fbpx
Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Բաց թողնել նրանց, ում սիրում ենք՝ ցավոտ է (բայց երբեմն դա լավագույնն...

Բաց թողնել նրանց, ում սիրում ենք՝ ցավոտ է (բայց երբեմն դա լավագույնն է, ինչ կարող ենք անել)

«Դուք չեք կարող կորցնել այն, ինչ չեք ունեցել: Դուք չեք կարող պահպանել այն, ինչը Ձեզ չի պատկանում: Դուք չեք կարող պահել այն, ինչը վաղուց արդեն չկա․․․»

Մարդիկ, որոնց սիրում ենք՝ դառնում են մեզ համար մի ամբողջ աշխարհ: Մենք միասին անցել ենք շատ կիլոմետրեր, միասին ապրել ենք շատ ուրախ պահեր, զրուցել ենք հարյուրավոր ժամեր․․․ Թվում էր թե այդպես կլինի միշտ: Հենց այդ պատճառով, երբ ստիպված ես հրաժեշտ տալ և բաց թողնել նրանց՝ սեղմվում է սիրտը և սկսում ցավել հոգին:

Բայց երբեմն դա լավագույնն է, ինչ կարող ենք անել: Իմաստ չկա տանջել մեկմեկու, երբ ամեն ինչ վերջացել է: Իմաստ չկա խաբել ինքդ քեզ և զուգընկերոջը:

Բացեք մատները, բաց թողեք՝ միայն ավելի թեթև կլինի:

Բնական է, որ մարդուն, ով դեռ վերջերս այդքան թանկ էր Ձեզ համար՝ 15 րոպեում չես ջնջի կյանքիցդ: Դրա համար ժամանակ և շատ բան է պահանջվում:

Ճշմարտությունն այն է, որ մի գիշերվա մեջ դա չես անի:

Բաց թողնելը՝ արվեստ է, որը գալիս է փորձով և տարիներով: Այն ուղիղ կախված է նրանից, թե որքան անգամ եք հիասթափություն և վիրավորանք ապրել: Որքան հաճախ եք վստահել և հետո փոշմանել դրա համար: Քանի անգամ են Ձեր սիրտը կոտրել մանր փշուրների և անխնա տրորել դրանք:

Այդ արվեստը գալիս է այն բանից հետո, երբ Ձեզ հետ կպատահի այն, ինչից վախենում ենք յուրաքանչյուրս՝ երբ բացում ես և նվիրում սիրտդ նրան, ով դրան արժանի չէ:

Մենք միշտ ժամանակ առ ժամանակ քայլում ենք փոցխի վրայով: Երբ կրծքիդ տակ բաբախում է տաք և բարի սիրտ՝ հավատում ես, որ ժամանակի ընթացքում ամեն ինչ կկարգավորվի: Չէ որ մենք այդքան շատ ենք ուզում դա, այդքան անկեղծ և ինքնազոհ ենք սիրում: Այդ պատճառով աչք ենք փակում տագնապալի ազդակների վրա, թույլ ենք տալիս նեղացնել և ստորացնել մեզ: Հազարավոր բացատրություններ ենք հորինում մարդկանց համար, որոնք ուղղակի թքած ունեն մեզ վրա:

Մենք ծախսում ենք մեր կյանքի թանկարժեք ժամերը, օրերը, ամիսները և տարիները, որպեսզի ինչ-որ մեկին դարձնենք երջանիկ: Ներում ենք և տալիս երկրորդ, երրորդ, հինգերորդ, հարյուրերորդ հնարավորությունը: Փոխարենը պետք է հավերժ հրաժեշտ տայինք:

«Դուք չեք կարող կորցնել այն, ինչ չեք ունեցել: Դուք չեք կարող պահպանել այն, ինչը Ձեզ չի պատկանում: Դուք չեք կարող պահել այն, ինչը վաղուց արդեն չկա․․․»

Այո, Ձեզ իրոք ցավոտ է: Ոչ ոք չի վիճում: Բայց այդ ցավը հանուն լավի է: Այն կբերի Ձեզ այնտեղ, որտեղ Ձեզ սպասում են: Որտեղ կսիրեն և կգնահատեն Ձեզ ըստ արժանավույնս: Այն կվերածի Ձեզ այն մարդուն, որը պետք է լինեիք: Համարձակ, վճռական և ուժեղ:

Մի օր ցավը կմեղմանա, կանցնի, և դուք հստակ կգիտակցեք, որ ամբողջ այդ ապրումները իզուր չէին: Դուք կհասկանաք, որ նվիրել եք Ձեր սերն ու քնքշությունն ինչ-որ մեկին իզուր, ով դրան արժանի չէր: Չէ որ հենց այդ փորձություններն են դարձրել Ձեզ իմաստուն և կայուն:

Դուք ստացել եք Ձեր կյանքի ամենագլխավոր դասը: Ընդորում բոլորովին անվճար: Այժմ դուք գիտեք թե ինչպիսի մարդկանցից է պետք հեռու մնալ:

Այժմ դուք գիտեք, թե ինչպիսի մարդիկ են արժանի Ձեր կյանքում տեղ ունենալու համար, իսկ որոնց է պետք բաց թողնել, առանց որևէ ափսոսանքի: Այժմ դուք գիտեք, թե ով է Ձեզ պետք երջանկության համար: Այժմ դուք գիտեք թե ինչպիսին եք ցանկանում լինել և դեպի ուր եք բռնել Ձեր ուղղին:

Հենց այդ պատճառով, եթե Ձեր գիտակցությունը հուշում է, որ պետք է Ձեր կյանքից բաց թողնեք ինչ-որ մեկին՝ ականջալուր եղեք այդ խորհրդին: Որքան էլ որ ցավոտ և վիրավորական լինի: Որովհետև այն, ինչ Ձեզ սպասվում է առջևում՝ շատ ավելի լավն է նրանից, ինչին հրաժեշտ եք տվել և բաց թողել:

telegramԳրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:

viberԳրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին։

կարդացեք նաև

video

Պրեմիերա․ Լիլու՝ «Հոգիս»

ԱՄՆ-ում բնակվող երգչուհի Լիլուն նոր տեսահոլովակ է ներկայացրել։ Այն նկարահանվել է «Հոգիս» երգի հիման վրա։ Ստեղծագործության խոսքերի ու երաժշտության հեղինակը Վահրամ Պետրոսյանն է, ռեժիսորը՝...

Էդմեն Շահբազյան․ Ո՞վ է UFC-ում մեծ աղմուկ հանած հայ գերտաղանդը

MMA-ն գնալով դառնում է աշխարհի ամենամասսայական սպորտաձևերից մեկը, որի երկրպագուների քանակը տարեցտարի զգալիորեն շատանում է։ Մարզաձևում շատ են նաև հայ մարզիկները։ Նրանցից ոմանք արդեն...

Կենդանակերպի 5 ամենաէմոցիոնալ նշանները

Բոլոր մարդիկ էլ էմոցիոնալ են։ Սակայն կան այնպիսիները, որոնք պարզապես չեն կարողանում կառավարել իրենց էմոցիաները։ Նրանք չեն կարողանում թաքցնել, երբ վրդովված են կամ չափազանց...

ԹԵՍՏ․ Փայլեք աշխարհագրական գիտելիքներով

Ներկայացնում ենք Ձեզ բարդ, ոչ ստանդարտ հարցերից բաղկացած աշխարհագրական թեստ: Ի՞նչ եք կարծում, կկարողանա՞ք փայլել գիտելիքներով մեր այս աշխարհագրական թեստում: Վերջում չմոռանաք սոցիալական ցանցերում արդյունքներով...