fbpx
Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Փաստեր քնի մասին, որոնք առ այսօր մինչև վերջ ուսումնասիրված չեն

Փաստեր քնի մասին, որոնք առ այսօր մինչև վերջ ուսումնասիրված չեն

Քունը՝ մեզ համար ի ծնե սովորական դարձած բան է: Բայց միաժամանակ՝ այդ պրոցեսը նաև իսկական հանելուկ է, որի մասին մենք զարմանալիորեն շատ քիչ բան գիտենք, իսկ շատ հարցեր առ այսօր մնում են այդպես էլ առանց գիտականորեն հիմնավորված պատասխանների:

1. Ինչո՞ւ ենք մենք քնում

Այս հարցը իսկական սնունդ է դարձել գիտնականների մտորելու համար: Տեսություններից մեկը պնդում է, որ մենք քնում ենք, որպեսզի օրվա համար էներգիա տնտեսենք և անընդհատ կալորիաներ չայրենք: Կամ հավանականություն կա, որ ուղեղին հարկավոր է լիցքաթափվել: Եվ վերջապես, հնարավոր է, քնի հիմնական նպատակը՝ վերականգնել և թարմացնել մարմինը:

2. Ինչո՞ւ են բոլոր կենդանի արարածները քնում

Կաթնասունները, սառնարյունները, անողնաշարավորները՝ նրանք բոլորն էլ քնում են:  Քանի որ մենք հաստատ չգիտենք, թե ինչու են քնում մարդիկ, մենք չենք մոտեցել այս հանելուկների լուծմանը նաև կենդանիների առումով: Սակայն կատարվել են քնի ուսումնասիրման բավական հետաքրքիր փորձեր մրգային ճանճերի վրա: Պարզվում է, որ մրգային ճանճերի քնի ցիկլերը շատ նման են մարդու քնի ցիկլերին, և գիտնականները հայտնաբերեցին որոշ հետաքրքիր կապեր գենետիկայի և քնի միջև: Փոխելով մեկ գենը՝ նրանք փոխեցին ճանճի քնի բնավորությունը: Քանի որ նրանց քնի ցիկլերը նման են մարդու քնի ցիկլերին, ապա, հավանական է, կարելի է առանձնացնել մարդկային  գեն, որն երաշխավորում է օրգանիզմի համար լավ հանգիստ, առանց օրվա մեկ երրորդը անկողնում անցկացնելու անհրաժեշտության:

3. Կարո՞ղ է քնի բացակայությունը սպանել ձեզ

Երկար ժամանակ արթուն մնալը վտանգավոր է մինչև հալյուցինացիաների առաջացում, սակայն ոչ մի ապացույց չկա, որ քնի բացակայությունը սպանում է մարդուն: Ժամանակին ԿՀԾ-ն որպես հարցաքննության ձև օգտագործում էր արթուն վիճակը, բանտարկյալներին պահելով 11 օր առանց քնի: Եվ զարմանալին այն է, որ նրանց ֆիզիկական վիճակը ծայրահեղորեն չէր փոխվում և ոչ մեկ չմահացավ դրանից:

4. Ինչո՞ւ է արագ քնի փուլը այդքան կարևոր

Երազատեսության կամ «արագ քնի» փուլը (REM) շատ կարևոր է, սական նորից մենք չգիտենք թե ինչու: Օրինակ քնի բժշկության պրոֆեսոր Էնդրյու Ուիլյամսը մեջբերում է Ֆրենսիս Կրիկին՝ ԴՆԹ երկակի պարույրի ուսումնասիրողներից մեկին. «Նրա միտքը կայանում էր նրանում, որ քունը առանց REM-ի նախատեսված է օրգանիզմի վերականգնման համար, իսկ քունը REM-ով՝ ուղեղի վերածրագրավորման համար, քանի որ այն այդ ժամանակ շատ ակտիվ է»: Այդ պատճառով, եթե դուք հանկարծ գիշերային մղձավանջ եք տեսնում, իմացեք, որ դա կարող է ինչ-որ կերպ օգնել ձեր ուղեղին վերականգնվել:

5. Ինչո՞ւ է քնի պակասը բերում քաշի ավելացման

Հետազոտությունները ցույց են տվել, որ կանայք, ովքեր քնում են հինգ ժամից պակաս, 15%-ով ավելի շատ են տառապում ճարպակալմամբ: Ինչո՞ւմ են հնարավոր պատճառները: Քիչ քնող մարդիկ շատ են հոգնում ֆիզիկական աշխատանք կատարելու համար նաև շատ և արագ են ուտում: Բացի դրանից, քնի պակասությունը ազդում է հորմոնների վրա, որոնք կարգավորում են սովի զգացումը: Սա ընդամենը տեսություն է, որը կարող է միաժամանակ հաստատվել և մերժվել, քանի որ քնոտ և հոգնած մարդիկ նույն կերպ կարող են շատ արագ քաշ կորցնել:

