Երբ խոսում ենք ծովային աղետների մասին, բոլորը հիշում են «Տիտանիկը»։ Բայց քչերը գիտեն, որ Սև ծովի հատակին հանգչում է մի նավ, որի կործանումը խլեց 5 անգամ ավելի շատ կյանք, քան «Տիտանիկինը»։ Եվ ճակատագրի հեգնանքով՝ այդ նավի վրա գրված էր մեկ բառ՝ «ԱՐՄԵՆԻԱ»։
Չմոռանաք բաժանորդագրվել մեր Telegram ալիքին:
Սա պատմություն է, որը Խորհրդային Միությունը թաքցնում էր տասնյակ տարիներ։ Պատմություն 5000-ից ավելի անմեղ մարդկանց մասին, ովքեր զոհվեցին ընդամենը 4 րոպեում։
Լողացող հոսպիտալը՝ վերջին հույսը
1941 թվական, նոյեմբեր։ Երկրորդ համաշխարհային պատերազմ։ Գերմանական զորքերը մոտենում էին Ղրիմին։ Սևաստոպոլում և Յալթայում խուճապ էր։ Մարդկանց տարհանելու միակ ճանապարհը ծովն էր։
«Արմենիա» ջերմանավը ռազմանավ չէր։ Դա սանիտարական տրանսպորտ էր՝ լողացող հոսպիտալ, որի վրա կարմիր խաչեր էին նկարված։ Նրա խնդիրն էր փրկել վիրավորներին, բժիշկներին և կանանց։
Նոյեմբերի 6-ի գիշերը նավը լցվեց մինչև վերջ։ Նախատեսված 900 տեղի փոխարեն՝ նավի վրա բարձրացավ, ըստ տարբեր տվյալների, 5000-ից մինչև 7000 մարդ։ Մարդիկ կանգնած էին տախտակամածին՝ իրար կիպ կպած։ Սա նրանց փրկության միակ շանսն էր։
Ճակատագրական սխալը
Նավապետ Վլադիմիր Պլաուշևսկին փորձառու ծովագայլ էր։ Նա գիտեր, որ ցերեկով դուրս գալը մահացու է, քանի որ երկինքը վերահսկում էր գերմանական ավիացիան։ Նա ուզում էր շարժվել գիշերը։
Սակայն հրամանատարությունը հրահանգեց դուրս գալ առավոտյան։ Դա մահվան դատավճիռ էր։
1941 թ. նոյեմբերի 7-ին, առավոտյան ժամը 11:25-ին, «Արմենիա»-ն դուրս եկավ Յալթայից։ Ընդամենը կես ժամ անց երկնքում հայտնվեց գերմանական «Heinkel He 111» ռմբակոծիչը։
4 րոպե դժոխք
Գերմանական օդաչուն բաց թողեց երկու տորպեդ։ Մեկը վրիպեց։ Երկրորդը դիպավ ուղիղ նավի քթամասին։
Այն, ինչ տեղի ունեցավ հետո, սարսափեցնում է իր արագությամբ։ Հսկայական նավը՝ լեփ-լեցուն հազարավոր մարդկանցով, մեջտեղից կիսվեց և սկսեց սուզվել։
«Արմենիա»-ն ամբողջությամբ անցավ ջրի տակ ընդամենը 4 րոպեում։
Փրկվեց ընդամենը 8 մարդ։
Զոհվեց ավելի քան 5000-ը։
Համեմատության համար՝ «Տիտանիկը» սուզվել է 2 ժամ 40 րոպեում, և մարդիկ փրկվելու շանս ունեին։ Այստեղ շանս չկար։
Ինչու՞ ԽՍՀՄ-ը լռեց
Տասնյակ տարիներ այս աղետի մասին խոսելն արգելված էր։ Ինչու՞։ Որովհետև սա խորհրդային հրամանատարության խայտառակությունն էր։ Նավը թողել էին առանց պահակախմբի (էսկորտի), օրը ցերեկով։
Բացի այդ, ԽՍՀՄ-ը չէր սիրում ընդունել, որ թշնամին կարողացել է նման ջախջախիչ հարված հասցնել։ 5000 կյանքը դարձավ պետական գաղտնիք։
Կարդացեք նաև՝ 3 կմ անկում երկնքից, 11 օր ջունգլիներում. միակ ողջ մնացածի անհավանական պատմությունը
Գտնված հանգստություն
Տարիներ շարունակ արշավախմբերը, այդ թվում՝ «Տիտանիկը» հայտնաբերած Ռոբերտ Բալլարդը, փնտրում էին «Արմենիա»-ն, բայց չէին գտնում։
Միայն 2020 թվականին ռուսական աշխարհագրական ընկերությունը Սև ծովի հատակին՝ 1500 մետր խորության վրա, հայտնաբերեց նավը։ Ռոբոտը ֆիքսեց նավի զանգը, որի վրա հստակ գրված էր՝ «ԱՐՄԵՆԻԱ»։
Այսօր այդ նավը հանգչում է ծովի հատակին՝ որպես հավերժական գերեզման հազարավոր անմեղ հոգիների համար, ովքեր զոհվեցին մի նավի վրա, որը կրում էր մեր հայրենիքի անունը։
Գրանցվիր մեր 
