Գիտնականներն ապացուցել են, որ բամբասանքն օգնում է մեզ ավելի լավ հասկանալ և՛ ինքներս մեզ, և՛ ուրիշներին։ Խելամտորեն օգտագործելու դեպքում այն կարող է ծառայել որպես յուրօրինակ թերապիա։ Ուրիշի մեջքի հետևում խոսելը կարող է բարձրացնել ինքնագնահատականն ու նույնիսկ նվազեցնել սթրեսը։
Չմոռանաք բաժանորդագրվել մեր Telegram ալիքին:
Բամբասանքը կարող է նաև օգտակար լինել։ Մինչ ամբողջ աշխարհը ձգտում է լինել «գիտակից» ու «բարձր հոգևոր», գիտությունը հանկարծ հայտարարում է. բամբասելը նորմալ է, և նույնիսկ՝ օգտակար։
Նիդեռլանդների Գրոնինգենի համալսարանում Էլենա Մարտինեսկուի գլխավորությամբ անցկացված հետազոտությունն ուսումնասիրել է բամբասանքի հոգեբանական ազդեցությունը։ Պարզվել է, որ ուրիշներին քննարկելը նպաստում է ինքնավերլուծությանը, սրում է մրցակցությունը և ամրապնդում սոցիալական կապերը։
Հետազոտության արդյունքները ցրում են այն միֆերը, թե բամբասանքը բացարձակ չարիք է, որով զբաղվում են միայն «տոքսիկ» մարդիկ։ Ամենևի՛ն։ Կարծես թե ասեկոսեները ձեր անվճար հոգեբանական սեանսն են։
Ի՞նչ է կատարվում ուղեղում բամբասելիս
Նիդեռլանդացի գիտնականները պարզել են, որ թե՛ դրական, թե՛ բացասական բամբասանքներն ակտիվացնում են կարևոր հոգեբանական գործընթացներ՝
- օգնում են կողքից գնահատել ինքներդ ձեզ,
- բարձրացնում են ինքնագնահատականը,
- մեզ դարձնում են մի փոքր ավելի նպատակասլաց և մոտիվացված։
Այսինքն՝ երբ քննարկում եք մեկի հագուստը կամ համադասարանցու հարսանիքը, դուք ոչ միայն զվարճանում եք, այլև զբաղվում ձեր ներքին աճով։
ԲԱՅՑ. գիտնականները զգուշացնում են՝ դա արեք գիտակցաբար: Մի՛ մոռացեք միացնել պարկեշտության զտիչն ու քննադատական մտածողությունը։ Չէ՞ որ բամբասանքը կարող է նաև կործանարար լինել, հատկապես, երբ խոսքն իրական մարդկանց մասին է, ոչ թե խմբային չաթերի հորինված կերպարների:
Կարդացեք նաև՝ 5 թեմա, որոնց մասին արժե խոսել միայն ամենամտերիմների հետ (և այն էլ՝ ոչ միշտ)
Ովքե՞ր են ավելի շատ բամբասում՝ տղամարդի՞կ, թե՞ կանայք
Այստեղ ձեզ անակնկալ է սպասվում. տղամարդիկ «շատախոսությամբ» առաջ են անցել կանանցից:
2000 բրիտանացիների շրջանում արված հարցումը ցույց է տվել, որ.
- Կանայք գաղտնիքը միջինում պահում են 3,5 ժամ։
- Տղամարդիկ՝ երեք ժամից պակաս։
- Իսկ տղամարդկանց 10%-ն ընդհանրապես ամեն ինչ պատմում է 10 րոպեից էլ շուտ։
Ընդ որում՝ տղամարդկանց 92%-ը վստահ է, որ հիանալի գաղտնապահ է։
Բամբասանքը լա՞վ է, թե՞ վատ
Հետազոտության գլխավոր հեղինակ, պրոֆեսոր Էլենա Մարտինեսկուի համոզմամբ՝ բամբասանքից ազատվելն անհնար է, և պետք էլ չէ։ Ավելի ճիշտ կլինի ընդունել, որ այն մեր սոցիալական կյանքի բնականոն մի մասն է. պարզապես միշտ պետք է հիշել հետևանքների մասին։
Քրիստոնեական մոտեցում
Եթե ուրիշներին քննարկելն ընկալենք ոչ թե որպես բացասական երանգով բամբասանք, այլ որպես դատողություն՝ արարքների և իրավիճակների գիտակցված, կարեկցող ու ազնիվ վերլուծություն, ապա շփման նման ձևը կարող է նույնիսկ օգտակար լինել։
Քրիստոնեական ավանդույթում հստակ տարանջատում են դատապարտելն ու դատողություն անելը: Առաջինը մեղք է՝ կապված մեծամտության և չարախնդության հետ, իսկ երկրորդը կատարվածի սթափ գնահատականն է, որի շարժառիթը դիմացինին հասկանալու, օգնելու և հոգ տանելու ցանկությունն է։
Նույն տրամաբանությունն է գործում նաև առօրյա կյանքում. խիստ կարևոր է զանազանել տոքսիկ քննարկումը՝ զուտ բամբասելու համար, և իրավիճակների խորքային վերլուծությունը՝ հասկանալու և անձնային աճի համար: Մեկը քայքայում է, մյուսն օգնում է զարգանալ և՛ մեզ, և՛ մեր շրջապատի մարդկանց:
Գրանցվիր մեր 
