Մի քանի ասույթներ գերմանացի հանրահայտ փիլիսոփա Ֆրիդրիխ Նիցշեից.

Շփվելով գիտնականների ու արվեստագետների հետ՝ քո հաշվարկներում հեշտությամբ սխալվում ես հակառակ ուղղությամբ։ Հաճախ է պատահում, որ նշանավոր գիտնականի մեջ գտնում ես միջակ մարդու, և միջակ արվեստագետի մեջ շատ հաճախ՝ չափազանց նշանավոր մի մարդու:

Ոչ թե ուժը, այլ բարձրագույն զգացումների տևականությունն է ստեղծում բարձրագույն մարդկանց:

Մարդու ազնվության աստիճանն ու տեսակը հասնում է մինչև նրա ոգու գագաթը:

Ո՞վ ստիպված չի եղել թեկուզ մի անգամ ինքն իրեն զոհել իր բարի համբավի համար:

Մեր սնափառությունը հենց այն ժամանակ է ամենադժվարը խոցելը, երբ խոցվում է մեր հպարտությունը:

Ով պայքարում է հրեշների դեմ, թող զգուշանա, որ դրանով ինքը հրեշ չդառնա: Եվ երբ դու երկար անդունդի մեջ ես նայում, ապա անդունդը նույնպես քո մեջ է նայում:

Մենք մարդուն դեռևս չենք ատում, քանի դեռ նրան մեզանից ցածր ենք համարում, մենք ատում ենք լոկ այն ժամանակ, երբ նրան մեզ հավասար, կամ մեզանից բարձր ենք համարում:

Քո մասին խոսելը կարող է նաև քեզ թաքցնելու միջոց լինել:

Հրապարակման ներկայացրեց՝ Տաթև Լ.-ն

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք հետևյալ հղումով. [/infobox]

Դարձի՛ր հեղինակ, ստեղծի՛ր քո հաջողակ նյութը