Կան բազմաթիվ ասացվածքներ, որոնք ապամոնտաժում են ասվածի կարևորությունը և ինչպես կարող է ասվածը ազդել զրուցակցի վրա։ «Բարի խոսքը կատվի համար էլ է կարևոր», «Բառերով կարելի է նաև սպանել»՝ տրամագծորեն տարբեր ասացվածքներ, բայց երկուսն էլ ցույց են տալիս, թե որքան կարևոր է, թե ինչ և ինչպես եք ասում ձեր զրուցակցին: Եվ ամենակարևորը, յուրաքանչյուր դեպքում ելքը նույնպես տարբեր է:
Չմոռանաք բաժանորդագրվել մեր Telegram ալիքին:
Մենք միշտ չէ, որ մտածում ենք պահի ազդեցությամբ ասված խոսքերի և այն մասին, թե ինչպես կարող է մեկ այլ մարդ ընկալել դրանք: Ձեզ թվում է, որ դուք վիրավորական ոչինչ չեք ասել, կամ ձեր արտահայտությունը լիովին չեզոք ենթատեքստ ուներ, սակայն դիմացինը դա մեկնաբանում է բացասական կերպով և զայրանում կամ վիրավորվում։ Հաճախ այս իրավիճակն առաջանում է տղամարդու և կնոջ միջև:
Առաջին հայացքից «անվնաս» արտահայտությունները հեշտությամբ կարող են վիրավորել, և տղամարդիկ հաճախ դրանք արտասանում են՝ հունից հանելով կնոջը։ Եկեք տեսնենք, թե դրանք կոնկրետ որ արտահայտություններն են.
«Հանգստացիր»
Որպես կանոն, նման արձագանք տեղի է ունենում մի իրավիճակում, երբ կինը անհանգստանում է ինչ-որ բանի համար կամ նա կիսվում է իր ապրումներով տղամարդու հետ։ Այդ պահին կինը կամ օգնություն է ուզում խնդրի լուծման հարցում, կամ աջակցություն։ Փոխարենը, նա ստանում է «Հանգստացիր» արտահայտությունը: Այսինքն՝ տղամարդը արժեզրկում է անձնական ապրումները և կոչ է անում նրան հավաքվել, և քանի որ կանայք ավելի հաճախ են իրավիճակները զգում էմոցիաների միջոցով, նման սառնությունն ու չհասկացվածությունը շատ վիրավորական են։
«Ինչպես կասես»
Անտարբեր վերաբերմունք մատնանշող արտահայտություն: Այսպիսով, տղամարդն ասում է, որ չի ցանկանում մասնակցել քննարկմանը և պատրաստ է ինչ-որ բանի հետ համաձայնության գալ, գլխավորն այն է, որ իրեն չխանգարեն կամ դա հնարավորինս քիչ ազդի իր ռեսուրսների վրա։
«Դու գիտես»
Մանիպուլյատիվ հնարք, որը պետք է ստիպի ձեզ փոխել ձեր կարծիքը կամ ստիպի ձեզ համաձայնել տղամարդու դիրքորոշման հետ։ Արտահայտությունն ինքնին վերաբերում է թաքնված ագրեսիային, այսինքն՝ տղամարդը չի գնում բացահայտ կոնֆլիկտի, այլ «անվնաս» արտահայտությամբ իրավիճակը հմտորեն շրջում է իր օգտին։
«Դու միշտ չափազանցեցնում ես / միշտ բարդացնում ես ամեն ինչ»
Ավելորդ կասկածելիության պարտադրումը գազլայթինգի հաճախակի մանիպուլյացիաներից է։ Այսինքն՝ ձեր զուգընկերն այս խոսքերով ասում է, որ դուք միշտ խնդիրներ եք փնտրում այնտեղ, որտեղ դրանք չկան՝ ձեզ պարտադրելով «պրոբլեմատիկ կնոջ» պիտակը։ Այս արտահայտությունը միևնույն ժամանակ շատ վիրավորական և զայրացնող է։
«Տեսնենք»
Այս բառն ամենից հաճախ բացասական հույզեր է առաջացնում իգական սեռի մոտ։ Իրականում դա նշանակում է մերժում՝ առանց ուղղակի «ոչ»-ի։ Շատ դեպքերում արտահայտությունն արտասանվում է, երբ տղամարդը չի պատրաստվում նորից վերադառնալ այս հարցին, բայց բացահայտ կոնֆլիկտի մեջ չմտնելու համար ծածկվում է «կտեսնենքով»՝ հույս տալով, որ գուցե մի օր կվերադառնա դրան:
Կարդացեք նաև՝ 8 բան, որոնցով կանայք նյարդայնացնում են տղամարդկանց և խելագարության հասցնում
«Քո մոտ նորից այն օրե՞րն են»
Հարմար արտահայտություն՝ ցանկացած հարմար պահին կնոջ մոտ մեղավորության զգացմունք առաջացնելու համար՝ վկայակոչելով հորմոնալ փոփոխությունները: Կարելի է չհարցնել, թե ինչ է տեղի ունեցել, չխորանալ այն խնդիրների մեջ, որոնք առաջացրել են վատ տրամադրություն, այլ պարզապես հարցնել կնոջը. «Քեզ մոտ նորից այն օրե՞րն են»՝ միանգամից նշելով, որ կինը իրեն այնպես չի պահում, ինչպես սովորաբար։
«Ո՞վ քեզ թույլ տվեց / Իսկ ես քեզ թո՞ւյլ եմ տվել»
Արտահայտություն, որն անմիջապես դնում է կախվածության մեջ։ Այսինքն՝ ինչ-որ բան անելուց առաջ թույլտվություն է պետք։ Իհարկե, եթե խոսքը գնում է անձնական ունեցվածքի մասին, որը դուք վերցրել եք առանց թույլտվության, սա մի հարց է, բայց եթե մենք խոսում ենք որոշումներ կայացնելու, ձեր սեփական մտքերի և ծրագրերի մասին, ապա այս արտահայտությունը կարող է ագրեսիվ արձագանք առաջացնել։
«Ես քեզ ասում էի, չէ՞»
Արտահայտությունը գործում է երկու կողմով էլ, այն հավասարապես նյարդայնացնում է և՛ տղամարդկանց, և՛ կանանց: Դնելով ձեզ սխալ թույլ տված մարդու տեղ, վերջին բանը, որ ցանկանում եք լսել՝ ձեր սիրելիի կողմից դժգոհող մեկնաբանություններն է: Երբ մատնանշում են ձեր սխալը, կոնկրետ սեղմելով դրա վրա, դրանում հաճելի քիչ բան կա, և հենց այդ պատճառով էլ դա այդքան նյարդայնացնում է։
Գրանցվիր մեր 
