Ամբողջ աշխարհում հայ տղամարդիկ վաղուց հայտնի են որպես խիստ ու պահանջկոտ ջենթլմեններ, որոնց սիրուն արժանանալու մասին երազում են բազմաթիվ հայտնի կանայք։ Իսկ աստղային գեղեցկուհիներից ո՞ւմ է, ի վերջո, հաջողվել գտնել իր հայկական երջանկությունը։
Չմոռանաք բաժանորդագրվել մեր Telegram ալիքին:
Յուլիա Կովալչուկ
Առաջին հերթին մտաբերում ենք երգչուհի և դերասանուհի Յուլիա Կովալչուկին, որն ամուսնացել է շոումեն Ալեքսեյ Չումակովի հետ։ Նրա մոր երակներով հոսում է հայկական արյուն, քանի որ նա ծնունդով Արցախից է։ Այսօր զույգը դաստիարակում է երկու հրաշալի դստեր և լիովին երջանիկ է՝ անկախ չար լեզուների տարածած բամբասանքներից։
Սերենա Ուիլյամս
Լեգենդար թենիսիստուհի Սերենա Ուիլյամսը 2017 թվականից ի վեր ապրում է ինչպես քարե պատի հետևում՝ ամուսնացած լինելով հայկական ծագումով ամերիկացի ՏՏ մագնատ Ալեքսիս Օհանյանի հետ։ Զույգը սիրով ու համերաշխությամբ մեծացնում է իր երկու հրաշալի դուստրերին՝ Օլիմպիային և Ադիրա Ռիվերին։
Մարինա Մայկո
Գեղեցկուհի դերասանուհի Մարինա Մայկոն արդեն ավելի քան երեսուն տարի է, ինչ ամուսնացած է հանրահայտ դերասան Դմիտրի Խառատյանի հետ։ Դերասանը նույնպես հայկական արմատներ ունի. նրա նախնիները հայրական կողմից Սյունիքի մարզի փառապանծ Մեղրի քաղաքից են։ Զույգը միասին դաստիարակել է իրենց որդուն՝ Իվանին, որը ծնվել է 1998 թվականին։
Մարի Կրայմբրերի
Իհարկե, չենք կարող չհիշատակել այսօր մեծ ժողովրդականություն վայելող երիտասարդ երգչուհի Մարի Կրայմբրերիին (իսկական անունը՝ Մարինա Ժադան)։ Նրա ամուսինը Ռուսաստանում հայտնի բլոգեր, երգիչ և շոումեն Դավիթ «Դավա» Մանուկյանն է։ Այս տարի նրանց ընտանիքը համալրվել է փոքրիկ դուստրով։
Ելենա Յամպոլսկայա
Ռուս հայտնի թատերագետ Ելենա Յամպոլսկայան ամուսնացած է հայազգի գործարար Խաչատուրի հետ։
Տես նաև՝ Հայկական գեղեցկություն. 9 ամենագեղեցիկ հայ մոդելները
Աննա Խիլկևիչ
Ռուսական հեռուստասերիալների դերասանուհի Աննա Խիլկևիչն ամուսնացել է գործարար Արթուր Վոլկովի հետ (իսկական ազգանունը՝ Մարտիրոսյան), որը Մոսկվայում հարսանեկան խոշոր գործակալության սեփականատեր է։ Նրանց ընտանեկան կյանքը, ինչպես նշվում է, ընթանում է հայկական խիստ ավանդույթներով։
Վալենտինա Ռուբցովա
Ժամանակակից ռուսական սերիալների աստղ Վալենտինա Ռուբցովան ևս չի կարողացել անտարբեր մնալ հայ տղամարդու հմայքի նկատմամբ։ Արդեն ավելի քան մեկ տասնամյակ է, ինչ նրա ամուսինը հայազգի Արթուրն է, որի հետ դերասանուհին երջանիկ դաստիարակում է երկու հրաշալի երեխաների։
Ալյոնա Սվիրիդովա
Ավելի քան տասը տարի է, ինչ երջանիկ է, թեև քաղաքացիական, ամուսնության մեջ ապրող հայտնի երգչուհի Ալյոնա Սվիրիդովան։ Նրա սիրելին գործարար Դավիթ Վարդանյանն է՝ խարիզմատիկ հայ տղամարդ, որն իր ընտրյալից փոքր է տասնչորս տարով։
Աղբյուրը՝ Армения и армяне
Գրանցվիր մեր 
