Մենք ամեն օր հանդիպում ենք մարդկանց։ Որոշ մարդիկ մեր կյանք են մտնում կարճ ժամանակով, իսկ մյուսները երկար տարիներ մնում են մեզ հետ: Վստահելի և բաց հարաբերությունները մեծ արժեքներ են, որը կարելի է ձեռք բերել «քո» մարդու հետ հանդիպելիս: Հոգեբանը նշել է այն հիմնական նշանները, որ դուք հանդիպել եք այն մեկին, ով համապատասխանում է ձեզ:
Չմոռանաք բաժանորդագրվել մեր Telegram ալիքին:
Դուք Ձեզ անվտանգ եք զգում
Դուք հաստատ գիտեք, զգում եք, որ այդ մարդը չի վիրավորի կամ դավաճանի ձեզ. դժվար պահերին դուք կկարողանաք դիմել նրան օգնության համար (ինչպես նա ձեզ), իսկ ցանկացած ուրախություն կրկնակի հաճելի կլինի նշել միասին: Նրա կողքին դուք ձեզ լիովին ապահով կզգաք ու կիմանաք, որ միշտ կարող եք հույս դնել նրա վրա, ինչ էլ որ պատահի։
Ձեզ հարմար և հարմարավետ է միասին
Դուք շատ ժամանակ եք անցկացնում միասին և իսկապես մեծ հաճույք եք ստանում միմյանց հետ շփումից: Դուք չեք անհանգստանում ասված յուրաքանչյուր բառի համար և գիտեք, որ ձեզ միշտ ճիշտ կհասկանան և կաջակցեն: Այլ կերպ ասած, դուք չեք զգում անհարմարություն, լարվածություն շփման մեջ և այլ բացասական տպավորություններ, որոնք հստակորեն վկայում են խնդրի առկայության մասին:
Ձեր միջև մրցակցություն չկա
Դուք հստակ հասկանում եք, որ ձեր զուգընկերը անկեղծորեն ուրախ կլինի ձեր հաջողություններով և հաղթանակներով, ինչպես դուք ինքներդ, և, հետևաբար, ձեր միջև մրցակցություն կամ նախանձ չկա. դուք մոտիվացնում եք մեկմեկու նոր նախաձեռնությունների, ինչը թույլ է տալիս զարգանալ ավելի արագ, իսկ դժվարությունները լուծելն ավելի հեշտ է դառնում:
Ձեզ սիրո հաստատում պետք չէ
Ձեզ համար կարևոր չէ, թե ով է առաջինը զանգահարել, ով ինչ է գրել կամ քանի անգամ: Դուք հաստատ գիտեք, որ ձեր միջև իրական զգացմունք կա, և պետք չէ դրա հաստատումը փնտրել՝ մանրակրկիտ ուսումնասիրելով, թե ով և քանի անգամ է նախաձեռնել, ով է արել առաջին քայլը և այլն։
Կարդացեք նաև՝ Հոգևոր կապ՝ ինչպես ճանաչել մարդուն, ով նախատեսված է ձեզ համար ճակատագրով
Դուք ընդունում եք միմյանց
Այնպիսին, ինչպիսին կաք՝ տխուր կամ ուրախ, եռանդուն, թե հոգնած: Ձեր հարաբերություններում ներդաշնակություն կա, որը թույլ է տալիս կենտրոնանալ միմյանց ուժեղ կողմերի վրա, այլ ոչ թե թերությունների վրա, ինչպես նաև հարգել անձնական սահմանները և հասկանալ կյանքի տարբեր հանգամանքները, որոնք առաջանում են ձեր ճանապարհին: Այս կետը վերաբերում է նաև արտաքին տեսքին. դիմահարդարում անելու համար պարտադիր չէ մեկ ժամ շուտ արթնանալ, և դուք չեք տխրի, եթե ձեր զուգընկերը մեկ, երկու ավելորդ կիլոգրամ ավելացնի:
Ձեր հարաբերություններում հավասարակշռություն կա
Դուք հավասարապես ներդրումներ եք կատարում հարաբերություններում և հստակ հասկանում եք, որ ձեզ մոտ չկա «միակողմանի խաղ». ձեզնից յուրաքանչյուրը փորձում է պահպանել «վերցնել և տալ» հավասարակշռությունը, և, հետևաբար, ձեզ հարմար է ձեր զուգընկերոջ հետ, և ձեզ մոտ չեն առաջանում մտքեր, որ ձեզանից մեկը նախաձեռնությունը իր կողմն է քաշում, ստիպելով զուգընկերոջը վերցնել զոհի դիրքը:
Դուք միմյանց ոչինչ պարտք չեք
Դուք չեք սահմանափակում միմյանց. ձեզ հարկավոր չէ զուգընկերոջից թույլտվություն խնդրել ինչ-որ տեղ գնալու կամ ինչ-որ բան անելու համար, և ձեր յուրաքանչյուր քայլը թելադրված է բացառապես ձեր ցանկությամբ, այլ ոչ թե պարտականությունով: Միևնույն ժամանակ, դուք գիտեք, թե ինչպես գրագետ ձևավորել ներքին շփումը և կարող եք բացահայտորեն քննարկել ձեր համատեղ կյանքին վերաբերող ցանկացած հարց՝ ի վերջո փոխզիջման գալով:
______
Ընդհանուր առմամբ, կարևոր է հասկանալ, որ հարազատ հոգի հասկացությունը ներառում է անձնական արժեքների, համոզմունքների և շարժառիթների նմանություն: Նման մարդու կողքին դուք անխզելի կապ եք զգում նրա հետ և հասկանում եք, որ ձեզ հարմարավետ է և լավ, և, հետևաբար, եթե հանդիպել եք հարազատ հոգու, ապա պետք է գնահատեք այս փաստը և շարունակեք աշխատել հարաբերությունների վրա, նույնիսկ եթե ամեն ինչ այրդեն իսկ կատարյալ է թվում:
Գրանցվիր մեր 
