Mediamag.am-ը Հավաքել է Ձեզ համար փոքրիկ խորհուրդներ, որոնք օգտակար կլինեն Ձեզ։ Չէ՞ որ բոլորին է հայտնի, որ տղամարդու սրտին տանող ճանապարհը ընկած է ստամոքսով, իսկ համեղ ընթրիքով կարելի է գրավել յուրաքանչյուր աղջկա.

1. Ջրի մեջ, որում եփվում է բրինձը՝ լցրեք մեկ ճաշի գդալ քացախ, և բրինձը կդառնա ճերմակ և փխրուն։

2. Եթե թթվասերի մեջ ավելացնեք մի փոքր կաթ, այն այլևս չի ջրազատվի։

3. Սուրճը եռալուց մի պտղունց աղի ավելացումը՝ այս ըմպելիքին կհաղորդի յուրահատուկ համ և բույր։

4. Լցոնի համար կաղամբը, սկզբից շոգեհարեք, հետո 1 րոպե թողեք սառը ջրի մեջ։ Լավ քամեք և տապակեք թավայում։ Այդ դեպքում կաղամբը չի կորցնի իր գույնը, չի դառնա շագանակագույն։

5. Սպիտակ գինուն կարող է փոխարինել՝ քացախը, որի մեջ նախապես լուծված է 2 կտոր շաքար։

6. Որպեսզի բրինձը ճերմակ և փխրուն ստացվի, անպայման լցրեք այն եռացող աղաջրի մեջ, ավելացնելով մի քանի կաթիլ կիտրոնահյութ։ Մի փակեք կաթսան, որի մեջ եփվում է բրինձը։

7. Եթե ուզում եք բացված տոմատը չբորբոսնի, կափարիչին քսեք քիչ քանակությամբ չոր մանանեխ։

8. Կիսել եփելուց եթե ուզում եք թարմ ճզմված մրգերի համն ու բույրը չկորչի, մի եռացրեք հյութը։ Եռացրեք միայն ջրի մեջ գցված ճզմված մրգերը և ստացված օշարակին ավելացրեք շաքարաված և կրախմալ։ Հյութն ավելացրեք արդեն պատրաստի կիսելի մեջ՝ անմիջապես կրակից հանելուց հետո։

9. Ճակնդեղը շատ երկար է եփվում՝ 3-3.5 ժամ։ Բայց այն կարելի է եփել 1 ժամ, իսկ հետո հանել կրակից և 10 րոպե թողել սառը ջրի շիթի տակ։ Ճակնդեղը պատրաստ կլինի։

10. Եթե մարինացված վարունգը ուզում եք խրթխրթան ստացվի, բանկայի մեջ ավելացրեք մի քանի տերև անթառամ։

11. Վինեգրետը ավելի նուրբ և հաճելի համ կստանա, եթե նրա մեջ ավելացնեք 1 ճաշի գդալ կաթ և 1 թեյի գդալ շաքարավազ։

12. Դուք հեշտությամբ կարող եք մայոնեզը փոխարինել թթվասերով, եթե նրա մեջ ավելացնեք ձվի եփված և մանրացված դեղնուց և 1 ճաշի գդալ մանանեխ։