Իրական լույսի ներքո իրեն տեսնելու անկարողությունը հաճախ դանդաղեցնում է մարդուն և խանգարում նրան երջանիկ լինել: Անինքնավստահ մարդը զգայուն է քննադատության նկատմամբ, անընդհատ կասկածում է իրեն ու իր ունակություններին: Արդյունքում՝ դա բերում է բաց թողնված հնարավորությունների և մռայլ գոյության:
Ստուգեք, արդյո՞ք այդ սխալները թույլ չեք տալիս նաև դուք: Բարեբախտաբար, տարիների ընթացքում ինքնագնահատականը փոխվում է, և դրա վրա այժմ կարող եք ինքներդ էլ ազդել: Ի վերջո, եթե շրջապատող աշխարհը թշնամական բջիջ է թվում, ամենայն հավանականությամբ, պատճառը ինքնաընկալման մեջ է:
Սխալներ, որ թույլ են տալիս անինքնավստահ մարդիկ
Խուսափում է նոր ծանոթություններից
Մարդը սոցիալական էակ է: Սա նշանակում է, որ հասարակությունը կարևոր դեր է խաղում նրա անհատականության ձևավորման գործում: Հաճախ անինքնավստահությունն ու հաղորդակցման վախը բխում են ուրիշներին հասկանալու անկարողությունից: Եվ, անդրադառնալով անցյալի բացասական փորձերին, մարդը հրաժարվում է դուրս գալ իր պատյանից, նույնիսկ եթե շփման կարիք ունի: Բայց առանց ջրի մեջ նետվելու՝ հնարավոր չէ լողալ սովորել:
Մի խուսափեք մարդկանցից, այլ փորձեք բացվել աշխարհին առանց բացասական վերաբերմունքի: Այո-այո, ցույց տվեք ձեր իրական եսը: Ի վերջո, հաճախ ինքնավստահության պակասը մեզ ստիպում է ձևանալ, թե այնպիսին ենք, ինչպիսին իրականում չենք: Ոչ այլ ինչ, քան պաշտպանական մեխանիզմ:
Սպառվում է աշխատանքի ժամանակ
Ցածր ինքնագնահատական ունեցող անձը աշխատավայրում չափազանց անտեսանելի է, և երբեմն թվում է, որ նախաձեռնողականության պակաս ունի: Միևնույն ժամանակ, նա ի վիճակի չէ մերժել գործընկերներին իրենց խնդրանքներում, նույնիսկ եթե դրանք բեռ են նրա համար: Բայց անձամբ մեզ համար դա բացահայտում էր, որ աշխատասիրությունը և կարիերայով տարվածությունը կարող են նաև լինել անինքնավստահության նշաններ:
Նման մարդը փորձում է կայանալ իր մասնագիտական ոլորտում և պատրաստ է աշխատել առանց քնելու կամ հանգստանալու`գոհանալով միայն թեթև գովասանքներով: Ավելին, իր բոլոր տաղանդներով հանդերձ՝ նա հրաժարվում է ցանկացած նախաձեռնողականությունից, քանի որ վախենում է ձախողումից: Բայց իզուր:
Կախվածություն ունի կոֆեինից և քաղցրավենիքից
Ասա ինձ, թե ինչ ես ուտում, և ես կասեմ, թե ով ես դու: Սննդային սովորությունները շատ բան են ասում մարդու մասին: Երբևէ մտածե՞լ եք այն մասին, որ սնունդը կարող է ուղղակիորեն ազդել ինքներդ ձեզ ընկալելու վրա: Պարզվում է, որ դա իսկապես այդպես է: Եթե ձեր սննդակարգում կանոնավոր կերպով կա սուրճ և տորթեր, ապա տրամադրության փոփոխությունից խուսափել հնարավոր չէ: Մի կողմից, կոֆեինը և շոկոլադե ըմպելիքները կարող են օգնել բարձրացնել ձեր տրամադրությունը և հեռացնել տխրությունը, բայց մյուս կողմից, արյան մեջ շաքարի մակարդակի պարբերաբար փոփոխությունները հանգեցնում են թուլության և դյուրագրգռության:
Ուստի վնասակարության փոխարեն ավելի լավ է օգտագործել մեղր, ընկույզ և բնական թեյեր: Արդյունքը նույնն է, բայց օգուտները շատ ավելի մեծ են:
Մտնում է հեռախոսի մեջ, երբ ընկերների շրջապատում իրեն անհարմար է զգում
