«Ապրել նշանակում է գիտակցաբար ապրել ամեն պահ և օրերով չմտածել կյանքի իմաստի մասին»:
Մի քանի տասնամյակ առաջ Պաուլո Կոելյոն, որը մտավ բեսթսելերի աշխարհ, դարձավ ամենաառաջատար գրողներից մեկը, և չնայած որ նրա գրքերը, ոճն ու լեզուն շատ է քննադատվում քննադատների կողմից, բայց վիճակագրությունն ինքնին խոսուն է. Կոելյոի ավելի քան 86 միլիոն գրքերը վաճառվել են 150 երկրներում, թարգմանվել են 67 լեզուներով:
Պաուլո Կոելյոն հայտնի դարձավ շնորհիվ գլխավոր գաղտնիքի: Նա գտավ այն ունիվերսալ լեզուն, որը յուրաքանչյուր ընթերցող՝ Բրազիլայից և Մեծ Բրիտանիայից, ԱՄՆ-ից և Ֆրանսիայից, Գերմանիայից և Կանադայից և շատ այլ երկրներներից, կհասկանար: Նա փայլուն հոգեբան է, որն անթերի է սովորեցնում կյանքի անսասան հիմունքները թեթև գեղարվեստական սյուժեի միջոցով:
Հիշենք նրա մեջբերումները ամենասիրված գործերից:
«Կախարդի օրագիրը»
«Մարդկանց համար շատ սովորական է այնպիսի բաներ հորինել, որը գոյություն չունի, և օգտակար դասեր չքաղել այն ամենից, ինչ մեր աչքի առաջ է»:
«Մենք միշտ գիտենք, թե որ ճանապարհն է լավագույնը: Բայց մենք հետևում ենք մեզ համար սովորական դարձած ճանապարհին»:
«Ալքիմիկոսը»
«Յուրաքանչյուրն ունի իր սովորելու ձևը: Իմը նրան չի ձեռնտու, նրանը ինձ չի համապատասխանում: Բայց երկուսս էլ փնտրում ենք մեր ճանապարհը, և միայն դրա համար չեմ կարող չհարգել նրան»:
«Ես վախենում եմ, որ երբ երազանքը իրականություն դառնա, ես այլևս իմաստ չեմ ունենա ապրելու»:
«Հիշիր. Միշտ պետք է հստակ իմանալ, թե ինչ ես ուզում»:
«Երբ ինչ-որ բան շատ ես ցանկանում՝ ամբողջ Տիեզերքը կօգնի իրականացնել քո ցանկությունը»:
«11 րոպե»
«Կյանքը սիրում է մթնել, որպեսզի հետո պայծառ փայլի իր լուսավոր կողմով»:
«Ավելի լավ է ապրել այնպես, ասես այսօր քո կյանքի առաջին (կամ վերջին) օրն է»:
«Կյանքը միշտ չէ, որ երկրորդ հնարավորությունն է տալիս, և այն նվերները, որոնք երբեմն ձեզ է նվիրում, ավելի լավ է վերցնել»:
«Կյանքը շատ կարճ է, կամ՝ շատ երկար, որպեսզի ճոխություն թույլ տաս քեզ այդքան վատ ապրել»:
«Յուրաքանչյուր մարդու մեծ նպատակը սերը գիտակցելն է: Սերը ուրիշի մեջ չէ, այլ մեր մեջ, և մենք ինքներս ենք դա արթնացնում մեր մեջ: Իսկ ահա այն արթնացնելու համար անհրաժեշտ է այն մյուսը: Տիեզերքն իմաստ է ձեռք բերում միայն այն դեպքում, երբ մենք ունենք մեկին, ում հետ կարող ենք կիսվել մեր զգացմունքներով»:
«Հինգերորդ լեռ»
«Երեխան միշտ կարողանում է մեծահասակներին տալ երեք դաս. Նա ուրախ է առանց որևէ պատճառի, միշտ զբաղված է ինչ-որ բանով և գիտի, թե ինչպես ամեն գնով հասնել իր ուզածին»:
«Մարդը պետք է ընտրի իր ճակատագիրը, և ոչ թե ընդունի»:
«Բրիդա»
«Երբ կյանքում կարևոր բան ես գտնում, սա չի նշանակում, որ պետք է հրաժարվես մնացած ամեն ինչից»:
«Որքա՞ն ենք կորցնում այն պատճառով, որ վախենում ենք կորցնել»:
«Հասնելով վերջին, մարդիկ ծիծաղում են այն վախերի վրա, որոնք նրանց սկզբում տանջում էին»:
«Վերոնիկան որոշում է մահանալ»
«Մեզ բոլորիս մի փոքր խելագարությունն է պակասում»:
«Դադարիր ամբողջ ժամանակ մտածել, որ դու բոլորին խանգարում ես: Եթե ինչ-որ մեկին դա դուր չի գալիս, նա ինքը կբողոքի: Եվ եթե նա համարձակություն չունի բողոքելու, ապա դա նրա խնդիրն է»:
«Ալեֆ»
«Մենք սովորաբար գնահատում ենք հեռվից եկածը և հազվադեպ ենք ուշադրություն դարձնում մեզ շրջապատող գեղեցկությանը»:
«Մենք երբեք այնպիսին չենք, ինչպիսին ուրիշներն են ուզում տեսնել մեզ: Մենք այն ենք, ինչ մենք ենք ցանկանում լինել: Ավելի հեշտ է ուրիշներին մեղադրել: Կարելի է վատնել կյանքը՝ անիծելով աշխարհին, բայց մեր հաջողություններն ու անհաջողությունները ամբողջովին կախված են մեզանից»:
«Միայն միջակությունն է միշտ ինքնավստահ, այնպես որ խիզախեք և արեք այն, ինչ ուզում եք իրականում: Փնտրեք մարդկանց, ովքեր չեն վախենում սխալվել և, իհարկե, սխալվում են»:
«Ապրել նշանակում է գիտակցաբար ապրել ամեն պահ և օրերով չմտածել կյանքի իմաստի մասին»:
«Ռիո Պեդրայի ափին ես նստեցի և լաց եղա»
«Սերը նման է ամբարտակի. Եթե թողնեք նույնիսկ մի փոքրիկ անցք, որտեղ ջրի բարակ հոսք կարող է ներթափանցել, ապա շուտով պատերը փլուզվելու են դրա ճնշման տակ, և կգա այն պահը, երբ այն այլևս չի կարողանա զսպել հոսքի ուժը: Եթե պատերը փչանան, սերը կվերցնի ամեն ինչ, և ամեն ինչ կհաղթի. Նա չի մտածում, թե ինչն է հնարավոր և ինչը` ոչ, նրան չի հետաքրքրում, կկարողանա՞նք պահել մեր սիրելիին մեր կողքին, թե ոչ, սերն անվերահսկելի է»:
«Պետք է լսել այն երեխայի ձայնը, որը դուք ժամանակին եղել եք, և այն դեռ գոյություն ունի ձեր ներսում: Նրան տրված է հասկանալ այդ կախարդական պահերը»:
«Միայն նա է երջանիկ, ով կարողանում է երջանկություն տարածել»:
Գրանցվիր մեր Telegram ալիքին։ Ուղարկում ենք միայն թարմ հոդվածները:
