Իրականում դուք կլինեք առաջին քայլն անողը։ Բայց դա այնքան քողարկված կլինի, որ նա գլխի չի էլ ընկնի։

1. Ակնարկեք

Նախ որոշեք, թե ինչ եք ուզում: Նրա հեռախոսահամա՞րը։ Այդ դեպքում, կախված նրա հետաքրքրություններից, ասեք, որ նոր բան եք տեսել՝ ինչ-որ տեղ վաճառք և այլն, ու իբր, դուք չգիտեիք, թե ինչպես կապվել նրա հետ և պատմել այդ մասին։ Եթե ​​նա հետաքրքրված է, նա սիրով կտա ձեզ իր համարը։

Եթե ​​ցանկանում եք նրա հետ ժամադրության գնալ, ապա ասեք, որ պլաններ չունեք շաբաթ երեկոյան և շատ կձանձրանաք։ Մյուս տարբերակն այն է, որ ասեք, որ շատ եք ուզում կինոթատրոնում ինչ-որ ֆիլմ դիտել, բայց ոչ ոք չկա, ում հետ կարելի է գնալ: Այդ դեպքում նա ստիպված չի լինի ոչինչ հորինել, այլ միայն կհրավիրի միասին գնալ։

2. Համոզվեք, որ նա հասկանում է, որ դուք ընկեր չունեք

Եթե ​​ձեր ամուսնական կարգավիճակը նշված չէ սոցիալական ցանցում, և դուք երբեմն լուսանկարներ եք հրապարակում ընկերների հետ, ապա նա կարող է մտածել, որ դուք մենակ չեք։ Այսպիսով, երբեմն դուք կարող եք կատակել, որ «տանը մնացիք»:

3. Կատակեք, շատ լուրջ մի եղեք

Տղամարդը պետք է հարմարավետ զգա իրեն ձեր կողքին, այդ դեպքում նրա համար ավելի հեշտ կլինի ձեզ ինչ-որ տեղ հրավիրել։

4. Հետևե՛ք ձեր մարմնի լեզվին

Եթե ​​ձեռքերդ խաչած է կրծքիդ, իսկ գլուխդ թեքված է, դժվար թե նա քեզ անհանգստացնի։ Երբ ցանկալի տղամարդը մոտ է, բաց եղեք շփման համար, տեսողական կապ հաստատեք։

5. Եղեք համբերատար

Հետևեք ձեր տեմպին: Մի երեկոյի ընթացքում ոչինչ չի ստացվի, նա չի դառնա ձեր ընկերը։ Ուստի սոց. ցանցերում անմիջապես մի ռմբակոծեք նրան հաղորդագրություններով և մի մեկնաբանեք նրա բոլոր լուսանկարները: Ստեղծեք սեքսուալ լարվածություն։ Եթե ​​նա որոշի, որ դուք տարված եք իրենով, ուրեմն կփախչի։

6. Ցույց տվեք ձեր զգացմունքները

Ոչ անմիջապես, բայց ժամանակի ընթացքում դա անհրաժեշտ է, հատկապես, եթե չես տեսնում փոխադարձություն։ Ձեզ կարող է թվալ, որ ձեր համակրանքը նրա հանդեպ ակնհայտ է, բայց տղամարդիկ ոչ միշտ են այդքան արագ գլխի ընկնում։ Ուստի երբեմն պետք է մի փոքր ավելի ակտիվ սիրախաղ անել, որպեսզի նա հաստատ հասկանա, որ դա պարզապես ընկերություն չէ։