Այս խաբկանք նկարը իր Twitter-յան էջում է տեղադրել խաղեր մշակող Ուիլ Կերսլեյքը։ Մեկ օրից էլ քիչ ժամանակահատվածում նրա գրառումը հավաքեց ավելի քան 13 հազար ռեթվիթ։

Պետք է նշել, որ օրիգինալ նկարը հրապարակվել է դեռևս 2000թ. Perception ամսագրում։

Այս օպտիկական խաբկանքի իմաստը կայանում է նրանում, որ մարդկանց մեծ մասը ունակ չէ միաժամանակ տարբերել բոլոր 12 սև կետերը, որոնք տեղադրված են ուղիղների հատման կետում։

Եվս մեկ անգամ դիտեք նկարը։ Քանի՞ կետ տեսաք։ Մեկ կե՞տ, որը անընդհատ այս և այն կողմ է շարժվում, թե՞ մի քանի։

Առաջին հերթին դա կապված է պերիֆիրիկ տեսողության հետ։ Ուղեղը ինքնուրույն լրացնում է պատկերը, ելնելով նրա մասին ընդհանուր պատկերացումից։ Հենց այդ պատճառով էլ այն չի թողնում մարդուն տեսնել բոլոր կետերը այն պահին, երբ մարդու ուշադրությունը կենտրոնացած է դրանցից մեկի վրա։

Միաժամանակ քանի՞ կետ տեսաք։