6. Ի՞նչ են հիշում լուսնոտները

Նախկինում համարվում էր, որ լուսնոտները ոչինչ չեն հիշում իրենց գիշերային զբոսանքների մասին: Բայց պարզվել է, որ դա ոչ միշտ է այդպես: Նրանցից ոմանք այնուամենայնիվ որոշ բաներ հիշում են: Բացի դրանից, լուսնոտ մարդը ոչ միշտ է աննպատակ շրջում, այլ ղեկավարվում է ինչ-որ բանով, այդ թվում բավական ռացիոնալ պատճառներով: Նաև լուսնոտների 45% խոսում են օրվա ընթացքում հոգնածության մասին: Սկզբունքորեն լուսնոտության յուրաքանչյուր դեպք առանձնահատուկ է, իսկ դա նշանակում է, որ մենք դեռևս հստակ ոչինչ չգտենք այդ ֆենոմենի մասին:

7. Գիտնականները վստահ չեն, պե՞տք է, որ մարդիկ քնեն ամբողջ գիշեր

Եթե մենք ինչ-որ բան գիտենք քնի մասին, դա այն է, որ մենք պարտադիր պետք է գիշերները քնենք: Չնայած այս հարցում գոյություն ունեն բազմաթիվ գիտական վեճեր՝ իսկ կոնկրետ, թե պե՞տք է ամբողջ գիշեր առանց ընդմիջումների քնել: Պատմաբան և քնի ուսումնասիրող Ռոջեր Էկիրխը գտնում է, որ մեկ ութժամյա բլոկով քունը բոլորովին էլ բնական չէ մարդու համար: Նախկինում մարդիկ քնում էին երկու անգամ՝ 4-ական ժամ, արթնանալով գիշերվա կեսին և արթուն մնալով 2-3 ժամ: Այդ ընթացքում նրանք աղոթում էին, մտորում, շփվում տան անդամների հետ, կատարում տան աշխատանքներ և նույնիսկ հյուր էին գնում: Սակայն էլեկտրականության հայտնվելը խախտեց այդ ռեժիմը:

8. Որքա՞ն երկար պետք է քնենք

Ասում են, որ մարդուն քնի համար հարկավոր է 8 ժամ, եթե նորածին չենք կամ էլ ծույլ մարդ: Բայց նույնիսկ դա մենք հստակ չգիտենք: Նորից, հետազոտությունները ցույց են տվել, որ 8 ժամ քնողները մահացության թվով տարբերվում էին 6 ժամ քնողներից: Իսկ ահա կիսաքունը (5 ժամից պակաս) միանշանակ վնասակար է: Մյուս կողմից, Հարվարդի գիտնականներն ասում են, որ օրվա ընթացքում պետք է քնել 7 ժամ, որպեսզի ուղեղը որակյալ վերականգնվի, այլապես կխախտվի նրա կոգնիտիվ ֆունկցիան: Հետևաբար մարդկությունը կանգնած է երկընտրանքի առջև՝ 8 ժամյա քունը կամ կբերի վաղաժամ մահվան կամ էլ արդյունավետ կյանքի: Ընտրեք ինքներդ:

կարդացեք նաև

BELLA CIAO Challenge․ հայ աստղերի Cover տարբերակը

«Աշխարհի տարբեր երկրներում երգիչները, դերասանները, ուղղակի երկրպագուները կազմակերպել են այս երգի բազատեսակ չելենջներ։ Մենք նույնպես միացանք այս չելենջին եւ ֆրանսիացի աստղերի օրինակով փորձեցինք քավըր...

Կենդանակերպի 4 նշաններ, որոնք առավել հաճախ են տառապում միայնությունից

Միայնությունը կարող է հարվածել առավել անսպասելի պահերին, և նույնիսկ եթե դուք վայելում եք ձեր միայնությունը, միանգամայն բնական է ընկերություն փնտրելը: Ի վերջո, մարդիկ սոցիալական...

Հոգեբանական ԹԵՍՏ․ Ինչպիսի՞ն է Ձեր բնավորությունը

Ցանկանո՞ւմ եք իմանալ, թե ինչպիսին է Ձեր բնավորությունը: Ուրեմն անցեք հոգեբանության այս թեստը: Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ: Գրանցվիր...

Դանինգ-Կրյուգերի էֆեկտը. Ինչո՞ւ են հիմար մարդիկ կարծում, որ խելացի են

Երբեմն մարդիկ չափազանց հիմար են, որպեսզի հասկանան, թե որքան հիմար են: Մեզանից յուրաքանչյուրը գիտի մեկին, ով իրեն ավելի խելացի է համարում, քան իրականում կա: Բայց...

Մի վատնեք ձեր կյանքը՝ սպասելով հատուկ իրադարձության: Ձեր կյանքը արդեն հատուկ իրադարձություն է

Մինչ դուք սպասում եք, որ որևէ կախարդական բան տեղի ունենա, դուք չեք ապրում լիարժեք ... Կյանքը կարճ է, և որքան շատ ժամանակ իզուր վատնենք, այնքան...