Կարծում եք արդեն գտե՞լ եք ձեր մարդուն։ Ահա 9 հարց, որոնց պետք է պատասխանել, որպեսզի դրանում կարողանաք վերջնական համոզված լինել։

Կյանքը կարճ է թվում, երբ երջանիկ եք, առողջ եք, գնում եք ձեր երազանքով և ձեր մարդու հետ։ Բայց եթե դուք երջանիկ չեք հարաբերություններում կամ ուղղակի ոչ ճիշտ մարդու հետ եք՝ կյանքը կարող է չափազանց տաղտկալի և երկար թվալ։ Ճիշտ մարդու հետ կարող եք հաղթահարել յուրաքանչյուր դժվարություն, իսկ սխալ մարդու հետ՝ այդ դժվարություններըտ կարող են չափազանց երկար ու անլուծելի թվալ։

1. Դուք վստահո՞ւմ եք մեկմեկու

Սա ամենակարևորն է։ Եթե դուք ամբողջությամբ չեք վստահում միմյանց, ապա կարող եք հավաքել ճամպրուկը։ Որովհետև հետոն հեշտ չի լինելու։ Հետո ավելի դժվար է լինելու։ Եվ եթե հիմա չեք կարողանում ամբողջությամբ վստահել… դուք պետք է ազնիվ լինեք միմյանց հանդեպ՝ թեկուզ հարգանքից ելնելով։

2. Ձեր ապրելակերպերը նմա՞ն են

Դուք սիրում եք նստել տանը, իսկ ձեր զուգընկերը սիրում է ակտիվ հանգի՞ստ։ Դուք գերադասում եք ծով, իսկ նա լեռնե՞ր։ Դա ծայրահեղ չէ, եթե դուք ունեք տարբեր ապրելակերպեր, բայց դուք պետք է հաշվի առնեք դա ապագայի համար։

3. Դուք սովորո՞ւմ եք միմյանցից

Կյանքը՝ մեծ ճանապարհորդություն է, որի ընթացքում մենք շատ բան ենք սովորում։ Ձեր զուգընկերը պարտադիր չէ, որ պրոֆեսոր լինի, որպեսզի բացի ձեր աչքերը ինչ-որ առումներով կամ սովորեցնի նոր կերակրատեսակ պատրաստել։ Ուղղակի պատրաստ եղեք սովորել՝ դա կհարստացնի և՛ ձեզ, և՛ ձեր հարաբերությունները։

4. Նմա՞ն են ձեր վերաբերմունքը ֆինանսների հանդեպ

Ասում են վերաբերմունքը ֆինանսներին և կրոնին՝ երկու հիմնական ֆակտորներն են զույգերի միասնության։ Եթե դուք տնտեսող եք, իսկ ձեր զուգընկերը սիրում է ծախսել՝ դա կարևոր պահ է։ Դա տաբու չէ հարաբերությունների համար, ուղղակի դուք չպետք է ունենաք ծայրահեղ տարբեր հայացքներ ֆինանսների առումով և պետք է կարողանաք հասկանալ մեկմեկու։

5. Դուք ծիծաղո՞ւմ եք միասին

Լավ հումորի զգացումը կարող է լավ փրկիչ հանդիսանալ մեր դժվար կյանքում։ Շատ զույգեր նշում են, որ հենց դա է նրանց օգնել պահպանել ամուսնությունը։

6. Դուք ցանկանո՞ւմ եք նույն բանը

Դուք քննարկե՞լ եք ապագա պլանները։ Դրանք պետք է համընկնեն, ոչ ոք չպետք է գնա մեծ զոհողությունների և փոխզիջումների հանուն մյուսի։

7.  Ձեզ հե՞շտ է միասին

Հաճախ ֆիլմերում և գրքերում մեզ ցուցադրում են դրամատիկ հարաբերություններ բազմաթիվ պրոբլեմներով և դժվարություններով։ Եվ մենք կարող է մտածենք, որ հենց այդպես էլ պետք է լինի։ Բայց իրականում՝ ոչ։ Իրականում դա նշան է, որ պետք է հեռանալ։ Ճիշտ մարդու հետ ձեզ համար հեշտ կլինի։

8. Դուք համակերպվե՞լ եք միմյանց ծնողների և ընկերների հետ

Պարտադիր չէ նրանց հետ լինել լավագույն ընկերներ, բայց ոչ մի լավ բան չի կարող լինել, եթե ձեր ընկերներն ու ընտանիքը բոլորովին չեն ընդունում ձեր ընտրյալին։

9. Դուք սիրո՞ւմ եք մարդուն այնպիսին՝ ինչպիսին որ նա կա

Մարդիկ չեն փոխվում։ Ավելի ճիշտ փոխվում են, բայց եթե իրենք են ցանկանում։ Եթե սիրում եք ձեր կեսին, բայց ցանկանում եք, որպեսզի նա ավելի լավը, ավելի խելացի, ավելի գեղեցիկ դառնա՝ ապա ձեր դժգոհությունը ժամանակի ընթացքում միայն կաճի։