Ամուսնանալու 9 պատճառ

Իմացեք, թե որոնք են պաշտոնապես ամուսնանալու 9 պատճառները, որոնք ոչ մի ընդհանրություն չունեն կրոնի կամ ավանդույթների հետ:

1. ԴՈՒՔ ԼՈՒՐՋ ՊԱՐՏԱՎՈՐՈՒԹՅՈՒՆՆԵՐ ԵՔ ՍՏԱՆՁՆՈՒՄ

Երբ պաշտոնապես ձեւակերպում եք հարաբերությունները, ձեր կյանքում որակապես նոր փուլ է սկսվում: Նույնիսկ նրանք, ովքեր ծնվել են ընտանիքներում, որտեղ ամուսնությունն անհաջող ավարտ է ունեցել, կշահեն հարսանիքից` զգալով հարաբերությունների լրջությունը:

2. ԱՄՈՒՍՆՈՒԹՅՈՒՆԸ ԿԱՐՈՂ Է ԼԻՆԵԼ ԱՅՆ, ԻՆՉ ՁԵԶ ՊԵՏՔ Է

Մարդկանց մեծամասնությունը, որոնք անտեսում են ամուսնությունը եւ չեն ցանկանում գրանցել իրենց հարաբերությունները, մոռանում են, որ հենց իրենք սեփական հայեցողությամբ ընտանիք են ստեղծում: Դուք օրինական երաշխիքներ եք ստանում, սակայն ամուսնության հուզական մասը ձեւավորվում է ձեր եւ ձեր զուգընկերոջ միջեւ փոխզիջումից: Կարեւորը, որ ամուսնությունը համապատասխանի հենց ամուսիններին, ոչ թե շրջապատող մարդկանց, եւ մոռացեք բոլոր ավանդույթների մասին:

3. ԴՈՒՔ ԱՎԵԼԻ ՇԱՏ ԿԱՇԽԱՏԵՔ ՀԱՐԱԲԵՐՈՒԹՅՈՒՆՆԵՐԻ ՎՐԱ

Շատ հարաբերություններում ամուսնությունը երկու զուգընկերոջն էլ որոշակի անվտանգություն է տալիս: Այն երաշխավորում է, որ դուք կնախընտրեք լրացուցիչ ջանքեր գործադրել հարաբերությունների պահպանման համար, մինչեւ որոշեք բաժանվել: Ամուսնալուծությունը հեշտ գործ չէ, դրա համար էլ անձնագրում կնիքը երաշխավորում է, որ հարաբերությունները երկու զուգընկերոջ համար էլ ավելի թանկ կլինեն:

4.ԱՄՈՒՍՆՈՒԹՅՈՒՆԸ ՖԻՆԱՆՍԱԿԱՆ ԱՆՎՏԱՆԳՈՒԹՅՈՒՆ Է ԱՊԱՀՈՎՈՒՄ

Հարկային արտոնություններն ամուսնանալու հրաշալի առիթ են, իհարկե եթե սիրահարված եք: Նույնիսկ եթե զուգընկերոջ հետ երջանիկ եք քաղաքացիական ամուսնության մեջ, հարաբերությունների գրանցումը երկուսիդ էլ վաղվա հանդեպ ավելի մեծ վստահություն կբերի: Արտոնություններ գոյություն ունեն երիտասարդ, բազմազավակ ընտանիքների համար: Իսկ ամուսնալուծության դեպքում կարելի է ալիմենտի հավակնել:

5. ԴՈՒՔ ՈՉԻՆՉ ՉԵՔ ԿՈՐՑՆՈՒՄ

Եթե կարծում եք, որ ամուսնության պատճառով ստիպված եք լինելու զոհաբերել ձեր ազատությունը, նորից ընթերցեք այն կետը, որն ասում է, որ ամուսնությունը կլինի այնպիսին, որպիսին այն ուզում են տեսնել ամուսինները: Եթե ձեր զուգընկերը ձեզանից ավելին է պահանջում, քան ուզում եք տալ, ամուսնության գրանցումը չի բարելավի եւ չի վատացնի իրավիճակը: Հենց այնպես հեռանալու կորսված հնարավորությունը սգալու փոխարեն, փորձեք դրան նայել որպես լրացուցիչ ժամանակի` արագ որոշումը փոխելու համար:

6. ԴՈՒՔ ԼԱՎ ՕՐԻՆԱԿ ԵՔ ԾԱՌԱՅՈՒՄ ԵՐԵԽԱՆԵՐԻՆ

Եթե երեխաներ ունեք կամ պատրաստվում եք ունենալ, ձեր հարաբերությունները գրանցելով` նրանց համար ընտանեկան արժեքների եւ պատասխանատվության հրաշալի օրինակ կծառայեք:

7. ԱՄՈՒՍՆՈՒԹՅՈՒՆԸ ԵՐԿԱՐԱՑՆՈՒՄ Է ԿՅԱՆՔԸ

Գիտե՞ք, որ ամուսնացած մարդիկ ավելի երկար են ապրում: Վաղվա օրվա հանդեպ վստահությունից բացի, որ ընտանիքը տալիս է մարդուն, գոյություն ունեն նաեւ այդ երեւույթի զուտ բժշկական պատճառներ: Ամուսիններն իրար ավելի հաճախ են ստիպում բժշկի դիմել հիվանդության առաջին նշանների դեպքում, ինչն էականորեն բարելավում է առողջությունը:

8. ԱՄԲՈՂՋ ԸՆՏԱՆԻՔՈՎ ՀԱՎԱՔՎԵԼՈՒ ՊԱՏՃԱՌ

Եթե ձեզ դեռ լրացուցիչ պատճառներ են անհրաժեշտ ամուսնանալու համար, ահա ձեզ եւս մեկը: Հարսանիքը կարող է կախարդական պահ դառնալ, երբ ձեզ համար կարեւոր բոլոր մարդիկ կհավաքվեն մի տեղում սիրելի մարդու հետ ձեր միությունը տոնելու:

9. ՀՊԱՐՏՈՒԹՅՈՒՆ ՁԵՌՔԲԵՐՄԱՆ ՀԱՄԱՐ

Ամուսնությունը հարաբերությունների կարեւոր փուլ է, որը հուզական կայունության զգացողություն է բերում: Սովորաբար դա ուղեկցվում է կարեւոր մի բան արած լինելու համար հպարտության զգացմամբ: Այդ քայլից հետո կփոխվի շրջապատի վերաբերմունքը ձեզ եւ ձեր ամուսնուն կամ կնոջը:


Загрузка…

կարդացեք նաև

ԹԵՍՏ․ Ստուգեք Ձեր բազմակողմանի զարգացվածությունը

Mediamag-ը սիրով իր ընթերցողների համար պատրաստել է ընդհանուր գիտելիքները ստուգող հերթական ինտելեկտուալ թեստը: Ի՞նչ եք կարծում, կկարողանա՞ք պատասխանել բոլոր հարցերին․ Գրանցվիր մեր Telegram ալիքին։ Ուղարկում ենք միայն...

Հմայիչ լինելու հնարքներ, որ պետք է իմանան բոլոր կանայք

Կանայք ամեն բան անում են գեղեցիկ ու հմայիչ լինելու համար, երբեմն, նույնիսկ չափն անցնում են։ Այս խորհուրդները կօգնեն մշտապես խնամված ու գրավիչ տեսք ունենալ և...

10 անցք, որոնցով արտահոսում են Ձեր ուժերը

Արևելյան բժշկության մեջ մեծ ուշադրություն են դարձնում ոչ միայն ֆիզիկական, այլև հոգևոր առողջությանը։ Վերջինս մի շարք հիվանդությունների պատճառ կարող է դառնալ։ Ուստի, հոգևոր առողջության...

3 Կենդանակերպի նշան, որոնց սիրահարվում են բոլոր տղամարդիկ՝ առանց բացառության

Կան կանայք, որոնց համար խելագարվում են գրեթե բոլոր տղամարդիկ: Հանուն նրանց տղամարդիկ պատրաստ են փոխվել, սարեր շուռ տալ և կատարել նրանց բոլոր ցանկությունները: Հոգեբանները...