Յուրաքանչյուր մարդ արժանի է երջանկության։ Չնայած նրան, որ այդ վիճակը չի կարող հավերժ տևել, այնուամենայնիվ կան այն երկարեցնելու, նրա յուրաքանչյուր պահը վայելելու միջոցներ։ Ցավալի է, սակայն կան մարդիկ, որոնք ընդհանրապես երջանկություն չեն ապրում։ Նրանց ամբողջ ապրելակերպն է հակասում այդ զգացմունքին։ Գլխավոր պատճառը՝ սովորություններն են։

Այսօր մենք կպատմենք 12 սովորությունների մասին, որոնցից անհապաղ պետք է ազատվել։ Դա կօգնի սովորել լինել երջանիկ մարդ։

1. Խրոնիկ բողոքներ

Պետք է հասկանալ, որ կյանքում պատահում են բացարձակ տարբեր իրավիճակներ։ Դրանցից ոչ բոլորը հաջողակ կլինեն ձեզ համար, բայց դա չի նշանակում, որ պետք է հանձնվել։ Սովորեք չբողոքել ձեր պրոբլեմներից, այլ ժամանակին գտնել դրանց լուծուման տարբերակները։

2. Չափազանց շատ քննադատություն

Ինչպես սեփական անձի հասցեին, այնպես էլ այլ մարդկանց։ Քննադատությունը պետք է լինի չափի մեջ։ Այո, դուք հստակ պետք է հասկանաք, թե որտեղ եք սխալվել, բայց դա բոլորովին չպետք է ձեր կյանքը վերածի անվերջ ինքնախարազանման։ Ջանացեք աշխատել ինքներդ ձեր վրա, այլ ոչ թե քննադատել։

3. Անիմաստ ծախսեր

Դժբախտ մարդիկ հաճախ զբաղված են անիմաստ շռայլություններով, հուսալով, որ նոր գնումները մի փոքր ուրախություն կպատճառեն։ Սխա՛լ է։ Ուրախություն բերում են միայն այն բաները, որոնք իրոք պետք են և օգտակար են ձեզ։ Այնպես որ դադարեք քսակից փողերը դեն նետել և լավ մտածեք, թե ինչ իրոք կցանկանայիք։

4. Վնասակար սովորություններ

Ալկոհոլ, ծխել, չափից շատ ուտել… պետք է նայել սեփական սովորությունների ուղիղ աչքերի մեջ, իսկ հետո սկսել աշխատել ինքներդ ձեզ վրա։ Եթե դուք ազատվեք այն սովորություններից, որոնք վնասակար են ձեզ, ապա կզգաք թեթևություն և ուժերի ներհոսք։

5. Ափսոսանք անցյալի համար

Դուք երբեք երջանիկ չեք լինի, եթե անընդհատ հիշեք ձեր «երջանիկ անցյալը»։ Ընդունեք այն փաստը, որ այն մնացել է անցյալում։ Մտածում եք որ դա վա՞տ է։ Փաստ չէ։ Նայեք իրավիճակին այլ տեսանկյունից։ Ձեր կյանքում տեղի են ունեցել ծայրահեղ փոփոխություններ և այժմ դուք հնարավորություն ունեք ամեն ինչ սկսել մաքուր էջից։ Քաջ եղեք և սկսեք գունավորել այն։

6. Անհանգստություն ապագայի համար

Սա նույնպես պետք է լինի չափի մեջ։ Փորձեք այդքան հեռուն չնայել։ Պետք է կյանքից քաղել ամեն ինչ՝ այստեղ և հիմա։ Երախտապարտ եղեք կյանքին ամեն նոր օրվա համար։ Սովորեք ամեն ինչից դասեր, գիտելիքներ և փորձ քաղել։

7. Անընդհատ վախեր

Մարդիկ, ովքեր չափից շատ են զգուշանում և ուշադրություն դարձնում վախերին, ընդմիշտ մոռանում են այն մասին, թե ինչ բան է իրական երջանկությունը։ Նրանք ուղղակի չեն կարող վայելել այն նույնիսկ այն ժամանակ, երբ այն մեկ քայլի վրա է իրենցից։ Բավական է վախենալ։ Կյանքը ձեզ տրված է բոլորովին ոչ վախերի համար։

8. Նպատակների և ցանկությունների հետաձգում

Եթե դուք ինչ-որ բան իրոք ցանկանում եք, ապա պետք չէ այն անընդհատ վաղվա վրա հետաձգել։ Հաղթահարեք ինքներդ ձեզ և սկսեք գործել։ Միայն այդպես դուք կկարողանաք որսալ ձեր հաջողությունը։

9. Բամբասանքներ

Ոչ երջանիկ մարդիկ անընդհատ բամբասում են այն մարդկանցից, ով իրենց երջանիկ և հաջողակ է թվում։ Դա ամենամեծ սխալներից մեկն է։ Պետք չէ ինքնահաստատվել՝ ցեխ շպրտելով ինչ-որ մեկի վրա։ Նայեք մարդուն, օրինակ վերցրեք նրանից և սկսեք շարժվել դեպի սեփական նպատակ։ Ինչ-որ բանով դուք հաստատ առավել եք ուրիշներից։

10. Բացասական, բացասական, բացասական

Դժբախտ մարդիկ ամեն ինչում փնտրում են հենց դա։ Նրանք բառացիորեն բացասական էներգիա են ճառագում, որը առաջին հերթին քայքայում է հենց իրենց։ Պետք է սովորել ամեն ինչում դրական փնտրել, այլ ոչ բացասական։ Դա շատ արագ ձեր կյանք ուրախություն կմտցնի։

11. Վատ սնվելը

Այո, դա նույնպես ազդում է կյանքը վայելելու ձեր ունակության վրա։ Եթե դուք ուտում եք միայն վնասակար և բարձր կալորիականությամբ սնունդ, ապա ձեր օրգանիզմը միշտ ծանրաբեռնված և հոգնած կլինի։ Դա արդեն ծանրակշիռ խոչընդոտ է երջանկության ճանապարհին։ Նույն բանը վերաբերում է թերսնմանը, որովհետև այն ավտոմատ կերպով ձեզ կդարձնի ապատիկ և անուժ։

12. Պրոբլեմների մասշտաբացում

Ոչ երջանիկ մարդիկ ուռճացնում են յուրաքանչյուր վիճելի և ոչ դուրեկան իրավիճակ մինչև աղետի չափսերի։ Նրանք նույնիսկ չեն էլ հասկանում, որ իրենց ձեռքով տխրության պատճառներ են ստեղծում։ Այդպիսի մարդիկ չափազանց շատ են մտածում, բայց ցավոք ոչ ճիշտ բանի մասին։ Պետք է սովորել կենտրոնանալ պոզիտիվի վրա։

Եթե դուք նկատել եք, որ ձեր կյանքում առկա է վերընշված սովորություններից որևէ մեկը, ապա անպայման հաշվի առեք մեր խորհուրդները։ Այ կտեսնեք, դրանք անպայման ձեզ կօգնեն։