Գենային ինժեներիայի և 3D տպագրության միջոցով գիտնականներին հաջողվել է ստեղծել բիոհիբրիդ, որը հիշեցնում է փոքրիկ կատվաձկան։
Ամերիկյան գիտնականների գյուտը պատրաստված է առնետի սրտի բջիջներից և կարողանում է լողալ, նաև կիբերկատվաձկանը կարելի է կառավարել լույսի ճառագայթներով։ «Ձեռագործ» ջրլողը պատրաստված է ռետինից, կարող է հպարտանալ ոսկյա կմախքով իսկ գենային մոդիֆիկացված առնետների կարդիոմիոցիտները օգնում են «ձկնիկին» լողալ։
Սովորական կատվաձուկը կամ ձուկը կարող է լողաթևերը շարժել վերև – ներքև, սակայն Հարվարդի համալսարանի լաբորատորիայի գիտնականների ձեռքով ստեղծված «արարածները» ավելի պարզ կառուցվածքի են, այդ պատճառով նրանց լողաթևերը դեռևս կարող են միայն իջնել։
Լողալու արագությունն ու ուղղությունը, որով շարժվում է բիոհիբրիդային ռոբոկատվաձուկը որոշվում են նրանով, թե ուր է ընկնում լույսի ճառագայթը, նաև լուսային իմպուլսի ինտենսիվությամբ, որոնք ազդում են մարմնի վրա։ Նորաստեղծ ռոբոտի շարժման արագությունը մոտ 9 մ/ժ է՝ ինչը բոլորովին վատ չէ 16մմ-անոց արարածի համար, որը կշռում է ընդամենը 10 գրամ։
Ռոբոտի ստեղծողներից մեկը՝ Կևին Կիտ Պարկերը գտնում է, որ ստեղծել է կենսաբանական կյանքի տեսակ։
Ճիշտ է բազմանալ այն չի կարող, բայց ապրում է։ Կիտը կոլեգաների հետ շարունակում է հետազոտությունները, հուսալով ապագայում կենդանի հյուսվածքներից ստեղծել իսկական ղեկավարվող բիոռոբոտ։
Գիտնականները հավատում են, որ դա կօգնի աճեցնել արհեստական օրգաններ, այդ թվում նաև սիրտ և ուղեղի հյուսվածքներ։
Ահա թե ինչպիսին է նրանց ստեղծագործությունը տեսանյութով.
Գրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:
