fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Խորխե Լուիս Բորխես «Որոշ ժամանակ անց»

Խորխե Լուիս Բորխես «Որոշ ժամանակ անց»

Ժամանակը հարաբերական գոյություն է: Այդ պատճառով չպիտի այն սխալ ծախսենք, կորցնենք ու հետո ափսոսանք դրա համար: Խորխե Լուիս Բորխեսը նշում է, որ մենք ժամանակի ընթացքում շատ բան ենք սովորում և միայն սովորում ենք: Հետագայում դրա հետ մեկտեղ հաշիվ ենք տալիս ինքներս մեզ մեր արած կամ չարած արարքների համար: Եվ ի վերջո հասկանում ենք, որ չպետք է արագացնել դեպքերը, ստիպել, որ արագ անցնի ժամանակը, որովհետև վերջում, միևնույն է, չի լինելու մեր սպասածի և ցանկացածի պես:

Բորխեսի այս խորիմաստ տողերը արժի, որ կարդա յուրաքանչյուրը.

Որոշ ժամանակ անց հասկանում ես օգնության ձեռք մեկնելու և հոգին շղթայելու նուրբ տարբերությունը և սովորում ես, որ սերը չի նշանակում պառկել, ընկերակցությունը չի նշանակում ապահովություն, և սկսում ես սովորել…

Որ համբույրները պայմանագրեր չեն և նվերները խոստումներ չեն, սկսում ես ընդունել ջախջախիչ պարտություններդ բարձր ճակատով և բաց աչքերով, սովորում ես կառուցել բոլոր ճանապարհներդ այսօր, որովհետև վաղվա հողը չափազանց անկայուն է ծրագրերի համար, և երբեմն մրգերը ժամանակից շուտ են ընկնում:

Որոշ ժամանակ անց սովորում ես ասել` բավական է, քանի դեռ արևը չի այրել իր ջերմությամբ, ինչպես նաև տնկել սեփական այգիդ և զարդարել սեփական հոգիդ, ինչ որ մեկին սպասելու փոխարեն, ով քեզ ծաղիկներ կբերի:

Եվ սովորում ես, որ իսկապես կարող ես դիմանալ, որ իսկապես ուժեղ ես, որ իսկապես արժես… և սովորում ես ու սովորում ես…և ամեն օրվա հետ սովորում ես:

Ժամանակի հետ սովորում ես, որ լինել մեկի հետ, ով քեզ լավ ապագա է առաջարկում, նշանակում է` ուշ թե շուտ կցանկանաս վերադառնալ անցյալ:

Ժամանակի հետ հասկանում ես, որ միայն նա, ով ընդունակ է սիրել քեզ քո թերություններով և առանց ձգտելու քեզ փոխել, կարող է քեզ տալ ցանկացածդ ողջ երջանկությունը:

Ժամանակի հետ քեզ հաշիվ ես տալիս, որ եթե այդ մարդու կողքին ես միայն մենությունդ ուղեկցելու համար, դա անխուսափելիորեն կավարտվի նրան այլևս չտեսնելու ցանկությամբ:

Ժամանակի հետ հասկանում ես, որ իսկական ընկերները հաշված են, և նա, ով չի պայքարում նրանց համար, վաղ թե ուշ իրեն կտեսնի շրջապատված կեղծ ընկերներություններով:

Ժամանակի հետ սովորում ես, որ զայրույթի պահին ասված բառերը կարող են շարունակել ողջ կյանքի ընթացքում խոցել նրան, ում վիրավորեցիր:

Ժամանակի հետ սովորում ես, որ յուրաքանչյուրը կարող է ներողամիտ գտնվել, բայց ներելը միայն վեհ հոգիներինն է:

Ժամանակի հետ հասկանում ես, որ եթե դառնորեն վիրավորել ես ընկերոջդ, շատ հավանական է` ընկերությունը էլ երբեք նույնը չլինի:

Ժամանակի հետ քեզ հաշիվ ես տալիս, որ չնայած երջանիկ ես ընկերներիդ հետ, մի օր լացելու ես նրանց համար, ում թողել ես, որ հեռանան:

Ժամանակի հետ քեզ հաշիվ կտաս, որ յուրաքանչյուր մարդու հետ ապրած յուրաքանչյուր փորձություն անհամեմատելի է:

Ժամանակի հետ քեզ հաշիվ կտաս, որ նա, ով նվաստացնում կամ արհամարում է ինչ որ մարդու, վաղ թե ուշ կզգա նույն նվաստացումներն ու արհամարանքը՝ բարձրացրած քառակուսի:

Ժամանակի հետ հասկանում ես, որ դեպքերն արագացնելը կամ ստիպելը, որ շուտ պատահեն, կհանգեցնեն, որ վերջում չի լինի քո սպասածի պես:

Ժամանակի հետ քեզ հաշիվ ես տալիս, որ իրականում լավագույնը ապագան չէր, այլ այն պահը, որ ապրում էիր այդ վայրկյանին:

Ժամանակի հետ կտեսնես, որ չնայած երջանիկ կլինես նրանց հետ, ովքեր կողքիդ են, անասելի կկարոտես նրանց, ովքեր երեկ քեզ հետ էին և հիմա հեռացել են:

Ժամանակի հետ կսովորես, որ փորձել ներել կամ ներողություն խնդրել, ասել, որ սիրում ես, ասել, որ կարոտում ես, ասել, որ կարիքն ունես, ասել, որ ուզում ես ընկեր լինել…մի շիրմի առաջ, արդեն ոչ մի իմաստ չունի:

Բայց, դժբախտաբար, միայն Ժամանակի հետ…

Հրապարակման ներկայացրեց՝ VAMAZ-ը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]

Հրապարակիր քո նյութը

կարդացեք նաև

Կենդանակերպի նշաններ, որոնք կյանքում սիրում են միայն մեկ անգամ

Կենդանակերպի այս նշանների համար գոյություն ունի ֆլիրտ և կիրք, բայց նրանց համար իրական հարաբերությունները՝ մեկ անգամ են և ընդմիշտ: Ձեր ուշադրությանն ենք ներկայացնում կենդանակերպի...

Գիտելիքների մակարդակը ստուգող ԹԵՍՏ

Հարցեր, որոնք կստուգեն Ձեր գիտելիքներն ու ընդհանուր բազմագիտակությունը (էրուդիցիան)․ Գրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ: Գրանցվիր մեր Viber ալիքին։ Եվ...

9 պատճառ՝ դադարել ձգտել ուրիշների հավանությանն արժանանալ

Փորձելով ձեռք բերել ուրիշների հավանությունը, դուք բարդացնում եք որոշումների կայացման գործընթացը`ավելորդ և անտեղի քայլով: Դուք փնտրում եք այն մարդկանց ուշադրությունը, ովքեր չեն կարող ձեզ...

Բազմագիտակության ԹԵՍՏ․ Կբավականացնի՞ Ձեր գիտելիքները, որպեսզի անցնեք թեստը 10/10 արդյունքով

Իսկ ի՞նչ եք կարծում, կբավականացնի՞ Ձեր գիտելիքները, որպեսզի կարողանաք պատասխանել այս ոչ այդքան հեշտ թեստի բոլոր հարցերին: Եկեք ստուգենք: Փորձեք ճիշտ պատասխանել բոլոր հարցերին...

Սեռերի պատերազմ. ինչպես սովորել սիրել

Մեր մշտական «ժամանակ չկա»-ն ու փառքի, փողի, խոստովանության, կարգավիճակի հետևից վազքը թույլ չի տալիս կանգ առնել ու հետ նայել: Մենք մեր կյանքում բաց ենք...