Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Հետաքրքիր պատմություններ ամենա-ամենա ադամանդների մասին

Հետաքրքիր պատմություններ ամենա-ամենա ադամանդների մասին

Ձեզ ենք ներկայացնում մի քանի հետաքրքրիր պատմություն ադամանդների մասին.

Ամենապատմական «Կոխինոր»-ի  ադամանդը

Այս քարի պատմությունը ամենահինն է. այն ոչ հարյուր, ոչ երկու հարյուր, ոչ էլ հինգ հարյուր տարեկան է: Այն քսան դարերի պատմություն ունի: Առասպելին համաձայն՝ այդ սպիտակ ադամանդի առաջին սեփականատերն է եղել Հնդկաստանում՝ Յամունա գետի ափին գտնված մանուկը, ում ճակատին շողշողացել է 600 կարատի քաշով ադամանդը: Մանուկը Արևի աստծո ոդին էր՝ Կարնան:Քարի մասին առաջին գրավոր վկայությունները հայտնվել են 14-րդ դարում, որոնց համաձայն այն պատկանել է Մալվայի ռաջային, իսկ որոշ ժամանակ անց հայտնվել է Մեծ Մոգոլների գանձարանում և զարդարել Թաջ Մահալի նախաձեռնող Շահ Ջահանի գահը: Դժբախտ պատահարների մի ողջ շարանից հետո ադամանդը հայտնվել է Անգլիայում 1851 թվականին, որտեղ այն հանձնվել է Վիկտորիա թագուհուն, ում հրամանով քարը մշակվել է և 186 կարատից դարձել 108,93-կարատանոց ադամանդ: Ներկայումս «Կոխինորը» զետեղված է Թագավորական պետական թագում և պահպանվում է լոնդոնյան Թաուերում:

Ամենախոշոր  «Կուլլինան»-ի  ադամանդը

Այս քարը հայտնաբերվել է 1905 թվականին՝ բրիտանական Տրանսվաալ գաղութում (ներկայումս Հարավ-Աֆրիկյան Հանրապետության տարածքում): Դեռևս մշակվելուց առաջ ալմաստի քաշը կազմել է 3106 կարատ: Անգլո-բուրերի պատերազմից հետո Տրանսվաալյան Հանրապետության կառավարությունը այն նվիրել է Անգլիայի թագավոր Էդուարդ VII-ին ի նշան հաշտության: 1908 թվականին ալմաստը մասերի է բաժանվել հայտնի ամստերդամյան ոսկերիչների՝ Ասկոր եղբայրների կողմից: Աշխտանքի ավարտից հետո ալմաստը վերածվել է երկու խոշոր, յոթ միջին և իննսունվեց մանր մաքրագույն ադամանդների: Նրանցից ամենախոշորը՝ «Աֆրիկայի աստղ» կամ «Կուլլինան I» ադամանդի քաշը կազմում է 530,2 կարատ և իրենով է զարդարում Մեծ Բրիտանիայի թագավորական գայիսոնը, իսկ երկրորդ խոշորագույնի՝ «Կուլլինան II»-ի քաշը կազմում է 317,4 և զետեղված է բրիտանական թագի մեջ:

Ամենառոմանտիկ «Օրլովը»-ի ադամանդը

Այն Ռուսաստանի Ալմաստե Հիմնադրամի խոշորագույն ադամանդն է: Այդ թանկարժեք քարի քաշը կազմում է 199,6 կարատ: Համաձայն առասպելին՝ այդ քարը զետեղված է եղել Բրահմա աստծո քանդակում Մադրասում, իսկ այնուհետև առևանգվել է ֆրանսիացի զինվորականի կողմից: 1768 թվականին քարը հայտնվել է Ամստերդամում, որտեղ այն գնել է հանրահայտ ռուսաստանյան կոմս Օրլովը, ով այն նվիրել է իր թագակիր սիրեցյալին՝ Եկատերինա II-ին: Քարը զետեղվել է արծաթե շրջանակի մեջ և փակցվել է Ռուսաստանի թագավորական գայիսոնի վերևի հատվածում:

Հրապարակման ներկայացրեց՝ Ջուլիետտա Մանուկյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]

Հրապարակիր քո նյութը


Загрузка…

կարդացեք նաև

ԹԵՍՏ․ Ստուգեք Ձեր բազմակողմանի զարգացվածությունը

Mediamag-ը սիրով իր ընթերցողների համար պատրաստել է ընդհանուր գիտելիքները ստուգող հերթական ինտելեկտուալ թեստը: Ի՞նչ եք կարծում, կկարողանա՞ք պատասխանել բոլոր հարցերին․ Գրանցվիր մեր Telegram ալիքին։ Ուղարկում ենք միայն...

Հմայիչ լինելու հնարքներ, որ պետք է իմանան բոլոր կանայք

Կանայք ամեն բան անում են գեղեցիկ ու հմայիչ լինելու համար, երբեմն, նույնիսկ չափն անցնում են։ Այս խորհուրդները կօգնեն մշտապես խնամված ու գրավիչ տեսք ունենալ և...

10 անցք, որոնցով արտահոսում են Ձեր ուժերը

Արևելյան բժշկության մեջ մեծ ուշադրություն են դարձնում ոչ միայն ֆիզիկական, այլև հոգևոր առողջությանը։ Վերջինս մի շարք հիվանդությունների պատճառ կարող է դառնալ։ Ուստի, հոգևոր առողջության...

3 Կենդանակերպի նշան, որոնց սիրահարվում են բոլոր տղամարդիկ՝ առանց բացառության

Կան կանայք, որոնց համար խելագարվում են գրեթե բոլոր տղամարդիկ: Հանուն նրանց տղամարդիկ պատրաստ են փոխվել, սարեր շուռ տալ և կատարել նրանց բոլոր ցանկությունները: Հոգեբանները...