Ամերիկացի գիտնականները պարզել են, թե որ հասակն է իդեալական համարվում տղամարդկանց և կանանց համար լուրջ հարաբերություններ և ընտանիք ստեղծելու համար։

Չմոռանաք բաժանորդագրվել մեր Telegram ալիքին:

Նրանց ուսումնասիրությանը մասնակցել են ուժեղ և թույլ սեռի մոտ 50 հազար ներկայացուցիչներ։

Այսպես, ըստ հարցված կանանց, տղամարդը, իհարկե, պետք է իրենցից բարձր լինի, գերադասելի է 20 սմ-ով: Իր հերթին, տղամարդիկ իրենց հարմարավետ են զգում իրենցից 8-10 սմ ցածր աղջիկների շրջապատում: Նրանց պատասխանների հիման վրա գիտնականները հաշվարկել են միջին «իդեալական» հասակը. կանանց համար այն կազմել է 173 սմ, իսկ տղամարդկանց համար՝ 188 սմ։

Հիշեցնենք, որ հոլանդացի գիտնականները նախկինում նշել էին տղամարդու և կնոջ հասակի իդեալական տարբերությունը։ Նրանց ուսումնասիրության տվյալները իրականում նման են իրենց ամերիկացի գործընկերների արդյունքներին։ Այսպես, հարցման ժամանակ կանայք ցանկություն են հայտնել, որ իրենց տղամարդը միջինը 20 սմ բարձրահասակ լինի, իսկ տղամարդկանց բավարարում են իրենցից 7,5 սմ ցածր կանայք։

Ընդ որում, տղամարդկանց համար իդեալական հասակը համարվում էր 190 սմ, իսկ կանանց համար՝ 174։

Կարդացեք նաև՝ Որքա՞ն է Ձեր հասակը: Պատասխանը շատ բան կարող է պատմել Ձեր անձի մասին

Գիտնականները հասակի նախապատվությունները բացատրում են հիմնականում կենսաբանության օրենքներով: Համաձայն այս տեսության, ենթադրվում է, որ որքան բարձրահասակ է տղամարդը, այնքան բարձր է նրա վերարտադրողական հաջողության կարգավիճակը:

Վերջերս ամերիկացի գիտնականները նաև կապ են հայտնաբերել մարդու հասակի և երջանկության զգացողության միջև։ Այսպիսով, պարզվել է, որ միջինից բարձր հասակ ունեցող տղամարդիկ և կանայք (կանայք՝ 162,6 սմ-ից բարձր, իսկ տղամարդիկ՝ 177,8 սմ-ից բարձր) իրենց ավելի հաջողակ և երջանիկ են զգում՝ համեմատած ցածրահասակ հարցվողների հետ։