍ Կույս – Չափազանց քննադատական մոտեցում

Կույսը նկատում է ամեն ինչ՝ և՛ լավը, և՛ վատը։ Խնդիրն այն է, որ թերությունները նա երբեմն չափազանց սուր է մատնանշում, ինչի արդյունքում շրջապատին սկսում է թվալ, թե իրենք «երբեք բավականաչափ լավը չեն լինի»։

♎ Կշեռք – Կոնֆլիկտներից խուսափում և կասկածներ

Կշեռքները ցանկանում են խաղաղություն ամեն գնով։ Ուղիղ խոսակցության փոխարեն կարող են ձգձգել ժամանակը, հարմարվել բոլորին, մինչև կուտակված լարվածությունը պոռթկա ամենաանսպասելի կերպով։

Տես նաև՝ Ինչո՞ւ եք անհաջողակ ձեր անձնական կյանքում. Պատճառը ձեր ԿԵՆԴԱՆԱԿԵՐՊԻ նշանի մեջ է

♏ Կարիճ – Վերահսկողություն և խանդ

Կարիճը սիրում է ուժեղ և խորը, բայց այդ զգացմունքը հեշտությամբ վերածվում է սեփականատիրական մոլուցքի։ Նա երկար է հիշում վիրավորանքը, հազվադեպ է մոռանում և էլ ավելի հազվադեպ՝ ներում։

♐ Աղեղնավոր – Պարտավորություններից վախ

Ազատությունը Աղեղնավորի համար գրեթե սրբություն է։ Երբ հարաբերությունները դառնում են լուրջ, նա կարող է սկսել «փախուստի ելք» փնտրել՝ լինի դա ֆիզիկապես, թե էմոցիոնալ առումով։

♑ Այծեղջյուր – Հուզական փակվածություն

Այծեղջյուրը հուսալի է և պատասխանատու, բայց հաճախ չափազանց սառն է թվում։ Նրա համար դժվար է արտահայտել զգացմունքները, ինչը զուգընկերները կարող են ընկալել որպես անտարբերություն։

♒ Ջրհոս – Սառնություն և անհասանելիություն

Ջրհոսը հետաքրքիր է, յուրօրինակ, խելացի, բայց հաճախ տպավորություն է ստեղծվում, թե նա «այլ մոլորակից է»։ Նա նախընտրում է վերլուծել էմոցիաները, այլ ոչ թե ապրել դրանք։

♓ Ձկներ – Փախուստ իրականությունից

Ձկները հակված են իդեալականացնել մարդկանց և իրավիճակները։ Իսկ երբ իրականությունը պարզվում է ավելի բարդ, քան երազանքները, նրանք կարող են մեկուսանալ, անհետանալ կամ ստանձնել զոհի կարգավիճակ։