Մեզ բոլորիս հետաքրքրում է՝ ինչպիսին կլինի ապագան։ Բայց հատկապես կարևոր է հասկանալ, թե ինչպիսին կլինի ապագայի աշխատաշուկան։ Եթե հիմա դպրոցական կամ ուսանող եք, կամ էլ պարզապես ցանկանում եք փոխել մասնագիտությունը, ուրեմն ժամանակն է ուշադիր հետևել։ Այս հոդվածը ձեզ կօգնի հասկանալ՝ ինչ մասնագիտություններ են դառնալու ամենապահանջվածը 2025-2035 թվականներին։

Չմոռանաք բաժանորդագրվել մեր Telegram ալիքին:

1. Վիրտուալ իրականության դիզայներ

Վիրտուալ իրականությունը (VR) և ընդլայնված իրականությունը (AR) այլևս ֆանտաստիկ ֆիլմերի սյուժեներ չեն։ Դրանք արդեն մեր կյանքի մասն են։ VR դիզայներները կմշակեն վիրտուալ աշխարհներ, կրթական ծրագրեր և ժամանցային պրոդուկտներ, որոնք ամբողջությամբ կփոխեն մեր առօրյան։

2. Ռոբոտիկայի մասնագետ

Ռոբոտներն արդեն մտել են մեր կյանք՝ տնից մինչև հիվանդանոցներ և արդյունաբերական ձեռնարկություններ։ Ռոբոտների մասնագետները մշակելու և կառավարելու են ավտոմատ համակարգերը, ինչը դառնալու է առօրյայի անբաժանելի մասը։

3. Կլիմայական ինժեներ

Կլիմայական փոփոխությունը ներկայում արդեն խոշորագույն մարտահրավերներից է։ Կլիմայական ինժեներները աշխատելու են տեխնոլոգիաների վրա, որոնք թույլ կտան վերահսկել եղանակային պայմանները և նվազեցնել բնական աղետների ազդեցությունը։

4. Սննդի տեխնոլոգ

Աշխարհի բնակչության աճը սննդի նոր տեխնոլոգիաներ է պահանջում։ Սննդի տեխնոլոգները մշակելու են առողջ, անվտանգ և արդյունավետ սննդային արտադրանքներ, որոնք բավարարելու են մոլորակի բնակիչների կարիքները՝ առանց բնությունը վնասելու։

5. Բիոհեքինգի մասնագետ

Բիոհեքինգը, կամ մարդու օրգանիզմի «թարմացումը» տեխնոլոգիաներով, դառնում է թրենդային ուղղություն։ Բիոհեքինգի մասնագետները օգնելու են մարդկանց օպտիմալացնել առողջությունն ու կարողությունները՝ տեխնոլոգիաների և գիտական նորարարությունների օգնությամբ։

Կարդացեք նաև՝ 5 մասնագիտություն, որ շատ շուտով կարող են փոխարինվել ռոբոտներով: Ստուգեք կա՞ արդյոք ձեր մասնագիտությունը այդ ցուցակում

6. Տվյալների վերլուծաբան (Data Analyst)

Տվյալները նոր ոսկին են։ Դրանք վերլուծելու, մեկնաբանելու և արդյունավետ որոշումներ կայացնելու համար անհրաժեշտ են լինելու տվյալների վերլուծաբաններ, որոնք շատ պահանջված են լինելու ցանկացած ոլորտում՝ բիզնեսից մինչև առողջապահություն։

7. Էներգիայի վերականգնվող աղբյուրների ինժեներ

Վերականգնվող էներգիան այսօր էլ շատ ակտուալ է, բայց ապագայում այն դառնալու է էներգետիկայի միակ ընդունելի տարբերակը։ Այս ոլորտի մասնագետները մշակելու և սպասարկելու են էներգիայի նոր աղբյուրներ, որոնք կփրկեն մոլորակը էկոլոգիական աղետներից։

Ո՞րն ընտրել

Եթե ուզում եք ապագան դարձնել ձեր օգտին, ընտրեք այնպիսի մասնագիտություն, որը ոչ միայն պահանջված կլինի, այլև ձեզ հաճույք կպատճառի։ Մի՛ վախեցեք նորարարություններից․ հենց նոր գաղափարներն են աշխարհը դարձնում ավելի լավ տեղ ապրելու համար։