Հարմարավետության գոտուց դուրս գալը և ընկերների շրջապատում երեկո անցկացնելու համաձայնությունը միայն պայքարի կեսն է: Ի վերջո, երբեմն այնքան դժվար է զրույցի մեջ մտնելն ու զրույցը շարունակելը նույնքան բնական, որքան մյուսները: Հաճախ նման պահերին սմարթֆոնն օգնության է հասնում: Մարդը ամբողջ ուժով փորձում է ձևացնել, թե ինքը խանդավառությամբ շփվում է ինչ-որ մեկի հետ սոցիալական ցանցերում: Բայց իրականում նա պարզապես խուսափում է խմբի հետ շփվելուց:
Նույնիսկ եթե շրջապատում անծանոթ մարդիկ կան, հեռախոսը վայր դրեք և սկսեք լսել: Եթե սկսնակը լսում է ուրիշներին և հարցեր տալիս, նրանք ակամայից սկսում են համակրել նրան:
Երկար ժամանակ տատանվում է գնում կատարել
Երբ մարդու ինքնագնահատականը մոտ է զրոյի, նրան շատ ավելի շատ է մտահոգում ուրիշի կարծիքը նոր իրեր գնելիս, քան իր սեփականը: Այնուամենայնիվ, պարզվում է, որ հաճախ անինքնավստահ մարդիկ անխնա «խանութամոլներ են»:
Ազատորեն գնեք մի բան, ոչ թե այն պատճառով, որ ինչ-որ մեկը հավանություն է տվել, այլ այն պատճառով, որ այն ձեզ դուր է գալիս: Բացի այդ, չպետք է ձեռք բերել զգեստապահարանի իրեր`պայմանավորված այն փաստով, որ դրանք ինքնին գրավիչ են և լավ կամ վատ են նստում ուրիշների վրա:
Պարբերաբար անցնում է տարատեսակ թեստեր
Մինչ որոշ մարդիկ տարբեր առցանց թեստեր անցնելը ընկալում են որպես հաճելի ժամանց, անինքնավստահ մարդիկ ամեն ինչ չափազանց լուրջ են ընդունում: Հոգեբանական, ինտելեկտուալ և այլ հարցումների միջոցով ցածր ինքնագնահատական ունեցող մարդը փորձում է ճանաչել իրեն և որոշել իր տեղը աշխարհում: Եթե այս ոգևորությունը չափազանց մեծ է, ապա սա ակնհայտ վկայություն է այն բանի, որ ինքնաընկալումը խեղաթյուրված է:
Հիշեք, որ թեստի արդյունքների մասին կարող են դատել միայն հոգեբանները, այլ ոչ թե ինչ-որ գնահատման համակարգ: Իհարկե, թեստեր անցելու մեջ ոչ մի վատ բան չկա, բայց նման բաներին պետք է վերաբերվել որպես խաղի, ժամանցի, և ոչ թե որպես իսկապես արժեքավոր բանի:
Օրվա ընթացքում հարյուր անգամ փոխում է իր որոշումները
Իր հոգու խորքում անինքնավստահ մարդը ատում է տարբեր առաջարկների լայն շրջանակները, քանի որ որոշումների կայացման գործընթացը չափազանց էներգատար է: Ի վերջո, պետք է ապավինել ոչ միայն սեփական նախասիրություններին, այլ նաև հաշվի առնել ուրիշների կարծիքը: Արդյունքում, ցանկացած առօրյա մանրուք, լինի դա հանդերձանքի կամ օծանելիքի ընտրություն, այնքան շատ ժամանակ է պահանջում, որ արդյունքի հաճույքն ուղղակի հօդս է ցնդում:
Անընդհատ ուշանում է
Թվում է, որ պետք է ուշանան ավելի ինքնավստահ մարդիկ: Ի վերջո, նրանք այնքան են գնահատում իրենց, որ նույնիսկ չեն մտածում ուրիշների հարմարավետության մասին: Բայց ժամանակի հանդեպ անլուրջ վերաբերմունքը պարզապես բնութագրում է նրանց, ովքեր ցածր ինքնագնահատական ունեն: Բանն այն է, որ նրանք իրենց ներկայությունը ընկերական հանդիպումներին աննշան են համարում մյուսների համար: Բացի այդ, նրանք համոզված են, որ ոչ ոք չի էլ նկատի իրենց ուշացումը:
Մի կողմ դրեք բոլոր կասկածները և հավատացեք ձեր սեփական արժեքին և նշանակությանը: Այնուամենայնիվ, այս դեպքում ամենաարդյունավետ բուժումը կլինի ընկերների զայրացած զանգերն ու հաղորդագրությունները:
Դե ի՞նչ, հուսով ենք, որ մեր ցուցակի ոչ մի կետ չի համընկնում մեր ընթերցողների հետ:
Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:
