Ոչ ոք չի ուզում հրաժարվել այն ամենից, ինչին ձգտել է տարիներ շարունակ: Ոչ ոք չի ցանկանում հեռանալ այն մարդուց, որի հետ վաղուց է պատկերացնում իր ապագան: Ոչ ոք չի ցանկանում ընդունել պարտությունը: Վաղ թե ուշ կյանքը սկսում է խոչընդոտներ առաջ բերել մեզ համար: Եվ դրանում ոչ մի վատ բան չկա: Կյանքի դժվարությունները օգնում են մեզ աճել և զարգանալ: Կենսակերպը փոխելը հեշտ չէ, դա վախեցնող է, բայց երբեմն այլ տարբերակ չկա: Ահա 4 նշան, որ ձեզ անհրաժեշտ է հիմնավորապես փոխել ձեր կյանքը:
1. Դուք չեք կարող հիշել, թե երբ եք վերջին անգամ երջանիկ զգացել
Վերջին անգամ ե՞րբ եք իրական երջանկություն ապրել: Թե՞ ամեն օր արթնանում եք և հետևում սովորական դարձած առօրյային, որը ոչ մի հաճույք չի պատճառում: Դուք անում եք ամեն ինչ, որ պարզապես մի օր էլ դիմանաք, դիմանաք մինչև աշխատանքային հերթափոխի ավարտը:
Դուք արժանի եք երջանիկ լինելու: Եթե ձեր կյանքի ներկայիս հանգամանքները չեն նպաստում դրան, ընդունեք, որ դուք պետք է ինչ-որ բան փոխեք: Սա ավելի լավ կյանքի առաջին քայլն է, արա այն:
2. Քո ներսում կայծ չկա
Նայեք ձեր արտացոլմանը: Ինչպիսի՞ մարդ եք տեսնում: Կրակ կա՞ նրա աչքերում: Թե՞ նա վաղուց կորցրել է հետաքրքրությունը տեղի ունեցող ամեն ինչի նկատմամբ: Ի՞նչ եք զգում, երբ ձեր սիրելին դիպչում է ձեզ: Ի՞նչ հույզեր է առաջացնում աշխատանքի մեջ նոր նախագծի սկիզբը: Կիրքը կյանքի կարևոր մասն է: Առանց դրա մենք սկսում ենք կորցնել ինքներս մեզ: Մենք սկսում ենք մոռանալ մեր երազանքների մասին, մոռանալ այն մասին, թե ինչի համար ենք ապրում և աշխատում:
Եթե դուք ոգեշնչված չեք ձեր աշխատանքից, մարդուց, ում հետ հարաբերություններ եք կառուցում կամ ձեր բնակության վայրից. գուցե անհրաժե՞շտ է ինչ-որ բան փոխել:
3. Դուք անում եք ամեն հնարավորը, բայց դեռ զգում եք, որ ինչ-որ բան այն չէ
Լսեք ձեր ներքին ձայնին: Նա ամենալավը գիտի այն, ինչ ձեզ հարկավոր է: Այն սրտխառնոց առաջացնող զգացողությունը, որը դուք ունենում եք ձեր սովորական գործերն անելիս, առանց պատճառ չէ: Շատերի կյանքում գալիս է մի պահի, երբ թվում է, որ բոլոր գործողությունները սխալ են: Դուք կարող եք ձեզ ձախողված զգալ, ձեզ կթվա, որ մյուսները հիասթափված են ձեզանից: Դուք կմտահոգվեք, որ այլևս երբեք չեք սիրահարվի, այլևս այլ աշխատանք չեք գտնի: Դուք կփորձեք ինքներդ ձեզ համոզել, որ ներկա իրավիճակն ամենալավն է, ինչ կարող եք ունենալ:
Մի կառչեք այն բանից, ինչը ձեզ ցավ է պատճառում: Թողեք վախը, որ երբեք ավելի լավ բան չեք ունենա: Փոփոխությունը կարող է վախեցնել, բայց ավելի լավ է, քան մնալ այնպիսի հանգամանքներում, որոնք ստիպում են, որ ձեզ անարժեք զգաք:
Դադարեցրեք ջանք գործադրել այնպիսի հարաբերությունների վրա, որոնք միայն ձեզ են պետք: Մի ներդրեք ձեզ ամբողջությամբ գործի մեջ, եթե ձեր աշխատանքը ոչ մի կերպ չի գնահատվում: Առաջ շարժվելն ամոթ չէ: Գիտակցեք ձեր արժեքը:
4. Դուք ֆիզիկապես և էմոցիոնալ առումով ուժասպառ եք
Մի ակնկալեք, որ կկարողանաք անցնել ձեր ամբողջ կյանքն առանց հոգնածության: Արտաժամյա աշխատանքը, սթրեսը, չնախատեսված խնդիրները անխուսափելի են: Այնուամենայնիվ, դա չի նշանակում, որ դուք ստիպված եք անընդհատ զգալ ֆիզիկական և էմոցիոնալ ուժասպառություն:
Դուք լավ չեք քնում, օրվա ընթացքում չեք կարողանում կենտրոնանալ աշխատանքի վրա, անընդհատ ներքին լարվածություն եք զգում: Եթե դուք էմոցիոնալ անկման եզրին եք և չեք կարող նույնիսկ հիշել, թե ինչ է զգալ հանգստություն և հանգստացած, ապա պետք է վերագնահատեք ձեր կյանքի ներկա իրավիճակը:
Նստեք և մտածեք այն ամենի մասին, ինչը ձեզ ստիպում է այդքան վատ զգալ: Տեսնո՞ւմ եք սրա վերջը: Արժե՞ արդյոք այն, հանուն ինչի դուք այդքան ջանք եք թափում: Դուք չեք կարող երկար ապրել այդպիսի ռեժիմում: Խնայեք ձեզ. հոգ տարեք ձեր առողջության մասին: Կյանքում կանոններ չկան: Դուք պարտավոր չեք հետևել այն ճանապարհին, որը ժամանակին ընտրել եք: Եթե գիտակցում եք, որ ամեն ինչ չի ընթանում ձեր ուզածով, ազատորեն փոխեք ուղղությունը: Մի անտեսեք այն նշանները, որոնք հայտնվում են ձեր կյանքում:
Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:
