Նույնիսկ նրանք, ովքեր չեն հավատում աստղագուշակներին, կհամաձայնեն, որ կենդանակերպի նույն նշանի ներկայացուցիչներն ունեն ընդհանուր բնավորության գծեր։ Օրինակ, շատերը գիտեն, որ Խոյերն ու Առյուծներն իրենց բնույթով առաջնորդներ են, ովքե՞ր են նրանց հակապոդները՝ անվստահ և թերագնահատող իրենց։ Աստղաբանները կարծում են, որ նման երեք նշաններ կան.

1. Խեցգետին

Զգայուն և միևնույն ժամանակ բավականին համառ Խեցգետինները էմոցիոնալ են, սակայն նրանք նույնպես երբեմն թաքցնում են իրենց զգացմունքները։ Հատկապես այն պահերին, երբ իրենց անվստահ են զգում։ Նրանք սովոր չեն հույս դնել ուրիշի օգնության վրա, սակայն ինտուիցիան երբեմն դավաճանում է նրանց։

Խեցգետիններն ամեն ինչ սրտին մոտ են ընդունում, մասնավորաբար՝ քննադատությունը։ Անգամ պատահաբար ասված կոպիտ բառը ստիպում է նրանց մտածել, թե ինչ սխալ են արել և ներսից սկսում են «կրծել» իրենց: Նրանց տանջում է մեղքի զգացումը ցանկացած պատճառով՝ չկարողանալով ապավինել սեփական ներքին ուժերին: Եվ շատ իզուր, քանի որ այս նշանի ներկայացուցիչների մեջ հաճախ հանդիպում են իմաստուն և հարմարվող մարդիկ, ովքեր կարող են դառնալ լավ ընկեր և վստահելի զուգընկեր։

2. Կույս

Կույսը ինքնաքննադատության էտալոնն է։ Նրանք այնքան խիստ են իրենց նկատմամբ, որ կարծում են, որ շրջապատի մյուս մարդիկ իրենց նկատմամբ նույն բարձր պահանջներն ունեն։ Իդեալի անընդհատ ձգտումը վնասում է նրանց ինքնագնահատականը։ Արդյունքում Կույսերը դառնում են անվստահ և փորձում են հավանություն գտնել, ինչը, ըստ էության, նրանց ամենևին էլ պետք չէ։

Կարդացեք նաև՝ Կենդանակերպի յուրաքանչյուր նշանի թույլ կողմերը

Այս նշանի ներկայացուցիչները հակված չեն հենվել իրենց բնազդների վրա և խստորեն պատժում են իրենց ամենաչնչին անկատարության ու սխալների համար։ Նրանք չեն սիրում ստել, շողոքորթել և հիմար տեսք ունենալ, նրանք շատ հեշտությամբ ամաչում են։ Կույսե՛ր, ժամանակն է մի քիչ կանգ առնելու: Դուք խելացի եք, խելամիտ, ազնիվ և շրջահայաց. ձեզ հարկավոր չէ վատ հետևանքներ տեսնել ձեր կատարած յուրաքանչյուր գործողության մեջ:

3. Ձկներ

Փխրուն և պաշտպանության կարիք ունեցող Ձկները նախընտրում են միայնությունը ոչ այն պատճառով, որ մռայլ են: Նրանք չեն սիրում իրարանցում, տեսարաններ և հեշտությամբ են ենթարկվում ազդեցությանը, ուստի երբեմն դիտավորյալ իրենց սոցիալական շփումները սահմանափակում են անհրաժեշտ նվազագույնի, թեև մարդկանց հետ լավ են շփվում։

Այս նշանի ներկայացուցիչների անվստահությունը ծնում է վախ, որ նրանք կմնան չհասկացված կամ չպահանջված, իսկ ստեղծագործ բնույթի համար սա աղետ է։ Ձկներ, դուք աներևակայելի տաղանդավոր և զգայուն եք, մի ամաչեք այս հատկանիշներից։ Ի վերջո, ձեր շնորհիվ է, որ այս աշխարհը դառնում է ավելի բազմազան ու խաղում բոլորովին այլ, երազկոտ գույներով։

Ինքնավստահությունը մարդու մեջ դաստիարակվում է մանկուց։ Պարտադրված կարծրատիպերը, ուրիշների կարծիքներին համապատասխանելու սովորությունը, հաճոյանալու ցանկությունը երբեմն ստիպում են սեփական շահերը հետին պլան մղել։