Դամանհուր ստորերկրյա քաղաքը, որը գտնվում է Իտալիայի Թուրին քաղաքից 30 մղոն դեպի հյուսիս՝ էկոլոգիական, ստեղծագործական և գիտական միության ապշեցնող արդյունքն է, որն ունի, բացի այս ամենից, իր ուսմունքը և անչափ հոգատար պահված գիտելիքներ, որոնց դետալները հայտնի չեն աշխարհին։
«Դամանհուր» նշանակում է «Գոռի բնակատեղի»։ Գոռը Հին Եգիպտական առասպելներում արևի աստվածն է՝ Օսիրիսի և Իսիդի որդին, Սեթի թշնամին, Հին Եգիպտական առասպելներում ամենագլխավոր կերպարներից մեկը։ Ժամանակակից Դամանհուրը՝ մոտ 11 հարկանի շենքի բարձրության (խորության) քաղաք է, 8500 քառակուսի մետր մակերեսով։ Այն լեցուն է անհավանական գեղեցկության վանքերով, քանդակներով, որմնանկարներով և այլ արվեստի գլուխգործոցներով։
Ամեն ինչ սկսվեց Օբերտո Այրաուդի (կամ ուղղակի Ֆալկո) անունով մի մարդուց, ով 1978թ. հավաքեց իր հետևորդներին և սկսեց Ալպերի մոտ, գետնի տակ մի ամբողջ քաղաքի լայնամասշտաբ շինարարություն։ Նրանք աշխատում էին մեծ ջանասիրությամբ և աշխատում էին գաղտնի պահել իրենց նախագիծը։
Ստորերկրյա քաղաքի աշխատանքները տևեցին 15 տարի, բայց ասում են, որ այն շարունակվում է մինչ օրս։
Երբ սկսվեց շինարարությունը, համայնքի անդամները իշխանություններից չունեին համապատասխան թույտվություն։ Այդ պատճառով, երբ տեղի ոստիկանությանը անանուն մի նամակ եկավ, որտեղ բացահայտվում էր գաղտնիքը, դամահուրացիները ստիպված էին ներս թողնել երեք ոստիկանի, ովքեր իրենց աչքերով տեսան Դամանհուրի ողջ գեղեցկությունը։
Երկար դատական քաշքշուքներից հետո իշխանությունները ի վերջո թույլատրեցին ստորերկրյա քաղաքի շինարարությունը, իսկ ինքը՝ Դամանհուրը դարձավ Իտալիայի ազգային արժեք, որը բացվեց հասարակության առջև։ Յուրաքանչյուրը կարող է հայտնվել ներսում և հիանալ այդ գեղեցկությամբ։ Իսկ նրան, ովքեր չունեն այդ հնարավորությունը, կարող են ծանոթանալ քաղաքի հետ այս կարճ վավերագրական ֆիլմի օգնությամբ, որը տեղադրում ենք ներքևում։
Գրանցվիր մեր 
