Կյանքի ո՞ր շրջանն է առավել հարմար հասկանալու համար, թե ով եք դուք և ինչի եք իրականում ցանկանում հասնել: Իհարկե, սա այն ժամանակն է, որը գալիս է ձեր կյանքի հերթական գլխի ավարտից հետո:

Կյանքում շատ գլուխներ կան: Դրանցից յուրաքանչյուրը վաղ թե ուշ ավարտվում է։ Փակի՛ր անցյալի դուռը, շրջի՛ր կյանքի էջը… Դու այն կարող ես անվանել այնպես, ինչպես ուզում ես։ Գլխավորն այն է, որ ինչ-որ պահի պետք է բաց թողնել և շարունակել ապրել… և ապրել երջանիկ:

Երբ ինչ-որ բան ավարտվում է, դա չի նշանակում ձեր ամբողջ կյանքի ավարտը: Ընդհակառակը, դուք հնարավորություն ունեք նորը սկսելու։ Սա շրջադարձային կետ է:

Չմոռանաք բաժանորդագրվել մեր Telegram ալիքին:

Հուսով ենք, որ այս 10 արտահայտությունները կօգնեն ձեզ առանց վախի բացել կյանքի նոր գլուխ: Ահա այդ մեջբերումները.

1. Այն պահերին, երբ ձեր կյանքում ամեն ինչ ըստ պլանի չի ընթանում, խուճապի մի մատնվեք։ Խորը շունչ քաշեք և հիշեցրեք ինքներդ ձեզ, որ կյանքի գեղեցկությունը նրա անկանխատեսելիության մեջ է:

2. Երբեմն դուք պարզապես պետք է հաշտվեք այն փաստի հետ, որ ձեր կյանքն այլևս առաջվանը չի լինի: Պարզապես պետք է հիշեցնել ինքներդ ձեզ, որ ինչ-որ հին բանի ավարտը ենթադրում է նորի սկիզբ:

3. Դուք ներքին խաղաղություն եք գտնում այն ​​պահին, երբ դադարում եք անհանգստանալ այն մասին, ինչը չեք կարող փոխել: Իրավիճակն այնպիսին է, ինչպիսին կա: Համակերպվեք: Սովորեք ձեզ անհրաժեշտ դասերը և շարունակեք ձեր կյանքը: Կարևոր չէ, թե ինչ եք արել նախկինում։ Կարևորն այն է, թե հիմա ինչ և ինչպես եք անելու։

4. Առաջընթացի և անձնական աճի գաղտնիքը պարզ է: Պետք չէ վատնել ձեր էներգիան՝ փորձելով փոխել այն, ինչ երեկ տեղի ունեցավ։ Դուք պետք է առաջ գնաք և աշխատեք այն ամենի վրա, ինչ այսօր ձեր ուժերի սահմանում է:

5. Եթե նույնիսկ անցյալում ստեղծված իրավիճակից զայրույթն ու զզվանքն արդարացված են, մի տրվեք հույզերին։ Ձեր ողջ ուժը, մտքերն ու էներգիան ուղղեք դեպի այն, ինչը կարող է ավելի լավը դարձնել ձեր կյանքը ներկայում:

Կարդացեք նաև՝ «Գիտենք, թե ինչպես գոյատևել, բայց չգիտենք ինչպես ապրել». Ջորջ Կարլինի ցինիկ մեջբերումները

6. Այսօրվա կյանքը կարող է արմատապես տարբերվել երեկվա կյանքից։ Ամեն ինչ կյանքի հայացքների մեջ է, այն կփոխվի, երբ փոխեք ձեր ընկալումը:

7. Ինչպիսին էլ լինի իրավիճակը, դուք և միայն դուք եք որոշում, թե ինչպես արձագանքել դրան: Արգելակեք մեկ վայրկյան և հիշեք, թե ով եք դուք: Վերլուծեք այն պահերը, որոնք ազդել և շարունակում են ազդել ձեր կյանքի վրա որպես ամբողջություն:

8. Ձեզ ոչ ոք ոչինչ պարտք չէ։ Դուք արդեն ունեք այն ամենը, ինչ ձեզ հարկավոր է: Միայն դուք եք պատասխանատու այն բանի համար, թե ինչպես կարող եք կառավարել այն ռեսուրսները, որոնք արդեն ունեք:

9. Երբեք ոչինչ մի հետաձգեք ավելի ուշ: Ձեր ժամանակը մի վատնեք՝ սպասելով ինչ-որ բան անելու «հարմար պահի»: Ապրեք ներկայով և գործեք հիմա: Գործեք այսօր:

10. Եղեք համեստ: Սովորեք և բացահայտեք նոր բան ինքներդ ձեզ համար: Այս աշխարհը շատ ավելի մեծ է, քան թվում է: Դուք միշտ հնարավորություն ունեք քայլ անելու դեպի անհայտ բան։ Նոր գաղափարի վրա աշխատելու և նոր բան սկսելու հնարավորություն միշտ կա։

Եվ վերջում մտքեր…

Երջանիկ կյանքի գաղտնիքը պարզ է, այն է՝ ավելի շատ ուշադրություն դարձնել կյանքի սկսվող գլուխներին, այլ ոչ թե նրանց, որոնք արդեն ավարտվել են:

Շատերն ասում են, որ այլ կյանք են ուզում: Միևնույն ժամանակ, ամեն րոպե, որ կարող է սկսվել նրանց նոր կյանքը, նրանք վատնում են: Մի արեք այդպես:

Մի կառչեք նրանից, ինչ արդեն հեռացել է ձեր կյանքից։ Մի ապրեք սպասումով: Հասկացեք, թե որքան թանկ է ձեր կյանքի յուրաքանչյուր պահը ներկայում:

Երջանիկ կյանքը կարող է սկսվել հենց հիմա: Պարզապես պետք է դադարել ցանկանալ, որ կյանքն այնպիսին չլինի, ինչպիսին կա ներկայում:

Կա մեկ արտահայտություն, որը կօգնի ձեզ մոռանալ անցյալի մասին և շարունակել առաջ շարժվել: Այդ արտահայտությունը սկսվում է այսպես. «Այս պահից ես…»