Ժամացույցի վրա կրկնվող թվեր տեսնելը հեշտ է հիշել։ 11:11, 22:22, 12:12․ նման համադրություններն անմիջապես աչքի են ընկնում, հատկապես երբ մարդը սովորություն ունի ամեն օր մոտավորապես նույն ժամին նայելու ժամացույցին։ Նումերոլոգիայում դրանք հաճախ ընկալվում են որպես նշաններ ու ուղերձներ, իսկ ոմանք նույնիսկ կարծում են, որ այդ կերպ հրեշտակներն ինչ-որ բան են փորձում հուշել։
Սակայն այս երևույթն ունի նաև շատ ավելի պարզ բացատրություն։ Մեր ուղեղը հակված է օրինաչափություններ փնտրելու և սիմետրիկ թվային համադրությունները շատ ավելի արագ է նկատում, քան, օրինակ, 11:17-ը կամ 22:38-ը։ Իսկ եթե որևէ համադրություն մեկ անգամ արդեն գրավել է մեր ուշադրությունը, հետագայում այն սկսում ենք ավելի հաճախ նկատել։ Պատճառն այն է, որ այդ թվերն արդեն մեզ համար որոշակի նշանակություն են ստացել։
Բայց այստեղ կա մի հետաքրքիր հանգամանք։ Նույնիսկ եթե կրկնվող թվերի հետևում որևէ խորհրդավոր ուղերձ չկա, դրանք կարող են պարզապես առիթ դառնալ մի քանի վայրկյան կանգ առնելու և ինքներս մեզ լսելու համար։ Մեկի համար 11:11-ը ցանկություն պահելու պահ է, մյուսի համար՝ հանգստանալու հիշեցում, իսկ մեկ ուրիշին նման համընկնումը կարող է օգնել վերջապես անել այն քայլը, որը վաղուց հետաձգում էր։
Ի՞նչ են նշանակում թվերը նումերոլոգիայում
Նումերոլոգիայում նշանակություն ունի ոչ միայն ամբողջ թվային համադրությունը, այլ նաև այն կազմող յուրաքանչյուր թիվ։
1 թիվը կապում են նոր սկիզբների, կամքի ուժի, նախաձեռնողականության, վճռականության և լավատեսության հետ։
2-ը կապում են սիրո, քնքշության, համբերության, ներդաշնակության և հարաբերությունների հետ։
3-ը խորհրդանշում է ստեղծագործականությունը, շփումը, ակտիվությունն ու ինքնարտահայտումը։
4-ը կապում են կայունության, համբերության, հետևողականության և աշխատասիրության հետ։
5-ը՝ ազատության, հետաքրքրասիրության, կենսական էներգիայի և փոփոխությունների։
6-ը կապում են տան, հոգատարության, սիրո, անվտանգության, ինչպես նաև աշխատանքի ու հանգստի միջև հավասարակշռություն պահպանելու անհրաժեշտության հետ։
7-ը համարվում է հոգևորության, ներքին իմաստության, գիտելիքի և ճշմարտության որոնման թիվ։
8-ը կապում են ներքին ուժի, հաջողության, հեղինակության, ինքնաիրացման և նյութական բարեկեցության հետ։
9-ը խորհրդանշում է առատաձեռնությունը, իդեալիզմը, զգայունությունը, անձնուրացությունն ու մարդկանց հանդեպ սերը։
Իսկ եթե թվերը հակառակ հերթականությամբ են
Առանձին կատեգորիա են այսպես կոչված հակադարձ ժամերը, երբ րոպեների թվերը կարծես արտացոլում են ժամերի թվերը։ Նումերոլոգիայում դրանց նույնպես տարբեր նշանակություններ են վերագրում։
- 01:10 — արժե ավելի հաճախ նկատել շրջապատի լավ կողմերը և երախտագիտություն զգալ։
- 02:20 — հնարավոր են հաճելի նորություններ։
- 03:30 — ինչ-որ մեկը կարող է հետաքրքրված լինել ձեզնով։
- 04:40 — արժե մտածել՝ գուցե անարդարացիորեն վիրավորե՞լ եք ձեր մտերիմներից մեկին։
- 05:50 — հնարավոր է հաճելի անակնկալ։
- 10:01 — զուգընկերոջ մտքերը կարող են զբաղված լինել մեկ ուրիշով։
- 12:21 — մտերիմները կարող են հավանություն չտալ ձեր որոշումներից որոշներին։
- 13:31 — արժե վստահել ինտուիցիային և ավելի զգույշ լինել։
- 14:41 — ավելորդ չի լինի ավելի ուշադիր լինել։
- 15:51 — ինչ-որ մեկը կարող է կարծել, որ դուք սիրահարված եք իրեն։
- 20:02 — գուցե ժամանակն է հիշել այն ընկերներին, որոնց վաղուց չեք տեսել։
- 21:12 — համարվում է պահապան հրեշտակի աջակցության նշան։
- 23:32 — մտերիմ շրջապատից ինչ-որ մեկը կարող է ձեզ այնքան էլ լուրջ չվերաբերվել։
Ինչո՞ւ է ուղեղը հատկապես հեշտ նկատում ու հիշում 11:11-ի նման թվային համադրությունները։
Ամենատարածվածը՝ հայելային ժամերը
10:10, 11:11, 12:12 և նման այլ համադրությունները կոչվում են հայելային ժամեր։ Հենց դրանք են ամենից հաճախ ստիպում մարդկանց ցանկություն պահել կամ մի պահ մտածել՝ ինչո՞ւ հենց հիմա հայացքն ընկավ ժամացույցին։
Ահա թե ինչ նշանակություններ է դրանց վերագրում նումերոլոգիան։
- 00:00 — նոր սկիզբների ժամանակ է և հնարավորություն՝ վերադառնալու այն գործերին, որոնք ժամանակին հետաձգել էիք։
- 01:01 — հնարավոր է՝ ինչ-որ մեկը վերջերս սիրահարվել է ձեզ։
- 02:02 — արժե ավելի շատ ուշադրություն դարձնել սեփական կարիքներին։
- 03:03 — ուշադիր նայեք ձեր շրջապատին․ ինչ-որ մեկը կարող է մինչև վերջ անկեղծ չլինել։
- 04:04 — ժամանակն է մտածել փոփոխությունների մասին։
- 05:05 — նոր հարաբերությունների հարցում ավելի լավ է չշտապել։
- 06:06 — հիշեցում է ինքներդ ձեզ սիրելու և ինքնագնահատականի մասին հոգ տանելու մասին։
- 07:07 — վաղեմի երազանքը կարող է ավելի մոտ լինել իրականացմանը, քան կարծում եք։
- 08:08 — արժե զգուշություն դրսևորել։
- 09:09 — մի մոռացեք նաև ձեր ցանկությունների ու կարիքների մասին։
- 10:10 — մի վախեցեք լուրջ փոփոխություններից։
- 11:11 — գուցե ժամանակն է կանգ առնել և ինքներդ ձեզ մի փոքր հանգստանալու հնարավորություն տալ։
- 12:12 — ճիշտ պահ է ցանկություն պահելու համար։
- 13:13 — երազանքները կարող են իրականություն դառնալ, եթե սկսեք գործել։
- 14:14 — եթե ինչ-որ բան ձեզ նյարդայնացնում է, արժե մի փոքր հեռանալ այդ բացասական ազդեցությունից։
- 15:15 — անցյալից ինչ-որ մեկը կարող է հիշել ձեզ։
- 16:16 — բարդ շրջանից հետո ավելի լուսավոր ժամանակներ կգան։
- 17:17 — հնարավոր են ընտանեկան դժվարություններ։
- 18:18 — արժե վստահել ինտուիցիային։
- 19:19 — թե՛ մարմինը, թե՛ միտքը կարող են հանգստի կարիք ունենալ․ օգտակար կարող են լինել մեդիտացիան կամ յոգան։
- 20:20 — զգացմունքները կարող են փոխադարձ լինել։
- 21:21 — առջևում բարենպաստ շրջան և հաջողություն է սպասվում։
- 22:22 — հնարավոր են կարևոր նորություններ, որոնք կարող են փոխել ձեր վերաբերմունքը որևէ իրավիճակի նկատմամբ։
- 23:23 — ինքնավստահությունը արժե համադրել նաև մտերիմների հանդեպ ուշադրության հետ։
Իսկ ի՞նչ են նշանակում եռակի ժամերը
Կան նաև այնպիսի համադրություններ, որոնցում նույն թիվը հանդիպում է երեք անգամ, օրինակ՝ 00:03, 03:33 կամ 22:23։ Նումերոլոգիայում դրանց նույնպես հատուկ իմաստ են վերագրում՝ երբեմն որպես նախազգուշացում, երբեմն էլ որպես փոփոխությունների կամ աջակցության նշան։
Ահա առավել հետաքրքիր մեկնաբանություններից մի քանիսը։
- 00:01 — հնարավոր է՝ ստիպված լինեք մի փոքր հետ գնալ, որպեսզի ամեն ինչ նորից սկսեք։
- 00:02 — մտերիմներից ինչ-որ մեկը ցանկանում է կապվել ձեզ հետ։
- 00:03 — արժե ուշադրություն դարձնել թե՛ ֆիզիկական, թե՛ հոգեբանական վիճակին։
- 00:04 — կարևոր որոշում ընդունելուց առաջ լավ կլինի կշռադատել բոլոր կողմերն ու հնարավոր հետևանքները։
- 00:05 — առջևում փոքր դադար և ավելի շատ ազատություն է սպասվում։
- 00:07 — դուք կարողանում եք հարցերին մոտենալ հետևողական ու վերլուծական ձևով։
- 00:09 — հիմա ավելի լավ է գործել վճռականորեն։
- 01:11 — նույնիսկ եթե կուտակվել են տխրություն ու հիասթափություն, իրավիճակը դեռ հնարավոր է փոխել։
- 02:22 — այս ժամին առանձնահատուկ նշանակություն են վերագրում հղի կանանց համար։
- 03:33 — խոստանում է աջակցություն, հանգստություն և դրական մտքեր։
- 04:44 — հիշեցում է՝ հոգ տանել ինքներդ ձեր և հոգեբանական առողջության մասին։
- 05:55 — համարվում է պաշտպանության և բարի գործերի դիմաց երախտագիտության նշան։
- 10:00 — կարող են նոր գաղափարներ և անսպասելի ստեղծագործական լուծումներ ծնվել։
- 11:10 — խոստանում է լավ տրամադրություն և դրական տրամադրվածություն։
- 11:12 — մտերիմների կողմից հարգանքի և վստահության նշան է։
- 11:13 — կապում են ընտանիքի հանդեպ սիրո և ներքին վճռականության հետ։
- 11:14 — պետք չէ վախենալ փոփոխություններից, նույնիսկ եթե դեռ դժվար է հասկանալ, թե որ ուղղությամբ շարժվել։
- 11:15 — կապում են կարիերայի, հաջողության և նյութական բարեկեցության հետ։
- 11:16 — հարաբերությունների դժվարությունների ժամանակ կարևոր է չմոռանալ նաև սեփական բարեկեցության մասին։
- 11:17 — համարվում է առաջնորդական հատկանիշների նշան։
- 11:18 — լավ ժամանակ է ստեղծագործելու և սիրելի գործերով զբաղվելու համար։
- 11:19 — արժե աշխատել ինքնագնահատականի և անհանգստությունների վրա։
Երեկոյան ժամերի համադրություններն էլ իրենց մեկնաբանություններն ունեն։ 20:00-ն կապում են համարձակության և մյուսներից առանձնանալու կարողության հետ, 21:11-ը՝ ստեղծագործական մտածողության, 22:20-ը՝ պաշտպանության և առողջության, իսկ 22:21-ը՝ բաց լինելու և հետաքրքրասիրության հետ։ 22:23-ը նշանակում է, որ կարող եք կարևոր հենարան դառնալ մտերիմների համար, 22:24-ը կապում են կարիերայի աճի հետ՝ հարաբերություններում հնարավոր դժվարությունների պայմաններում, իսկ 23:33-ը համարում են բարենպաստ շրջանի նշան, երբ կարող է թվալ, թե շատ բան հնարավոր է։
Ի վերջո, ժամացույցի վրա կրկնվող թվեր տեսնելուն կարելի է տարբեր կերպ վերաբերվել։ Նումերոլոգիան առաջարկում է դրանց մեջ խորհրդանշական հուշումներ տեսնել, իսկ հոգեբանությունը բացատրում է, թե ինչու են հենց նման համադրություններն այդքան հեշտ գրավում մեր ուշադրությունը։ Եվ գուցե ամենահետաքրքիրն այստեղ այն չէ, թե արդյոք 11:11-ը իսկապես ինչ-որ ուղերձ ունի, այլ այն, թե ինչի մասին ենք մենք մտածում հենց այն պահին, երբ նորից նկատում ենք այդ չորս թվերը։
Գրանցվիր մեր 
