Ձեզ ենք ներկայացնում բնավորության 5 գիծ, որոնք բնութագրվում են որպես թուլություն, սակայն որոնցով դուք պետք է հպարտանաք:
Զիջողականություն
Զիջող մարդկանց նախապես դասում են թույլ մարդկանց շարքին: Սակայն այդ որոշումը ոչ միշտ է, որ ճիշտ է: Որովհետև զիջողականությունը կարող է ոչ միայն թուլության նշան լինել, այլ նաև կարող է իմաստության նշան լինել: Երբեմն զիջողականությունը խելամտության և տարրական բարեկրթության նշան է:
Անհիշաչարություն
Անհիշաչար մարդկանց երբեմն անվանում են «փալաս»: Ցավոք, շատերը չեն հասկանում, թե ինչպես կարելի է վիճել մարդու հետ, վիրավորել նրան, ընդունել վիրավորանքներ սեփական հասցեին, իսկ 10 րոպեից այդ նույն մարդու հետ սուրճ ըմպել և խոսել հանգստյալ օրերի պլանների մասին: Իրականում անհիշաչարությունն օգնում է ավելի պարզ ապրելուն: Դա լավ է, երբ ներսումդ չես կուտակում վիրավորվածությունդ: Վրեժ չփնտրելը՝ նույնպես շատ լավ է: Այդ պատճառով, անհիշաչարությունը մի համարեք բացասական գիծ, այն ավելի շուտ վկայում է մարդու բնավորության թեթևության և առաքինության մասին:
Խոցելիություն
Ցավոք, բայց խոցելիությունը՝ թուլության վառ նշան է: Սակայն դրա հետ մեկտեղ՝ անհատական յուրահատկություն է, հոգու և գիտակցության խորություն: Այդպիսի մտածելակերպով մարդիկ միշտ փորձում են հասկանալ շրջապատին: Նրանք դրա վրա հսկայական ուժ և ժամանակ են ծախսում: Եվ իհարկե, էներգիայի այդպիսի ծախսը դժվար թե կարողանան իրենց թույլ տալ թույլ մարդիկ: Ի դեպ, խոցելի մարդիկ բոլորից շատ են ունակ կարեկցելու և ներելու: Դա նույնպես ուժեղ անձի հատկանիշ է:
Ամաչկոտություն
Ամաչկոտ մարդկանց հաճախ համարում են անվճռական, փակ և չշփվող: Եվ հաճախ այդպես էլ լինում է: Սակայն ամաչկոտության և պարփակվածության պատճառները տարբեր են լինում և ոչ միշտ են դրանք բացասական: Իրականում շատ ամաչկոտ մարդիկ կյանքում ոչ միայն ուժեղ են, այլ նաև ինտելիգենտ են: Նրանք պատկանում են այն մարդկանց շարքին, ովքեր կարողանում են լսել, գիտեն ինչպես աջակցել և ինչով օգնել: Բացի դրանից, ամաչկոտությունը նաև կաշառում է: Եվ դա ապացուցված է:
Շիտակություն
Այս գիծը անկասկած պատկանում է ուժեղ և կամային մարդկանց: Այն շատ է գնահատվում հասարակության կողմից: Սակայն պրոբլեմը ավելի շուտ նրանում է, որ շիտակությունը շատ հաճախ «սահմանակից է» անտակտության հետ: Իսկ դա արդեն թուլություն է: Չէ՞ որ անտակտ մարդիկ հաճախ են հայտնվում քննադատության տարափի տակ: Իսկ շիտակ մարդիկ, չնայած պակաս ճկունության, ավելի քիչ են դառնում քննադատության առարկա: Բացի դրանից, նրանք բավականաչափ ուժեղ են, որպեսզի պատասխանատվություն կրեն սեփական խոսքերի համար: Այս մարդիկ չեն խորամանկում, չեն թաքցնում ճշմարտությունը, չեն փորձում արդարանալ: Եվ շատ հաճախ բնավորության այսպիսի գծի համար այս մարդիկ մնում են միայնակ:
Գրանցվիր մեր 
