Բաժանման ցավը վաղուց անցել է, դուք վայելում էիք միայնության բոլոր բերկրանքները, բայց հանկարծ հասկացաք, որ ավելին եք ուզում։

Բայց լուրջ հարաբերություններ կառուցելու ձեր բոլոր փորձերն անհաջողությամբ են ավարտվում առաջին ժամադրությունից հետո:

Ի՞նչն է պատճառը: Տեսեք, արդյո՞ք դուք կատարում եք հետևյալ սխալներից որևէ մեկը.

1. Ծայրահեղություններ

Տղամարդիկ սովորաբար խուսափում են ինքնավստահ և հաջողակ կին կարիերիստներից, ովքեր ավելի շատ են վաստակում, քան իրենք:

Բայց նրանք նաև չեն սիրում կանանց՝ առանց ինքնավստահության նշույլի: Լուծումը ոսկե միջինն է։ Իհարկե, դժվար է, բայց սա ցուցակի միայն սկիզբն է։

2. Վատ հագուստ

Սովո՞ր եք տնից դուրս գալ ձգված սպորտային կոստյումով և անձև շապիկով, որը չի շոյում ձեր կազմվածքը նույնիսկ տեքստիլի հաստ շերտի տակ:

Իսկ ի՞նչ կլինի, եթե ձեր երազանքների տղամարդը հանդիպի խանութի ճանապարհին։ Կարծում եք՝ նա կնկատի՞ ձեզ։ Հնարավոր է, բայց ոչ լավ լույսի ներքո: Այսպիսով, նույնիսկ եթե դուք աղբը թափելու եք դուրս գալիս, հագեք պարկեշտ բան:

3. Դուք կին-վամպ եք

Կեղծ թարթիչներ, եղունգներ, երկարացված մազեր, կարմիր շրթներկ, կիպ բլուզը և կաշվե տաբատը ձեր ամենօրյա տե՞սքն են:

Դուք կարող եք զգալ, որ գրավիչ տեսք ունեք, բայց, ամենայն հավանականությամբ, կհուսահատեցնեք պոտենցիալ զուգընկերոջը: Եղեք մի քիչ ավելի համեստ:

4. Նախկինի ուրվականը

Դուք համեմատում եք բոլոր նոր ծանոթությունները նախկին ընկերոջ հետ: Նրանցից մեկը գեղեցիկ կազմվածք ունի, իսկ Արմենն ուներ ավելի լավը։ Կարենը լավ է համբուվում, բայց Արմենի հետ գլուխդ կորցնում էիր։

Մոռացեք ձեր նախկինին և մի համեմատեք: Եթե ​​դեռ չեք հրաժեշտ տվել անցյալին, ընդհանրապես նոր հարաբերությունների մեջ մի մտեք։

5. Դուք բաց չեք նոր հարաբերությունների համար

Այս կետը սերտորեն կապված է նախորդի հետ։ Եթե ​​դուք չունեք ավարտված անցյալ, ապա հոգեբանորեն չեք կարող բաց լինել ինչ-որ նոր բանի համար։ Իսկ տղամարդիկ դա շատ լավ են զգում։

6. Դուք սխալ տեղում եք փնտրում

Եթե ​​երազում եք գյուղական դիսկոտեկում հանդիպել առանց կնոջ ու երեխաների խարիզմատիկ միլիոնատիրոջ, ապա դժվար թե ձեր բախտը բերի:

Բացի այդ, համապատասխանո՞ւմ է արդյոք ձեր մակարդակը հարուստ գործարարի կամ բազմապրոֆիլ ընկերության սեփականատերիրոջ մակարդակին: Իսկ ի՞նչ կասեք միլիարդներ չունեցող, բայց անկեղծորեն սիրող և հոգ տանող տղա փնտրելու մասին:

7. Դուք չեք ժպտում

Ժպիտը գեղեցկացնում է ավելին, քան երկարացված թարթիչներն ու կիլոմետրանոց եղունգները:

Հավատացեք, որ տղամարդուն գայթակղելու մի քանի եղանակ կա, և քնքուշ ժպիտը դրանցից մեկն է։

8. Դուք չափազանց պահանջկոտ եք

«Ինձ Ferrari-ով տղա պետք չէ, ով ինձ կտանի հանգստավայրեր և կհյուրասիրի ամենաթանկ շամպայնը, նա պարզապես պետք է լավը լինի և սիրի ինձ:

Այո, և նա պետք է լինի գոնե մի քիչ գեղեցիկ և բարձրահասակ։ Եվ խելացի! Նաև կարողանա ապահովել ընտանիքի կարիքները, լավ եփել, չփոխվել, լավ հումորի զգացումով և ցանկալի է առանձին բնակարանով»: Շատ պահանջկոտ չե՞ք։

9. Դուք համակերպվել եք միայնության հետ

Համոզվա՞ծ եք, որ ձեր կյանքում եղել է միայն մեկ իրական տղամարդ, և որ ուրիշ ոչ ոքի պետք չեք: Իհարկե, դա այդպես չէ։

Պաղպաղակ ուտելու, էժան գինի խմելու և գիշերազգեստով հեռուստահաղորդումներ դիտելու փոխարեն, դարձե՛ք այն ինքնավստահ և գեղեցիկ կինը, որ նախկինում էիք և գնացե՛ք որսի: